Bollywood: ఒక టికెట్ కొంటే మ‌రోటి ఉచితం - సినిమాకు వ‌స్తే ఛాయ్‌, స‌మోసా ఫ్రీ - బాలీవుడ్ మేక‌ర్స్ ఆఫ‌ర్ల‌పై ట్రోల్స్‌!

Bollywood: ఓ వైపు ద‌క్షిణాది సినిమాలు వేల కోట్ల వ‌సూళ్లు సాధిస్తూ బాక్సాఫీస్ వ‌ద్ద రికార్డుల మీద రికార్డుల‌ సృష్టిస్తుంటే బాలీవుడ్ స్టార్ హీరోల సినిమాలు మాత్రం భారీ న‌ష్టాల‌తో నిర్మాత‌ల‌ను న‌ట్టేట ముంచుతోన్నాయి.

అక్ష‌య్‌కుమార్‌, అజ‌య్ దేవ్‌గ‌ణ్ వంటి సీనియ‌ర్ హీరోల‌తో యంగ్ హీరోలు న‌టించిన ప‌లు బాలీవుడ్ మూవీస్ డిజాస్ట‌ర్స్‌గా నిలుస్తూ ఆడియెన్స్‌ను డిస‌సాయింట్ చేస్తోన్నాయి. ఈ ఏడాది అక్ష‌య్‌కుమార్ హీరోగా న‌టించిన భ‌డే మియా ఛోటా మియా నిర్మాత‌ల‌కు రెండు వంద‌ల కోట్ల‌కుపైనే న‌ష్టాల‌ను మిగిల్చింది.

12 రోజుల్లో ఇర‌వై నాలుగు కోట్లు...

ఇటీవ‌ల రిలీజైన స‌ర్ఫీరా మూవీ కూడా 12 రోజుల్లో కేవ‌లం 24 కోట్ల వ‌సూళ్ల‌ను రాబ‌ట్టి బిగ్గెస్ట్ డిజాస్ట‌ర్ దిశ‌గా సాగుతోంది. అక్ష‌య్ కుమార్ కెరీర్‌లో అతి త‌క్కువ వ‌సూళ్ల‌ను రాబ‌ట్టిన మూవీగా నిలిచింది. త‌మిళ నేష‌న‌ల్ అవార్డ్ విన్నింగ్ ఫిల్మ్ సూరారై పొట్రు ఆధారంగా తెర‌కెక్కిన ఈ మూవీ ప్రేక్ష‌కుల‌ను ఏ మాత్రం మెప్పించ‌లేక‌పోయింది. ఆడియెన్స్‌ను థియేట‌ర్ల‌కు ర‌ప్పించేందుకు మేక‌ర్స్ ఇటీవ‌లే త‌మ సినిమా చూడ‌టానికి థియేట‌ర్‌కు వ‌చ్చిన ప్రేక్ష‌కుల‌కు ఛాయ్‌తో పాటు రెండు స‌మోసాల‌ను ఫ్రీగా ఇస్తామ‌ని ప్ర‌క‌టించింది.

ఆఫ‌ర్‌పై ట్రోల్స్‌...

ఈ ఆఫ‌ర్‌పై సోష‌ల్ మీడియాలో ట్రోల్స్‌, మీమ్స్ తెగ వైర‌ల్ అయ్యాయి. అక్ష‌య్ లాంటి స్టార్ హీరోకు ఇలాంటి ప‌రిస్థితి రావ‌డం దారుణ‌మంటూ కామెంట్స్ చేశారు. వ‌చ్చిన ప్ర‌తి సినిమా చేయ‌డం కాకుండా మంచి క‌థ‌ల‌పై ఫోక‌స్ పెడితే బాగుంటుందంటూ పేర్కొన్నారు. స‌ర్ఫీరా మూవీకి సుధా కొంగ‌ర ద‌ర్శ‌క‌త్వం వ‌హించింది. ఈ బాలీవుడ్ మూవీలో కోలీవుడ్ స్టార్ హీరో సూర్య గెస్ట్ పాత్ర‌లో క‌నిపించాడు.

త్రిప్తి డిమ్రీ మూవీకి...

తాజాగా బ్యాడ్ న్యూస్‌ మూవీ టీమ్ ఆడియెన్స్ కోసం ఓ ఆఫ‌ర్‌ను ప్ర‌క‌టించింది. ఓ టికెట్ కొంటే మ‌రో టికెట్ ఫ్రీ అంటూ ప్ర‌క‌టించింది. ఈ విష‌యాన్ని ధ‌ర్మ ప్రొడ‌క్ష‌న్స్ సంస్థ ఇన్‌స్టాగ్రామ్ ద్వారా ఆఫీషియ‌ల్‌గా ప్ర‌క‌టించింది. దాదాపు ఎన‌భై కోట్ల బ‌డ్జెట్‌తో రూపొందిన ఈ మూవీ ఇప్ప‌టివ‌ర‌కు కేవ‌లం అర‌వై కోట్ల లోపే వ‌సూళ్ల‌ను రాబ‌ట్టింది. ఆదివారం నుంచి వ‌సూళ్లు త‌గ్గుముఖం ప‌ట్ట‌డంతో ఆడియెన్స్‌ను థియేట‌ర్ల‌ను ర‌ప్పించ‌డం కోసం ఓ టికెట్ కొంటే మ‌రో టికెట్ ఫ్రీ అనే ఆఫ‌ర్‌ను పెట్టిన‌ట్టు స‌మాచారం.

బోల్డ్ మూవీ...

బ్యాడ్ న్యూస్ మూవీలో విక్కీ కౌశ‌ల్‌, త్రిప్తి డిమ్రి అమ్మీ విర్క్ హీరోహీరోయిన్లుగా న‌టించారు. బోల్డ్ కాన్సెప్ట్‌తో డైరెక్ట‌ర్ ఆనంద్ తివారీ ఈ మూవీని తెర‌కెక్కించాడు. స‌లోనీకి...అఖిల్‌, గుర్బీర్ సింగ్ కార‌ణంగా ప్రెగ్నెన్సీ వ‌స్తుంది. స‌లోనీ ట్విన్స్ పుట్ట‌బోతున్న‌ట్లు డాక్ట‌ర్స్ ప్ర‌క‌టిస్తారు. ఈ క‌వ‌ల పిల్ల‌ల్లో ఒక‌రు అఖిల్ సంతాన‌మ‌ని, మ‌రొక‌రు గుర్బీర్‌కు పుట్ట‌బోతున్న డాక్ట‌ర్లు వెల్ల‌డిస్తారు. ఆ త‌ర్వాత ఏం జ‌రిగింది అన్న‌దే ఈ మూవీ క‌థ‌. 2019లో బ్లాక్‌బ‌స్ట‌ర్‌గా నిలిచిన గుడ్‌న్యూస్ మూవీకి సీక్వెల్‌గా బ్యాడ్ న్యూస్ రూపొందింది. ఈ మూవీని క‌ర‌ణ్‌జోహార్ ప్రొడ్యూస్ చేశాడు.

మినిమం వ‌సూళ్ల‌ను రాబ‌ట్ట‌లేక బాలీవుడ్ వ‌ర్గాలు ప్ర‌క‌టిస్తోన్న ఈ ఆఫ‌ర్ల‌పై సోష‌ల్ మీడియాలో జోకులు పేలుతోన్నాయి. బాలీవుడ్ ప‌రిస్థితి రానురాను దారుణంగా త‌యార‌వుతోంద‌ని కామెంట్స్ చేస్తోన్నారు.