శృంగార కలలు.. వాటి అర్థాలు.. ఇవి తెలిస్తే మీ మతిపోతుంది!

మనం తరచుగా కోరికలను దాచుకుంటాం. అన్ని విషయాలూ బయటకు చెప్పలేం కదా. చెబితే అవతలి వారు ఏమంటారో అనే భయం ఉంటుంది. అంతేకాదు.. అలా శృంగారం చేయాలి., ఇలా చేయాలి అని కొంతమంది రోజులో ఊహించుకుంటారు. కానీ పరిస్థితుల కారణంగా చేయలేరు. ఇలాంటివి జరిగినప్పుడే కలల(Dreams) రూపంలో వస్తాయి. కొన్నిసార్లు మనం వాటి గురించి కలలు కంటాం. ఎక్కువగా కలలు మనం సాధించాలనుకునే వాటి గురించే ఉంటాయి. అవి సక్సెస్ అవుతాయో లేదో తర్వాత ముచ్చట. కలల రూపంలో అయితే వస్తాయి. మనసులో దాచుకున్న కోరికలతో లైంగిక పరమైన కలలు వస్తాయి. ఇక్కడ చాలా సాధారణమైన శృంగారం కలలు, వాటి అర్థాలు ఉన్నాయి.

మాజీతో శృంగారం

సాధారణంగా శృంగారం కలలలో మన మాజీ కూడా ఒకరు. ఇలాంటి కలలు వస్తే.. మీ మాజీతో మీరు సరిగా చేయలేదని, ఆ జంట మధ్య విషయాలు ఇంకా సరిగ్గా జరగలేదని సూచిస్తుంది. సంబంధాలు అసంపూర్తిగా ముగిసిపోవడంలాంటివి ఈ శృంగారం కలలకు దారి తీస్తుంది. శృంగారం అనేది సాన్నిహిత్యానికి అత్యున్నత రూపం అని నమ్ముతారు. మీ మాజీ గురించి ఇంకా కలలు కనడం చేస్తున్నారంటే.. ఇంకా వారిపై మనసులో ఏదో ఓ మూలన కోరిక ఉందని చెప్పవచ్చు.

అపరిచితులతో శృంగారం

కొంతమందికి కలలో శృంగారం చేస్తున్నట్టుగా అనిపిస్తుంది. కానీ చేసేవారి ముఖం మాత్రం కనిపించదు. శృంగారం గురించి కలలు కనడం తెలియని వ్యక్తి పట్ల మీ ప్రేమను సూచిస్తుంది. తెలియని వాటిని అన్వేషించాలనే కోరిక చాలా మందికి టర్న్-ఆన్‌గా పనిచేస్తుంది. మీరు పబ్లిక్‌లో అపరిచితుడి పట్ల ఆకర్షితులవుతున్నట్లు అనిపిస్తే, మీ నిద్రలో అలాంటి కలలు చాలా సాధారణం.

తెలిసిన వారితో శృంగారం

మనందరికీ మన జీవితంలో స్నేహితులు, సహోద్యోగులు ఉంటారు. వారి పట్ల మన లైంగిక కోరికల గురించి చెప్పడానికి భయపడతాం. కాబట్టి దాని గురించి కలలు కంటాం. తెలిసిన వారి గురించి లైంగిక కలలు కనడం అంటే మీరు ఆ వ్యక్తి పట్ల లైంగికంగా లేదా ప్రేమపూర్వకంగా భావాలను పెంచుకున్నారని సూచిస్తుంది.

ప్రముఖులతో శృంగారం

సాధారణమైన శృంగారం కలలలో ప్రముఖులు కూడా ఉంటారు. మనం తరచుగా వారి గురించి ఎందుకు కలలు కంటున్నామో అర్థం కాని విషయం. కానీ వారి చరిష్మా, బాడీ ఫిట్, వారి అందం పట్ల మనం దాచుకున్న లైంగిక కోరికలను రేకెత్తిస్తాయి. శృంగారంలో పాల్గొనాలని మీరు తరచుగా కలలు కనే సెలబ్రిటీతో మీకు నచ్చిన వ్యక్తి ఎలా ఉండాలో గుర్తించొచ్చు. ఇది మీ మానసిక స్థితిని బట్టి కూడా మారవచ్చు.

బహిరంగంగా శృంగారం

పబ్లిక్ లో శృంగారం కలలు కొంతమందికి వస్తాయి. ఏదో ప్రదేశంలో జరిగినట్టుగా అనిపిస్తుంది. అది ఓపెన్ ప్లేస్ అయి ఉంటుంది. కానీ నిద్రలో మాత్రం.. ఎక్కడో జరుగుతున్న ఫీల్ ఉంటుంది. శృంగారం చేస్తున్నప్పుడు ఆ వ్యక్తిని చూడటానికి ఇష్టపడతామని సూచిస్తుంది. శృంగారం చేస్తున్నప్పుడు ఏదైనా అరుపులు వినడం, చూడటం లాంటివి వాటితో ఇలా వస్తాయి.