Unstoppable: నీ హైటేంటి.. పూజా హెగ్డే హైటేంటి: డైరెక్టర్‌కు బాలయ్య పంచ్.. 300 స్పీడ్ వెళతానన్న దుల్కర్: ప్రోమో చూసేయండి
Unstoppable 4 OTT - Lucky Baskhar Team: లక్కీ భాస్కర్ మూవీ టీమ్ అన్‍స్టాపబుల్ 4 షోకు వచ్చింది. డైరెక్టర్ వెంకీ అట్లూరికి బాలకృష్ణ పంచ్ వేశారు. ఈ ఎపిసోడ్ ప్రోమో వచ్చేసింది. ఎప్పుడు స్ట్రీమింగ్‍కు రానుందంటే..
నట సింహం నందమూరి బాలకృష్ణ హోస్ట్‌గా ఉన్న పాపులర్ టాక్ షో అన్‍స్టాపబుల్ 4వ సీజన్ గత వారమే మొదలైంది. ఈ సీజన్ తొలి ఎపిసోడ్‍కు ఆంధ్రప్రదేశ్ ముఖ్యమంత్రి చంద్రబాబు నాయుడు గెస్ట్‌గా పాల్గొన్నారు. ఈ సీజన్‍లో తదుపరి ఎపిసోడ్‍కు లక్కీ భాస్కర్ మూవీ టీమ్ వచ్చింది. ఈ సినిమా హీరో దుల్కర్ సల్మాన్, హీరోయిన్ మీనాక్షి చౌదరి, డైరెక్టర్ వెంకీ అట్లూరి, నిర్మాత నాగవంశీ.. అన్‍స్టాపబుల్‍కు వచ్చారు.
అన్‍స్టాపబుల్ 4 షోలో లక్కీ భాస్కర్ టీమ్ పాల్గొన్న ఎపిసోడ్‍కు సంబంధించిన ప్రోమోను ఆహా నేడు (అక్టోబర్ 29) తీసుకొచ్చింది. డైరెక్టర్ వెంకీ అట్లూరికి బాలకృష్ణ తన మార్క్ పంచ్ ఇచ్చారు. ఈ ప్రోమో సరదాగా సాగింది.
300 స్పీడ్‍తో వెళతా
ముందుగా పోలీస్ డ్రెస్‍లో ఈ ప్రోమోలో ఎంట్రీ ఇచ్చి డైలాగ్స్ చెప్పారు బాలకృష్ణ. ఆ తర్వాత దుల్కర్ సల్మాన్‍ను ఆహ్వానించారు. “ఏంటి ఈ గ్లామర్. నన్ను నేను చూసుకుంటున్నట్టు ఉంది” అని బాలయ్య అన్నారు. “మీరు ఐకానిక్ సర్” అని దుల్కర్ చెప్పారు. ఆ తర్వాత హిందీ కవిత చెప్పారు బాలయ్య. ఆ తర్వాత దుల్కర్‌ను ప్రశ్న అడిగారు. కార్లో ఎంత స్పీడ్ వెళతావని బాలకృష్ణ అడిగారు. దీంతో 300 (కేఎంపీహెచ్) అని దుల్కర్ సల్మాన్ చెప్పారు. దీంతో “మమ్ముట్టి గారు.. నమస్కారం.. చూడండి సర్ మీ అబ్బాయి. మనం 200 అయితే మనోడు 300” అని బాలయ్య చెప్పారు. ఆ తర్వాత మలయాళ సీనియర్ స్టార్ హీరో, దుల్కర్ తండ్రి మమ్ముట్టికి వీడియో కాల్ చేశారు.
పూజా హెగ్డేపై కన్ను.. వెంకీకి బాలకృష్ణ పంచ్
ఆ తర్వాత వెంకీ అట్లూరి, మీనాక్షి చౌదరి, నాగ వంశీని ఆహ్వానించారు బాలయ్య. ఎప్పటి నుంచో పని చేయాలి అని ఎదురుచూస్తున్న హీరోయిన్ ఎవరు అని వెంకీ అట్లూరిని బాలకృష్ణ అడిగారు. దీంతో నిర్మాత నాగవంశీ కల్పించుకున్నారు. “ఎప్పటి నుంచో కొంచెం పూజా హెగ్డే మీద కన్నేసినట్టు అయితే నాకు తెలుసు” అని వెంకీ గురించి నాగవంశీ చెప్పారు.
దీంతో వెంకీపై పంచ్ వేశారు బాలకృష్ణ. “నీ హైటేంటి.. పూజా హెగ్డే హైటేంటి” అని బాలకృష్ణ అన్నారు. దీంతో “పర్లేదు సర్.. మ్యాచ్ అవుతుంది” అని వెంకీ చెప్పారు. దీంతో దుల్కర్ సల్మాన్, మీనాక్షి చౌదరి గట్టిగా నవ్వారు. ఈ వీడియో సోషల్ మీడియాలో వైరల్ అవుతోంది. ఈ ఎపిసోడ్ పూర్తి ప్రోమోను ఆహా అతిత్వరలోనే తీసుకురానుంది.
ఏపీ స్టేట్కే బాస్
త్రివిక్రమ్, సుకుమార్‌ల్లో ఎవరు బెటర్ డైరెక్టర్ అని నాగవంశీని బాలకృష్ణ చిక్కుల్లో పెట్టారు. వంశీ గుండె గుండె గట్టిగా కొట్టుకుంటోందని వెంకీ అన్నారు. ఆ తర్వాత నలుగురిని సరదా ప్రశ్నలు వేశారు బాలయ్య. దిల్‍రాజును పింక్ కలర్ ప్యాంట్ వేసుకోవద్దని చెప్పాలనుకుంటున్నానని నాగవంశీ అన్నారు. నాగవంశీ టీ షర్ట్ చూసి.. “నువ్వేంటి బాసా నాకు” అని బాలయ్య సరదాగా అన్నారు. దీంతో ఏపీ స్టేట్కే మీరు బాస్ అని బాలయ్యతో అన్నారు నాగవంశీ. జై బాలయ్య అని మీనాక్షి చౌదరి అంటే.. మీనా అంటూ ప్రేమతో పిలిచారు బాలకృష్ణ.
స్ట్రీమింగ్ డేట్ ఇదే
లక్కీ భాస్కర్ టీమ్ పాల్గొన్న అన్‍స్టాపబుల్ సీజన్ 4 రెండో ఎపిసోడ్ ఈ గురువారం అక్టోబర్ 31 సాయంత్రం 7 గంటలకు ఆహా ఓటీటీ స్ట్రీమింగ్‍కు రానుంది. కాగా, దీపావళి సందర్భంగా లక్కీ భాస్కర్ చిత్రం కూడా అక్టోబర్ 31 థియేటర్లలో రిలీజ్ కానుంది.
