Hero Nikhil: స్వామిరారా డైరెక్ట‌ర్‌తో నిఖిల్ మూవీ - టైటిల్‌, రిలీజ్ డేట్ రివీల్ - హీరోయిన్‌గా స‌ప్త‌సాగ‌రాలు దాటి బ్యూటీ

Hero Nikhil: హీరోగా నిఖిల్ కెరీర్‌ను మ‌లుపు తిప్పిన సినిమాల్లో స్వామిరారా ఒక‌టి. సోలో హీరోగా నిఖిల్ కెరీర్‌లో ఫ‌స్ట్ బ్లాక్‌బ‌స్ట‌ర్ హిట్‌గా నిలిచిన స్వామిరారా మూవీతోనే సుధీర్ వ‌ర్మ ద‌ర్శ‌కుడిగా టాలీవుడ్‌కు ప‌రిచ‌య‌మ‌య్యారు. స్వామిరారా త‌ర్వాత వీరిద్ద‌రు క‌లిసి కేశ‌వ మూవీ చేశారు. దాదాపు ఏడేళ్ల త‌ర్వాత నిఖిల్‌, డైరెక్ట‌ర్ సుధీర్ శ‌ర్మ కాంబినేష‌న్‌లో మ‌రో మూవీ రాబోతుంది. ఈ సినిమా టైటిల్‌, ఫ‌స్ట్‌లుక్ పోస్ట‌ర్‌తో పాటు రిలీజ్ డేట్‌ను రివీల్ చేశారు.

అప్పుడో ఇప్పుడో ఎప్పుడో...

ఈ సినిమాకు అప్పుడో ఇప్పుడో ఎప్పుడో అనే టైటిల్ ఫిక్స్ చేశారు. ఫ‌స్ట్ లుక్ పోస్ట‌ర్‌లో ఓ స‌ర‌స్సు ప‌క్క‌నుంచి హీరోహీరోయిన్లు న‌డుచుకుంటూ వెళుతోన్నారు రొమాంటిక్ ట్ర‌యాంగిల్ ల‌వ్‌స్టోరీగా ఈమూవీ తెర‌కెక్కుతోన్న‌ట్లు స‌మాచారం. గ‌తంలో ద‌ర్శ‌కుడిగా ఎక్కువ‌గా క్రైమ్ థ్రిల్ల‌ర్ మూవీస్ చేశాడు సుధీర్ వ‌ర్మ‌. వాటికి భిన్నంగా అప్పుడో ఇప్పుడో ఎప్పుడో మూవీ సాగ‌నున్న‌ట్లు తెలుస్తోంది.

ఇద్ద‌రు హీరోయిన్లు...

అప్పుడో ఇప్పుడో ఎప్పుడో సినిమాలో రుక్మిణి వ‌సంత్‌, దివ్యాంశ కౌషిక్ హీరోహీరోయిన్లుగా న‌టిస్తున్నారు. క‌న్న‌డ మూవీ స‌ప్త‌సాగ‌రాలు దాటితో ఫేమ‌స్ అయ్యింది రుక్మిణి వ‌సంత్‌. ఈ సినిమాలో స‌హ‌జ న‌ట‌న‌తో ద‌క్షిణాది ప్రేక్ష‌కుల‌ను ఆక‌ట్టుకున్న‌ది. అప్పుడో ఇప్పుడో ఎప్పుడోతో టాలీవుడ్‌లోకి ఎంట్రీ ఇస్తోంది.

దీపావ‌ళికి రిలీజ్…

అప్పుడో ఇప్పుడో ఎప్పుడో దీపావ‌ళికి ప్రేక్ష‌కుల ముందుకు రాబోతున్న‌ట్లు ప్ర‌క‌టించి ఆడియెన్స్‌ను స‌ర్‌ప్రైజ్ చేశారు మేక‌ర్స్‌. ఈ సినిమాలో నిఖిల్ రేస‌ర్ పాత్ర‌లో క‌నిపించ‌బోతున్న‌ట్లు పోస్ట‌ర్స్ చూస్తుంటే తెలుస్తోంది. అప్పుడో ఇప్పుడో ఎప్పుడో మూవీకి స‌న్నీ ఎంఆర్‌, కార్తీక్ మ్యూజిక్ అందిస్తున్నారు. శ్రీ వెంక‌టేశ్వ‌ర సినీ చిత్ర ప‌తాకంపై బీవీఎస్ఎన్ ప్ర‌సాద్ ఈ సినిమాను నిర్మిస్తోన్నాడు.

రెండు సినిమాలు...

ప్ర‌స్తుతం నిఖిల్ స్వ‌యంభూ, ఇండియ‌న్ హౌజ్ సినిమా షూటింగ్‌ల‌తో బిజీగా ఉన్నాడు. హిస్టారియ‌ల్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న స్వ‌యంభూ మూవీకి భ‌ర‌త్ కృష్ణ‌మాచారి ద‌ర్శ‌క‌త్వం వ‌హిస్తోన్నాడు. ఈ సినిమాలో సంయుక్త మీన‌న్‌, న‌భాన‌టేష్ హీరోయిన్లుగా న‌టిస్తోన్నారు.

రామ్ చరణ్ ప్రొడ్యూసర్…

దేశ‌భ‌క్తి ప్ర‌ధాన క‌థాంశంతో రూపొందుతోన్న ది ఇండియ‌న్ హౌజ్ మూవీకి రామ్‌చ‌ర‌ణ్ ప్రొడ్యూస‌ర్‌గా వ్య‌వ‌హ‌రిస్తోన్నాడు. ఈ సినిమాకు రామ్ వంశీకృష్ణ ద‌ర్శ‌క‌త్వం వ‌హిస్తున్నాడు.ఈ సినిమాలో బాలీవుడ్ న‌టుడు అనుప‌మ్ ఖేర్ కీల‌క పాత్ర‌లో క‌నిపించ‌బోతున్నాడు.

మ‌జిలీ త‌ర్వాత

మ‌జిలీ మూవీతో టాలీవుడ్‌లోకి ఎంట్రీ ఇచ్చింది దివ్యాశం కౌషిక్‌. ఆ త‌ర్వాత మైఖేల్‌, రామారావు ఆన్ డ్యూటీ సినిమాల్లో న‌టించింది. విజ‌య్ దేవ‌ర‌కొండ ఫ్యామిలీ స్టార్‌లో ఓ గెస్ట్ పాత్ర‌లో క‌నిపించింది.మ‌రోవైపు స్వామిరారా త‌ర్వాత దోచేయ్‌, రావ‌ణాసుర‌, కేశ‌వ‌తో పాటు మ‌రికొన్ని సినిమాలు చేశాడు సుధీర్ వ‌ర్మ‌. అవేవి అత‌డికి స‌క్సెస్‌ను తెచ్చిపెట్ట‌లేక‌పోయాయి.