HYDRAA : 'హైడ్రా' చేతికి సరికొత్త అధికారాలు..! ముఖ్యమైన 10 అంశాలు

హైడ్రాకు మరిన్ని బాధ్యతలను నిర్వర్తించనుంది. ఈ మేరకు తెలంగాణ ప్రభుత్వం కీలక ఉత్తర్వులను జారీ చేసింది.జీహెచ్ఎంసీతో పాటు ఓఆర్‌ఆర్‌ వరకూ ఉన్న 27 పురపాలికల్లో ప్రభుత్వ ఆస్తుల పరిరక్షణ, విపత్తు నిర్వహణకు అవసరమైన అధికారాలను హైడ్రాకు కట్టబెట్టింది. ఈ మేరకు బుధవారం పురపాలక, పట్టణాభివృద్ధి శాఖ ముఖ్యకార్యదర్శి దానకిశోర్‌ ఉత్తర్వులు ఇచ్చారు.

తాజా ఉత్తర్వులతో జీహెచ్ఎంసీకి చెందిన రోడ్లు, డ్రైనేజీలు, వాటర్ బాడీలు, బహిరంగ ప్రదేశాలు, పబ్లిక్ పార్కులు మొదలైన పబ్లిక్ ఆస్తలు ఆక్రమణలకు గురికాకుండా హైడ్రా రక్షించనుంది. జీహెచ్‌ఎంసీ చట్టం -1955 కింద అవసరమైన అధికారాలను హైడ్రాకు అప్పగిస్తున్నట్లు’ ఉత్తర్వుల్లో వివరించారు.

హైడ్రాకు కొత్త బాధ్యతలు - 10 ముఖ్యమైన అంశాలు:

• భాగ్యనగరం పరిధిలోని చెరువులు, నాలాల రక్షణే ప్రధాన ధ్యేయంగా హైదరాబాద్‌ డిజాస్టర్‌ రెస్పాన్స్‌ అండ్‌ ఎస్సెట్‌ ప్రొటెక్షన్‌ ఏజెన్సీ(హైడ్రా)ని ఏర్పాటు చేసిన సంగతి తెలిసిదే. ఈ హైడ్రాకు విస్తృతాధికారాలు కల్పిస్తూ రాష్ట్ర సర్కార్​ ఆర్డినెన్స్‌ కూడా తీసుకొచ్చింది.
• తాజాగా హైడ్రాకు తెలంగాణ ప్రభుత్వం మరికొన్ని అధికారాలను కట్టబెట్టింది. జీహెచ్ ఎంసీ(గ్రేటర్ హైదరాబాద్ మున్సిపల్ కార్పొరేషన్) అధికారాలను హైడ్రాకు బదిలీ చేస్తూ మున్సిపల్ శాఖ ప్రిన్సిపల్ సెక్రటరీ దానకిశోర్ బుధవారం ఉత్తర్వులు జారీ చేశారు.
• ప్రభుత్వం ఇచ్చిన తాజా ఉత్తర్వులతో జీహెచ్ఎంసీకి చెందిన రోడ్లు, డ్రైనేజీలు, వాటర్ బాడీలు, బహిరంగ ప్రదేశాలు, పబ్లిక్ పార్కులు మొదలైన పబ్లిక్ ఆస్తలు ఆక్రమణలకు గురికాకుండా హైడ్రా రక్షించనుంది.
• జీహెచ్‌ఎంసీ చట్టం -1955 కింద అవసరమైన అధికారాలను హైడ్రాకు అప్పగిస్తున్నట్లు’ ఉత్తర్వుల్లో వివరించారు. హైడ్రాకు బదలాయించిన అధికారాలను వివరిస్తూ జీహెచ్‌‌‌‌‌‌‌‌‌‌‌‌‌‌‌‌ఎంసీ చట్టం1955లో ప్రత్యేకంగా 94(బీ) సెక్షన్‌‌‌‌‌‌‌‌‌‌‌‌‌‌‌‌ను చేరుస్తున్నారు.
• హైడ్రా విషయంలో ప్రభుత్వం ఇచ్చిన ఆర్డినెన్స్ కు అనుగుణంగా బుధవారం మున్సిపల్ శాఖ ఉత్తర్వులు ఇచ్చింది. ఫలితంగా ఇప్పటి నుంచి హైడ్రా చేపట్టబోయే అన్ని పనులకు చట్టబద్ధత లభించనుంది.
• తాజా అధికారాల ప్రకారం… ప్రభుత్వ ఆస్తుల పరిరక్షణ కోసం ఇకపై హైడ్రా నోటిసులు జారీ చేయనుంది.
• వచ్చే అసెంబ్లీ సమావేశాల్లో జీహెచ్ఎంసీ చట్ట సవరణ బిల్లును ప్రవేశపెట్టే అవకాశం ఉంది. ఈ బిల్లుకు అసెంబ్లీ ఆమోదముద్ర వేస్తే… హైడ్రాకు సంపూర్ణ అధికారాలు దక్కుతాయి.
• హైడ్రా ఏర్పాటు జీవో 99తో పాటు చర్యలపై హైకోర్టు కీలక ఉత్తర్వులు ఇచ్చింది. హైడ్రా చర్యలను సవాలు చేస్తూ దాఖలైన వేర్వేరు వ్యాజ్యాలపై ఇటీవలే విచారించిన న్యాయస్థానం… హైడ్రాను ఏర్పాటు చేసే అధికారం రాష్ట్ర ప్రభుత్వానికి ఉందని స్పష్టం చేసింది.
• హైడ్రా విషయంలో స్టే ఇచ్చేందుకు తెలంగాణ హైకోర్టు పలుమార్లు నిరాకరించింది. హైడ్రా చర్యలు చట్ట నిబంధనలకు లోబడి ఉండాలని కూడా ప్రభుత్వానికి స్పష్టం చేస్తూ వచ్చింది.
• హైడ్రాను జీవో ద్వారా ఏర్పాటు చేసిన తెలంగాణ ప్రభుత్వం… ఆ తర్వాత ఆర్డినెెన్స్ కూడా ఇచ్చింది. కేబినెట్ లో చర్చించి ఆమోదముద్ర వేసింది. రాష్ట్ర సర్కార్​ తీసుకొచ్చిన ఆర్డినెన్స్‌కు రాష్ట్ర గవర్నర్‌ జిష్ణుదేవ్‌ వర్మ కూడా ఆమోదం తెలిపారు. త్వరలో జరగబోయే అసెంబ్లీ సమావేశాల్లో హైడ్రాపై విస్తృత చర్చ జరిగే అవకాశం ఉంది. మున్సిపల్ చట్టాన్ని సవరించనున్నారు. దీనిపై ప్రభుత్వం నుంచి అధికారికంగా ప్రకటన రావాల్సి ఉంది.