Sun Tan Remove Tips : పెరుగు ఫేస్ ప్యాక్స్‌తో సన్ టాన్ ఈజీగా తొలగించుకోవచ్చు
Sun Tan Remove Tips : సన్ టాన్ అనేది చాలా మందికి ఇబ్బంది కలిగిస్తుంది. అయితే పెరుగుతో మీరు దీని నుంచి బయటపడొచ్చు. అది ఎలాగో చూద్దాం..
ప్రతి ఒక్కరూ తమ ముఖం ఎల్లప్పుడూ ప్రకాశవంతంగా ఉండాలని, చర్మ సమస్యలు లేకుండా ఉండాలని కోరుకుంటారు. ఇందుకోసం రకరకాల జాగ్రత్తలు చేస్తూ చర్మాన్ని సంరక్షిస్తారు. కానీ ఎండాకాలం వచ్చిందంటే ఇవన్నీ పాడైపోయి రకరకాల చర్మ సమస్యలతో పాటు చర్మం టాన్ అవ్వడం మొదలవుతుంది.
అయితే వేసవిలో ముఖం నల్లబడకూడదనుకుంటే కొన్ని ఉత్పత్తులతో రెగ్యులర్ గా జాగ్రత్తలు తీసుకోవాలి. ప్రధానంగా ఫేస్ ప్యాక్స్ వేసుకోవాలి. సూర్యరశ్మికి ముఖం నల్లబడకుండా కాంతివంతంగా, తెల్లగా ఉండాలంటే మన ఇంట్లో పెరుగు చాలా సహాయపడుతుంది. ఎందుకంటే పెరుగులో ఉండే లాక్టిక్ యాసిడ్ చర్మంలోని మురికిని, మృతకణాలను తొలగించి చర్మ కణాలను ఆరోగ్యంగా ఉంచడంలో సహాయపడుతుంది.
ప్రధానంగా పెరుగు మెలనిన్ ఉత్పత్తిని నిరోధిస్తుంది. ఈ పెరుగును కొన్ని పదార్థాలతో ఫేస్ ప్యాక్ తయారు చేసుకొని వేసవిలో వాడితే ముఖం నల్లబడకుండా తెల్లగా ఉంటుంది. ఇప్పుడు చర్మం నల్లబడటం నుండి బయటపడటానికి కొన్ని పెరుగు ఫేస్ ప్యాక్‌లను చూద్దాం.
ఒక గిన్నెలో 1 టేబుల్ స్పూన్ బియ్యప్పిండిని కొంచెం పెరుగుతో కలిపి పేస్ట్ లా చేయండి. తర్వాత దీన్ని ముఖం, మెడ, నల్లటి చేతులకు అప్లై చేసి కాసేపు మసాజ్ చేయాలి. తర్వాత 20 నిమిషాల పాటు నానబెట్టి చల్లటి నీటితో కడగాలి. ఈ ఫేస్ ప్యాక్ ను వారానికి 3 సార్లు ఉపయోగిస్తే నల్లటి చర్మం తెల్లగా మారడం కనిపిస్తుంది.
ఒక గిన్నెలో 1 టేబుల్ స్పూన్ పెరుగు తీసుకుని అందులో 1/2 టేబుల్ స్పూన్ తేనె కలపాలి. తర్వాత దీన్ని ముఖం, మెడ, చేతులకు అప్లై చేసి కొన్ని నిమిషాల పాటు మసాజ్ చేయాల్సి ఉంటుంది. తర్వాత 20 నిమిషాలు నానబెట్టి.. తర్వాత చల్లటి నీటితో కడగాలి. ఈ ఫేస్ ప్యాక్ ను వారానికి 2-3 సార్లు ఉపయోగిస్తే చర్మం నల్లబడటం త్వరగా పోతుంది.
ఒక గిన్నెలో 1-2 టేబుల్ స్పూన్ పెరుగు తీసుకుని బాగా కలుపుకోండి. తర్వాత దీన్ని ముఖం, మెడ, నల్లటి చేతులకు అప్లై చేసి 3-5 నిమిషాల పాటు మృదువుగా మసాజ్ చేయాలి. ఆ తర్వాత 20 నిమిషాలు నానబెట్టి తర్వాత చల్లటి నీటితో కడగాలి. దీన్ని వారానికి 2-3 సార్లు ఉపయోగిస్తే నల్లటి చర్మాన్ని దూరం చేసుకోవచ్చు.
ముందుగా 5 స్ట్రాబెర్రీలను కట్ చేసి బ్లెండర్ లో వేసి 1 టేబుల్ స్పూన్ పెరుగు వేసి బాగా గ్రైండ్ చేసుకోవాలి. తర్వాత దీన్ని ముఖానికి పట్టించి కాసేపు మసాజ్ చేసి 20 నిమిషాల పాటు ఉండనివ్వాలి. ఆ తర్వాత చల్లటి నీటితో ముఖం కడగాలి. ఇలా వారానికి 3 సార్లు ఉపయోగిస్తే ముఖం కాంతివంతంగా మారుతుంది.
