Best family car : ఇండియాలో బెస్ట్​ సెల్లింగ్​ 7 సీటర్​ ఇదే- ఫ్యామిలీకి పర్ఫెక్ట్​గా సెట్​ అవుతుంది!

ఇండియాలో బెస్ట్​ సెల్లింగ్​ 7 సీటర్​గా కొనసాగుతోంది టయోటా ఇన్నోవా హైక్రాస్​! ఇక ఇప్పుడు ఈ మోడల్​కి సంబంధించి క్రేజీ అప్డేట్​ని ఇచ్చింది సంస్థ. నవంబర్​ 2022లో లాంచ్​ అయిన ఈ పాప్యులర్​ ఎంపీవీ.. తాజాగా 1 లక్ష సేల్స్​ మైలురాయిని చేరుకుందని సంస్థ వెల్లడించింది. ఈ నేపథ్యంలో ఈ మోడల్​ విశేషాలను ఇక్కడ తెలుసుకుందాము..

బెస్ట్​ సెల్లింగ్​ 7 సీటర్​ కారు ఇదే..

టయోటా ఇన్నోవా క్రిస్టా ఆధారంగా రూపొందించిన ఈ ఇన్నోవా హైక్రాస్ ఎంపీవీ కాస్త ఆకర్షణీయమైన డిజైన్​తో వస్తుంది. ఇన్నోవా హైక్రాస్ ఇన్నోవా క్రిస్టాకి ప్రీమియం వర్షెన్ అని చెప్పుకోవాలి.  ఈ మోడల్​ ధర రూ .19.77 లక్షలు (ఎక్స్-షోరూమ్) నుంచి రూ .30.98 లక్షలు (ఎక్స్-షోరూమ్) వరకు ఉంటుంది.

టయోటా ఇన్నోవా హైక్రాస్ పెట్రోల్-ఓన్లీ, పెట్రోల్-హైబ్రిడ్ ఇంజిన్​ ఆప్షన్స్​లో అందుబాటులో ఉంది. ఏడు, ఎనిమిది సీట్ల ఆప్షన్స్​లో లభించే ఈ ఎంపీవీ.. వినియోగదారులకు ఏడు వేర్వేరు కలర్​ ఎంపికలను కూడా అందిస్తుంది! అవి.. బ్లాక్ ఐష్ అఘా గ్లాస్ ఫ్లేక్, సూపర్ వైట్, ప్లాటినం వైట్ పెర్ల్, సిల్వర్ మెటాలిక్, యాటిట్యూడ్ బ్లాక్ మైకా, స్పార్క్​లింగ్​ బ్లాక్ పెర్ల్ క్రిస్టల్ షైన్, అవంట్ గార్డ్ బ్రాంజ్ మెటాలిక్.

టయోటా ఇన్నోవా హైక్రాస్​కి అధిక డిమాండ్ ఉందని, దీని ఫలితంగా ఎంపీవీ ఎనిమిది నెలల వరకు సుదీర్ఘ వెయిటింగ్ పీరియడ్​ని కలిగి ఉందని సంస్థ పేర్కొంది. ఆసక్తికరమైన విషయం ఏంటంటే.. ఈ ఎంపీవీ మొదటిసారి భారత మార్కెట్​లో ప్రవేశపెట్టినప్పుడు దీని వెయిటింగ్​ పీరియడ్​ రెండు సంవత్సరాల వరకు వెళ్లింది!

ఈ ఎంపీవీ టాప్-స్పెక్ జెడ్ఎక్స్, జెడ్ఎక్స్ (ఓ).. ఇన్నోవా హైక్రాస్ మొత్తం అమ్మకాలలో ఎక్కువ భాగాన్ని కలిగి ఉండటం విశేషం. వాస్తవానికి, ఇంత అధిక డిమాండ్ కారణంగా, టాప్-స్పెక్ జెడ్ఎక్స్, జెడ్ఎక్స్ (ఓ) వేరియంట్ల బుకింగ్లను గతంలో చాలాసార్లు నిలిపివేశారు కూడా!

ఇందులోని 2.0-లీటర్ నాలుగు సిలిండర్ల పెట్రోల్ ఇంజిన్ గరిష్టంగా 172బీహెచ్​పీ పవర్, 188ఎన్ఎమ్ గరిష్ట టార్క్​ను ఉత్పత్తి చేస్తుంది. ఎంపిక చేసిన వేరియంట్లలో, 2.0-లీటర్ పెట్రోల్ మోటారును ఎలక్ట్రిక్ మోటార్​తో కలిపే హైబ్రిడ్ పవర్ట్రెయిన్ 206 ఎన్ఎమ్ టార్క్​ని జనరేట్​ చేస్తుంది. ఎంపీవీ కోసం ట్రాన్స్​మిషన్ ఆప్షన్స్​లో సీవీటీ, ఈ-సీవీటీ యూనిట్ ఉన్నాయి.

7 సీటర్​, 8 సీటర్​ ఆప్షన్స్​ ఉండటంతో ఇండియాలో ఫ్యామిలీస్​కి సరిగ్గా సూట్​ అయ్యే ఎంపీవీగా ఇన్నోవా హైక్రాస్​ నిలిచింది. అందుకే దీనికి మార్కెట్​లో విపరీతమైన డిమాండ్​ కనిపిస్తోంది.