క్యాబేజీ 65 తిన్నారా? ఈ సింపుల్ రెసిపీ ఎలా తయారు చేయాలో ఇక్కడ తెలుసుకోండి

మీరు నాన్ వెజ్ ప్రియులైతే చికెన్ 65 తినే ఉంటారు. కానీ, మీరు ఎప్పుడైనా క్రిస్పీ క్యాబేజీ 65 రెసిపీని ప్రయత్నించారా. చాలా రుచికరమైన ఈ రెసిపీని తయారు చేయడం చాలా సులభం. దీనిని స్నాక్ గా తీసుకోవచ్చు. అన్నం, చపాతీ లేదా సైడ్ డిష్ గా కూడా తినవచ్చు. ఈ రుచికరమైన క్యాబేజీ 65 రెసిపీని ఎలా తయారు చేయాలో ఇక్కడ తెలుసుకోండి.

క్యాబేజీ 65కి కావల్సిన పదార్థాలు

1. మైదాపిండి - అరకప్పు,
2. జీలకర్రపొడి - అరకప్పు,
3. ధనియాలపొడి - అరకప్పు,
4. ఉప్పు - రుచికి తగినంత,
5. పసుపు - ఒక టీ స్పూను,
6. పచ్చిమిర్చి సాస్ లేదా తరుగు - ఒక టేబుల్ స్పూన్,
7. టొమాటో కెచప్ - రెండు చెంచాలు,
8. అల్లంవెల్లుల్లి ముద్ద - రెండు చెంచాలు,
9. కరివేపాకు - 10 నుండి 12 రెబ్బలు

క్యాబేజీ 65 రెసిపీ తయారీ విధానం

• ముందుగా క్యాబేజీని మీడియం సైజ్ ముక్కలుగా కట్ చేయండి.
• తరిగిన క్యాబేజీని ఒక ప్లేటులో వేయాలి. కారం, ధనియాల పొడి, పసుపు, పచ్చిమిర్చి సాస్, టొమాటో కెచప్, ఉప్పు వేసి బాగా కలపాలి.
• తరిగిన క్యాబేజీలను పిండకుండా నెమ్మదిగా, బాగా కలపండి.
• ఆ తర్వాత అల్లం వెల్లుల్లి పేస్ట్ వేసి మరోసారి కలపాలి.
• స్టవ్ మీద పాన్ పెట్టి డీప్ ఫ్రైకి తగినంత నూనె పోయాలి. నూనె వేడెక్కాక కలిపిన క్యాబేజీలను ఒక్కొక్కటిగా నూనెలో వేయాలి.
• ఈ క్యాబేజీని మీడియం మంట మీద వేయించాలి. కాస్త ఫ్రై అయ్యాక తీసి పక్కన పెట్టుకుని రెండోసారి డీప్ ఫ్రై చేయాలి. ఇప్పుడు ఎక్కువ మంట పెట్టుకోవాలి.
• క్యాబేజీ బంగారు గోధుమ రంగులోకి మారిన తర్వాత బయటకు తీయాలి.ప్లేట్ లో టిష్యూ పేపర్ ఉంచి అందులో వేయించిన క్యాబేజీలను పెట్టుకోవాలి. ఇది నూనెను పీల్చుకోవడంలో సహాయపడుతుంది.

అంతే క్యాబేజీ 65 రెడీ. తినడానికి చాలా టేస్టీగా ఉంటుంది. ఒకసారి చేస్తే మళ్లీ మళ్లీ చేసుకోవాలనిపిస్తుంది. కుటుంబం మొత్తం తినడానికి ఇష్టపడుతుంది అనడంలో సందేహం లేదు. పిల్లలు స్కూల్ నుంచి రాగానే సాయంత్రం స్నాక్స్‌గా తినడానికి బాగా ఉపయోగపడుతుంది.