Breakfast Dairies : మీ టిఫెన్స్లో.. ఎగ్ మఫిన్స్ చేర్చుకోండి..
ఉదయాన్నే గుడ్లు తినే అలవాటు చాలా మందికి ఉంటుంది. ఇవి ఆరోగ్యానికి కూడా చాలా మంచివి. అయితే వీటిని అంతే హెల్తీగా టేస్టీగా తినాలకుంటే మాత్రం ఎగ్ మఫిన్లను ట్రై చేయాల్సిందే. పైగా వీటిని చేయడం కష్టమేమో అనుకుంటున్నారా? చాలా సింపుల్ అండీ బాబు.. మీరే చూసేయండి వాటిని ఎలా చేయాలో.
Egg Muffins : ఉదయాన్నే టైం సరిపోక.. త్వరగా ఏదొకటి చేసుకుని తినాలనుకునే వారికి ఈ ఎగ్ మఫిన్లు మంచి ఎంపిక. పైగా ఇవి హెల్తీ కూడా. ఇవి పూర్తిగా తాజా కూరగాయలు, మాంసంతో, మంచి ఫ్లేవర్లతో నిండి ఉంటుంది. కాబట్టి మీ ఉదయం చాలా టేస్టీగా మారబోతుంది. అయితే వీటిని ఎలా తయారు చేసుకోవాలో అని చింతించకండి. ఎగ్ మఫిన్స్ కోసం కావాల్సిన పదార్థాలు, తయారీ విధానం గురించి ఇప్పుడు తెలుసుకుందాం.
ఎగ్ మఫిన్స్ కోసం కావాల్సిన పదార్థాలు
* వెన్న - 1 టీస్పూన్
* పుట్టగొడుగులు - 4, 5 ముక్కలు
* ఉల్లిపాయ - 1 చిన్నది
* పచ్చిమిర్చి - 3
* చికెన్ సాసేజ్ - 6
* చీజ్ - 50 గ్రాములు
* పెప్పర్ - తగినంత
* గుడ్లు - 6
ఎగ్ మఫిన్ల తయారీ విధానం
ఒక గిన్నె తీసుకుని.. దానిలో పుట్టగొడుగులు, ఉల్లిపాయ, పచ్చిమిర్చి, చికెన్ సాసేజ్, పెప్పర్, గుడ్లు వేసి కలపండి. ఈ మిశ్రమాన్ని మఫిన్ ట్రేలో మూడు వంతుల వరకు నింపండి. దీనిపైన పెప్పర్ వేయండి. వీటిని ఓవెన్లో 350 డిగ్రీల హీట్లో 10 నుంచి 15 నిముషాలు కాల్చండి.
ఈ మఫిన్స్ బంగారు గోధుమ రంగులో రోస్ట్ అవుతాయి. వీటిని వేడిగా తినొచ్చు.. లేదా చల్లారిన తర్వాత తిని ఆనందించవచ్చు. ఈ వర్షంలో ఇలా ఎగ్ మఫిన్స్ తింటే.. మనసు హాయిగా ఉంటుంది.
సంబంధిత కథనం