Soap Hacks: మిగిలిపోయిన సబ్బు ముక్కలను పడేయకుండా ఇంట్లోఇలా వాడుకోండి
Soap Hacks: ఇంట్లో సబ్బు ముక్కలు మిగిలిపోవడం సహజమే. వాటిని బయట పడేస్తూ ఉంటారు. నిజానికి సబ్బు ముక్కలను పడేయాల్సిన అవసరం లేదు, వాటితో ఇంటిని శుభ్రం చేసుకోవచ్చు. వాడి పడేసిన సబ్బు ముక్కలను ఇంట్లో ఎలా తిరిగి వాడాలో తెలుసుకోండి.
మార్కెట్లో ఎన్ని లిక్విడ్ సబ్బులు వచ్చినా, సాధారణ సబ్బులను వాడే వారి సంఖ్య ఎక్కువే. ఇప్పటికీ చాలా భారతీయ ఇళ్లలో సబ్బులనే వాడతారు. స్నానం చేసేటప్పుడు సబ్బు చాలా వరకు అరిగిపోయి చివరికి చిన్న ముక్కలు మిగిలిపోతాయి. వాటిని పడేయాల్సిన అవసరం లేదు. వీటిని ఉపయోగించి ఇంటిని మెరిపించేయచ్చు.
ఇంట్లో చెక్క తలుపులు ఉంటాయి. అవి జామ్ అయిపోవడం వంటివి జరుగుతున్నాయి. అవి ఒక్కోసారి తెరిచినప్పుడు శబ్ధాలు చేస్తూ ఉంటుంది. సబ్బు ముక్క సహాయంతో ఈ సమస్యను త్వరగా పరిష్కరించుకోవచ్చు. జామ్ అయిన తలుపులు లేదా స్లైడర్లకు సబ్బును రాయండి. ఇలా చేయడం వల్ల డోర్లు లేదా స్లైడర్లు బాగా తిరుగుతాయి. ఎలాంటి శబ్ధాలు రావు.
ఒక చిన్న సబ్బు ముక్కను వార్డ్ రోబ్ ఫ్రెషనర్ లేదా క్లాసెట్ ఫ్రెషనర్ గా కూడా ఉపయోగించవచ్చు. సువాసనలు వెదజల్లే సబ్బు ముక్కలను విసిరే బదులు, వాటిని వస్త్రంలో లేదా టిష్యూ పేపర్లో చుట్టి, వాటిని అల్మారా లేదా క్లాసెట్ లోపల ఉంచండి. దీని సువాసన వార్డ్ రోబ్, క్లాసెట్ లో ఉంచడం వల్ల మురికి వాసన రాకుండా తాజాగా ఉంటుంది.
చాలాసార్లు తాళాలు పాతవి అయినప్పుడు, వాటిని తెరవడం, మూసివేయడం కొంచెం కష్టమవుతుంది. తాళాలు సులభంగా తెరుచుకోవు. వాటిని తెరవడానికి చాలా బలాన్ని ఉపయోగించాల్సి ఉంటుంది. ఈ సందర్భంలో, తాళాలను విప్పడానికి సబ్బును కూడా ఉపయోగించవచ్చు. ఇందుకోసం ముందుగా సబ్బుపై తాళం చెవిని కొద్దిగా రుద్దాలి. ఇప్పుడు ఈ సబ్బు కోటెడ్ కీని తాళం కప్పలో ఉంచండి. దాన్ని తెరిచి పదేపదే మూసివేస్తూ ఉండండి. ఇలా చేయడం వల్ల తాళాలు బాగా పనిచేస్తాయి.
చాలాసార్లు ప్యాంటు, జాకెట్, బ్యాగ్ జిప్ సరిగా పనిచేయదు. ఇరుక్కుపోవడం ప్రారంభిస్తుంది. ఈ కారణంగా దానిని మూసివేయడానికి, తెరవడానికి చాలా బలాన్ని ఉపయోగించాల్సి ఉంటుంది. దీని తర్వాత కూడా చాలాసార్లు సరిగ్గా క్లోజ్ కాకపోవడంతో కొత్త జిప్ ను ఇన్ స్టాల్ చేసుకోవాల్సి వస్తోంది. దీనికి చిన్న సబ్బు ముక్కలు మీకు సహాయపడతాయి. దీని కోసం, మీరు ఒక సబ్బు ముక్కను తీసుకొని జిప్ మీద రుద్దాలి. ఆపై జిప్ తెరిచి మూసి వేస్తూ ఉండాలి. ఇలా చేయడం వల్ల జిప్ ఫిక్స్ అవుతుంది.
ఇలా సబ్బుముక్కలతో మీ ఇంట్లోని పరికరాలను పనిచేసేలా చూడవచ్చు. ఇకపై సబ్బు ముక్కలు పడేసే బదులు ఇలా వాడుకుంటే మంచిది.
టాపిక్