Raj Tarun: ఊర మాస్ లుక్‌లో రాజ్‌త‌రుణ్ - గ‌ద‌ర్ 2 హీరోయిన్‌తో పాన్ ఇండియ‌న్ మూవీ!

Raj Tarun: స‌క్సెస్‌, ఫెయిల్యూర్స్‌తో సంబంధం లేకుండా రాజ్‌త‌రుణ్ సినిమాలు వ‌రుస‌గా ప్రేక్ష‌కుల ముందుకొస్తున్నాయి. రెండు నెల‌ల గ్యాప్‌లోనే రాజ్ త‌రుణ్ హీరోగా న‌టించిన మూడు సినిమాలు రిలీజ‌య్యాయి. తాజాగా రాజ్‌త‌రుణ్ ఓ పాన్ ఇండియ‌న్ మూవీకి గ్రీన్‌సిగ్న‌ల్ ఇచ్చాడు.

రామ్ భ‌జ‌రంగ్‌...

ఈ మ‌ల్టీస్టార‌ర్ మూవీకి రామ్ భ‌జ‌రంగ్ అనే టైటిల్‌ను ఫిక్స్‌చేశారు. ఈ సినిమాలో రాజ్‌త‌రుణ్‌తో పాటు జార్జిరెడ్డి ఫేమ్ సందీప్ మాధ‌వ్ మ‌రో హీరోగా న‌టిస్తున్నాడు. రాజ్ భ‌జ‌రంగ్ ఫ‌స్ట్‌లుక్‌ను రిలీజ్ చేశారు. ఈ పోస్ట‌ర్‌లో రాజ్‌త‌రుణ్, సందీప్ మాధ‌వ్ ఇద్ద‌రు ఊర‌మాస్ లుక్‌లో క‌నిపిస్తోన్నారు.

నోట్లో బీడీ, లుంగీ, పూల చొక్కా ధ‌రించి డిఫ‌రెంట్‌గా వారి లుక్స్ ఉన్నాయి. పొడ‌వైన హెయిర్ స్టైల్‌తో రాజ్‌త‌రుణ్ లుక్ ఆస‌క్తిని పంచుతోంది. తెలుగులో ఎక్కువ‌గా ల‌వ‌ర్‌బాయ్‌ పాత్ర‌లు చేసిన రాజ్‌త‌రుణ్ రామ్ భ‌జ‌రంగ్ మూవీలో ఫ‌స్ట్ టైమ్ ఔట్ అండ్ ఔట్ మాస్ రోల్ చేయ‌నున్న‌ట్లు స‌మాచారం.

గ‌ద‌ర్ 2 హీరోయిన్‌...

రామ్ భ‌జ‌రంగ్ మూవీలో గ‌ద‌ర్ 2 హీరో సిమ్ర‌త్ కౌర్ హీరోయిన్‌గా న‌టించ‌నుంది. ఆమెతో పాటు మ‌రో హీరోయిన్‌గా బిచ్చ‌గాడు ఫేమ్ సాట్నా టైట‌స్ క‌నిపించ‌బోతున్న‌ది. రాజ్ త‌రుణ్‌కు జోడీగా సిమ్ర‌త్ కౌర్ క‌నిపిస్తుంద‌ని స‌మాచారం. ర‌విశంక‌ర్‌, స‌త్యంరాజేష్‌, ష‌ఫీ కీల‌క పాత్ర‌ల్లో క‌నిపించ‌బోతున్నారు.

1980 బ్యాక్‌డ్రాప్‌లో యాక్ష‌న్ ఫ్యామిలీ ఎలిమెంట్స్ ద‌ర్శ‌కుడు సీహెచ్ సుధీర్ రాజు ఈ మూవీని తెర‌కెక్కిస్తోన్నాడు. రామ్ భ‌జ‌రంగ్ మూవీకి మ‌ణిశ‌ర్మ మ్యూజిక్ అందిస్తున్నాడు.

ఐదు భాష‌ల్లో...

రామ్ భ‌జ‌రంగ్ మూవీని పాన్ ఇండియ‌న్ లెవెల్‌లో తెలుగుతో పాటు త‌మిళం, క‌న్న‌డ‌, మ‌ల‌యాళం హిందీ భాష‌ల్లో రిలీజ్ చేయ‌బోతున్నారు. 2025 ఆరంభంలో ఈ సినిమా థియేట‌ర్ల‌లోకి రానున్న‌ట్లు చిత్ర యూనిట్ ప్ర‌క‌టించింది.

మూడు సినిమాలు...

గ‌త రెండు నెల‌ల గ్యాప్‌లో రాజ్‌త‌రుణ్ హీరోగా న‌టించిన పురుషోత్త‌ముడు, తిర‌గ‌బ‌డ‌రా సామీతోపాటు భ‌లే ఉన్నాడే సినిమాలు రిలీజ‌య్యాయి. భ‌లే ఉన్నాడే డీసెంట్ టాక్‌ను సొంతం చేసుకోగా...పురుషోత్త‌ముడు, తిర‌గ‌బ‌డ‌రా సామీ సినిమాలు డిజాస్ట‌ర్స్‌గా నిలిచాయి. భ‌లే ఉన్నాడే సినిమా ఇటీవ‌లే ఈటీవీ విన్ ఓటీటీలో రిలీజైంది.

వివాదాల‌తో వార్త‌ల్లో…

గ‌త కొన్నాళ్లుగా వ్య‌క్తిగ‌త జీవితం తాలూకు వివాదాల‌తో రాజ్‌త‌రుణ్ వార్త‌ల్లో నిలుస్తూ వ‌స్తోన్నాడు. త‌న‌ను ప్రేమ పేరుతో రాజ్‌త‌రుణ్ మోసం చేసుశాడ‌ని, పెళ్లికూడా చేసుకున్నాడ‌ని లావ‌ణ్య అనే యువ‌తి కంప్లైంట్ ఇచ్చింది. హీరోయిన్ మాల్వీ మ‌ల్హోత్రాతో రాజ్‌త‌రుణ్ ప్రేమ‌లో ఉన్నాడంటూ ఆరోపించింది. రాజ్‌త‌రుణ్‌తో తిర‌గ‌బ‌డ‌రా సామీ సినిమా చేసింది మాల్వీ మ‌ల్హోత్రా.