Eggless Banana Cake Recipe : వీకెండ్ స్పెషల్ ఎగ్‌లెస్ బనానా కేక్.. ఇలా చేసేయండి

Eggless Banana Cake Recipe : చాలా మంది కేక్​ అనగానే ఎగ్ ఉంటుందేమో అని భయపడతారు. అలాంటి వారికోసమే ఈ ఎగ్​ లెస్​ బనానా కేక్. కాబట్టి దీనిని అందరూ హ్యాపీగా తయారు చేసుకోవచ్చు. ఇది మీ వీకెండ్​ని మరింత స్పెషల్ చేస్తుంది. అంతేకాకుండా.. మీ స్వీట్​ క్రావింగ్స్​కి ఎలాగో వీకెండ్ బ్రేక్ ఇస్తారు కాబట్టి.. ఇది కచ్చితంగా మీకు మంచి స్వీట్ డిజెర్ట్ అవుతుంది. మరి దీనిని ఎలా తయారు చేయాలో.. కావాల్సిన పదార్థాలేమిటో ఇప్పుడు తెలుసుకుందాం.

కావాల్సిన పదార్థాలు

* పిండి - 300 గ్రాములు

* బేకింగ్ పౌడర్ - 12 గ్రాములు

* దాల్చిన చెక్క పొడి - 5 గ్రాములు

* వాల్‌నట్‌లు - 100 గ్రాములు

* అరటిపండు - 4

* వెన్న - 70 గ్రాములు

* పెరుగు - 100 మి.లీ

* పాలు - 150 మి.లీ

ఎగ్లెస్ బనానా కేక్ తయారీ విధానం

ఓ గిన్నెలో పిండి, బేకింగ్ పౌడర్‌ను జల్లెడ పట్టండి. దానిలో దాల్చినచెక్క పొడి, వాల్‌నట్‌లను జోడించండి. ఒక గిన్నెలో కరిగించిన వెన్నతో పాటు.. అరటిపండ్లను పూర్తిగా మాష్ చేయండి. అరటిపండు గుజ్జులో పెరుగు కలపండి. ఈ మిశ్రమంలో క్రమంగా పాలు వేస్తూ బాగా కలపండి. ఇది పిండిని మృదువుగా, ముద్దలు లేకుండా చేస్తుంది.

ఈ బనానా మిక్స్‌ను వెన్నతో గ్రీజు చేసిన ట్రేలో పోయాలి. దీనిని 170°C వద్ద ముందుగా వేడిచేసిన ఓవెన్‌లో 50-60 నిమిషాలు బంగారు గోధుమ రంగు వచ్చేవరకు బేక్ చేయాలి. బేక్ చేసిన తర్వాత చల్లార్చి.. పైన ఐసింగ్ షుగర్ చల్లి సర్వ్ చేసేయడమే. ఇది మీ వెకెండ్​ని కచ్చితంగా స్పెషల్ చేస్తుంది.