Orange Chutney : ఇడ్లీ, దోసెలోకి ఆరెంజ్ చట్నీ ట్రై చేయండి.. రుచి సూపర్-how to prepare orange chutney for idli dosa ,లైఫ్‌స్టైల్ న్యూస్
తెలుగు న్యూస్  /  Lifestyle  /  How To Prepare Orange Chutney For Idli Dosa

Orange Chutney : ఇడ్లీ, దోసెలోకి ఆరెంజ్ చట్నీ ట్రై చేయండి.. రుచి సూపర్

Anand Sai HT Telugu
Feb 26, 2024 06:30 AM IST

Orange Chutney Recipe : ఇడ్లీ, దోసెలోకి ఎప్పుడూ ఒకేలాంటి చట్నీ తిని తిని బోర్ కొడుతుందా.. అయితే కొత్తగా ఆరెంజ్ చట్నీ ట్రై చేయండి. చాలా టేస్టీగా ఉంటుంది.

ఆరెంజ్ చట్నీ
ఆరెంజ్ చట్నీ (Unsplash)

బ్రేక్‌ఫాస్ట్‌లో దోసె, ఇడ్లీ లాంటివి చేసిన తర్వాత చట్నీ ఏం చేయాలో చాలాసార్లు ఆలోచిస్తాం. ఎప్పుడూ ఒకే రకమైన చట్నీ తింటూ బోర్ కొడితే.., మీ నాలుక వేరే రుచిని కోరుతుంటే, మీరు ఆరెంజ్ చట్నీని ప్రయత్నించవచ్చు. ఇది రుచిలో చాలా భిన్నంగా ఉంటుంది. దీన్ని తయారు చేయడం చాలా సులభం. ఆరెంజ్ చట్నీ రెసిపీ తయారీ విధానం ఇక్కడ ఉంది.

చాలా మంది అల్పాహారం కోసం ఇడ్లీ, దోసెను చేస్తారు. ముఖ్యంగా దక్షిణ భారతదేశంలో ఈ వంటకాలు కచ్చితం. ఈ దోసె, ఇడ్లీతో ఎప్పుడూ కొబ్బరి చట్నీ, టమాటా చట్నీ పిల్లలతో సహా కుటుంబానికి బోర్ కొడుతుంది. అందుకే సాంబార్ చేస్తాం.. చాలా మందికి చిరుతిళ్లతో సాంబార్ కంటే చట్నీనే ఎక్కువ ఇష్టం. మీరు వేరే చట్నీని ప్రయత్నించాలనుకుంటే ఆరెంజ్ చట్నీ ప్రయత్నించండి.

వేసవిలో ఎక్కువ లభించే పండ్లలో ఆరెంజ్ ఒకటి. నారింజను తీసుకోవడం వల్ల అనేక ఆరోగ్య ప్రయోజనాలు ఉన్నాయి. చట్నీ గురించి మాట్లాడుతూ.. ఆరెంజ్ ఫ్రూట్ గురించి చెబుతున్నారేంటని ఆశ్చర్యపోకండి. ఈ రోజు మనం ఈ ఆరెంజ్ ఫ్రూట్ చట్నీని ఎలా తయారు చేయాలో తెలుసుకుందాం.. ఆరెంజ్ చట్నీ తీపి, పులుపుతో చాలా టేస్టీగా ఉంటుంది. ఈ చట్నీ చేస్తే పిల్లలు కూడా ఇంకో రెండు ఇడ్లీలు ఎక్కువగా తింటారు. ఆరెంజ్ చట్నీ ఎలా చేయాలో చూద్దాం.

ఆరెంజ్ చట్నీకి కావాల్సిన పదార్థాలు

ఆరెంజ్ - 4, నూనె - 1 టేబుల్ స్పూన్, ఆవాలు - 1 టేబుల్ స్పూన్, జీలకర్ర - 1 టేబుల్ స్పూన్, పసుపు పొడి - చిటికెడు, కారపు పొడి - 1/2 tsp, ఇంగువ - చిటికెడు, ఉప్పు - రుచికి సరిపడా, చక్కెర - అరకప్పు, మిరియాల - 2, వెనిగర్ - 2 టేబుల్ స్పూన్లు

ఆరెంజ్ చట్నీ తయారీ విధానం

నారింజ పండు తొక్క, గింజలను తీసి చిన్న ముక్కలుగా కోయాలి. బాణలిలో నూనె వేడి చేసి ఆవాలు వేయాలి. జీలకర్ర వేసుకోవాలి.

కాసేపటివరకూ వేయించాలి. ఇప్పుడు స్టౌ మంట తగ్గించి పసుపు, ఉప్పు పొడి, ఇంగువ వేసి ఇవన్నీ కలుపుకోవాలి. తర్వాత తరిగిన నారింజ ముక్కలు వేసి అన్నీ బాగా కలపాలి.

నారింజ ఉడికి, మిశ్రమం చిక్కబడే వరకు 15 నుండి 20 నిమిషాలు కలుపుతూ ఉండాలి.

తర్వాత చక్కెర, ఉప్పు వేసి, చక్కెర కరిగిపోయే వరకు మళ్లీ కదిలించాలి. అందులో వేయించిన ఎర్ర మిరపకాయలను వేయాలి.

10 నిమిషాలు కలుపుతూ ఉండాలి. చట్నీ చిక్కగా అయ్యాక కాస్త వెనిగర్ వేసి కలపాలి. ఉప్పును చెక్ చేయాలి. తర్వాత స్టవ్ ఆఫ్ చేసి చట్నీ సర్వ్ చేసుకోవాలి.

ఈ ఆరెంజ్ చట్నీ రుచి పేరుకు తగ్గట్టుగానే ఉంటుంది. తీపి, పుల్లని రుచి సాధారణంగా పిల్లలు ఇష్టపడతారు. ఈ చట్నీ తింటే ఆరోగ్యానికి చాలా మంచిది. ఇడ్లీ, దోసెలో కలుపుకోవచ్చు.

WhatsApp channel