Weekend OTT Releases: ఈ వీకెండ్ ఓటీటీలతో ఫుల్ టైంపాస్.. అదిరిపోయే సినిమాలు, వెబ్ సిరీస్
Weekend OTT Releases: ప్రతి వీకెండ్ ఓటీటీల్లో కొత్త సినిమాలు, వెబ్ సిరీస్ కోసం ఎదురు చూస్తారా? అయితే ఈ వీకెండ్ మీరు అస్సలు డిసప్పాయింట్ అవరు. ఎందుకంటే ఈసారి అదిరిపోయే సినిమాలు, వెబ్ సిరీస్ వచ్చేస్తున్నాయి.
Weekend OTT Releases: ఈ వీకెండ్ మీకు అస్సలు బోర్ కొట్టదు. ఇది గ్యారెంటీ. ప్రతి వారం కంటే ఈ వీకెండ్ మిమ్మల్ని టైంపాస్ చేయడానికి ఓటీటీల్లోకి బోలెడంత కంటెంట్ వచ్చేస్తోంది. ఇందులో ఎన్నో ఇంట్రెస్టింగ్ సినిమాలు, వెబ్ సిరీస్ ఉన్నాయి. ఇవి నెట్ఫ్లిక్స్, ప్రైమ్ వీడియో, జీ5లాంటి ఓటీటీల్లో స్ట్రీమింగ్ కానున్నాయి.
వీకెండ్ ఓటీటీ రిలీజెస్
మంజుమ్మల్ బాయ్స్ - హాట్స్టార్
అత్యధిక వసూళ్లు సాధించిన మలయాళ సినిమా మంజుమ్మల్ బాయ్స్ మొత్తానికి ఓటీటీలోకి వచ్చేస్తోంది. ఈ ఆదివారం (మే 5) నుంచి డిస్నీ ప్లస్ హాట్స్టార్ లో ఈ సూపర్ హిట్ మూవీ స్ట్రీమింగ్ కానుంది. తెలుగుతోపాటు మిగతా భాషల వెర్షన్లన్నీ హాట్స్టార్ లోనే స్ట్రీమింగ్ అవుతాయి.
హీరామండి (వెబ్ సిరీస్) - నెట్ఫ్లిక్స్
ప్రముఖ బాలీవుడ్ డైరెక్టర్ సంజయ్ లీలా భన్సాలీ డైరెక్ట్ చేసిన హీరామండి వెబ్ సిరీస్ బుధవారమే (మే 1) నెట్ఫ్లిక్స్ లోకి వచ్చేసింది. భన్సాలీ మూవీస్ ను ఇష్టపడే వారికి ఈ వెబ్ సిరీస్ చాలా బాగా నచ్చుతుందనడంలో సందేహం లేదు. 1940లనాటి లాహోర్ లోని వేశ్యల జీవితం చుట్టూ తిరిగే కథ ఇది.
సైతాన్ - నెట్ఫ్లిక్స్
అజయ్ దేవగన్, మాధవన్, జ్యోతిక నటించిన హారర్ మూవీ సైతాన్. బాక్సాఫీస్ దగ్గర సక్సెసై ఈ సినిమా శుక్రవారం (మే 3) నుంచి నెట్ఫ్లిక్స్ లో స్ట్రీమింగ్ కానుంది. వీకెండ్ లో ఈ సినిమా చూసి భయపడటానికి రెడీ అయిపోండి.
ది బ్రోకెన్ న్యూస్ 2 (వెబ్ సిరీస్) - జీ5 ఓటీటీ
జీ5 ఓటీటీలో గతంలో వచ్చిన బ్రోకెన్ న్యూస్ వెబ్ సిరీస్ కు మంచి రెస్పాన్స్ వచ్చింది. సొనాలీ బింద్రె నటించిన ఈ సిరీస్ రెండో సీజన్ కూడా శుక్రవారం (మే 3) నుంచి జీ5 ఓటీటీలో స్ట్రీమింగ్ కానుంది.
అసుర గురు - ఆహా ఓటీటీ
అసుర గురు ఓ తమిళ యాక్షన్ థ్రిల్లర్. 2020లో వచ్చిన ఈ మూవీని రాజ్దీప్ డైరెక్ట్ చేశాడు. నాలుగేళ్ల తర్వాత ఈ సినిమా తెలుగులో ఆహా ఓటీటీలో స్ట్రీమింగ్ కానుంది. శుక్రవారం (మే 3) నుంచి ఈ సినిమాను చూడొచ్చు.
హ్యాపీ ఎండింగ్ - ఆహా ఓటీటీ
ఆహా ఓటీటీలోకి మరో తెలుగు కామెడీ మూవీ రాబోతోంది. ఈ సినిమా పేరు హ్యాపీ ఎండింగ్. యశ్ పూరి, అపూర్వ రావ్ జంటగా నటించిన ఈ మూవీ శుక్రవారం (మే 3) నుంచి ఆహా ఓటీటీలో స్ట్రీమింగ్ కానుంది. ఫిబ్రవరి 2న థియేటర్లలో రిలీజైన ఈ సినిమా మూడు నెలల తర్వాత ఓటీటీలోకి వస్తుండటం విశేషం.
సిద్ధార్థ్ రాయ్ - ఆహా ఓటీటీ
తెలుగులో అర్జున్ రెడ్డి రేంజ్ లో వచ్చి సంచలనం సృష్టించిన మూవీ సిద్ధార్థ్ రాయ్. ఈ రొమాంటిక్ డ్రామా ఫిబ్రవరి 23న థియేటర్లలో రిలీజ్ కాగా.. రెండున్నర నెలల తర్వాత శుక్రవారం (మే 3) ఆహా ఓటీటీలోకి వస్తోంది.
