Shraddha Das: శ్ర‌ద్ధాదాస్ ఫ‌స్ట్ తెలుగు హార‌ర్ మూవీ టైటిల్ ఇదే - కుమారి ఖండం చ‌రిత్ర‌తో...

Shraddha Das: పారిజాత ప‌ర్వం త‌ర్వాత హార‌ర్ మూవీతో తెలుగు ప్రేక్ష‌కుల ముందుకు రాబోతోంది శ్ర‌ద్ధాదాస్‌. ఈ సినిమాకు త్రికాల అనే టైటిల్‌ను ఫిక్స్ చేశారు. ఈ హార‌ర్ మూవీలో శ్ర‌ద్ధాదాస్‌తో పాటు అజ‌య్‌, మాస్టర్ మహేంద్ర‌న్ కీల‌క పాత్ర‌ల్లో న‌టిస్తున్నారు. స్క్రిప్ట్ ఆఫ్ గాడ్ అనే ట్యాగ్‌లైన్‌తో ఈ మూవీ రూపొందుతోంది.

టైటిల్ పోస్ట‌ర్ రిలీజ్‌

త్రికాల‌ సినిమా టైటిల్ పోస్ట‌ర్‌ను నిర్మాత దిల్‌రాజు విడుద‌ల‌చేశారు. ఈ పోస్ట‌ర్‌లో పాత‌కాలం నాటి లెబ్ర‌రీలో బుక్ చ‌దువుతూ మోడ్ర‌న్ లుక్‌లో శ్ర‌ద్ధాదాస్ క‌నిపిస్తోంది. డార్క్ సైకాల‌జీ అంటూ బుక్‌పై ఉన్న అక్ష‌రాలు ఆస‌క్తిని పంచుతున్నాయి. త్రికాల మూవీకి మ‌ణి తెల్ల‌గూటి ద‌ర్శ‌క‌త్వం వ‌హిస్తున్నాడు. రాధికా శ్రీనివాస్ ప్రొడ్యూస్ చేస్తున్నారు. , త్రికాల మూవీ షూటింగ్ పూర్త‌యింది. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుగుతోన్నాయి.

కుమారి ఖండం నేప‌థ్యంలో...

భారీ బ‌డ్జెట్‌తో ఫాంటసీ హార‌ర్ జోన‌ర్ త్రికాల మూవీ తెర‌కెక్కుతోంది. వంద‌ల ఏళ్ల క్రితం స‌ముద్రంలో మునిగిపోయిన కుమారి ఖండం ప్రాంత నేప‌థ్యంలో త్రికాల మూవీ సాగ‌నున్న‌ట్లు స‌మాచారం.

కుమారి ఖండం చ‌రిత్ర‌, సంస్కృతుల్ని చూపిస్తూనే పురాణాల‌కు సంబంధించిన ప్ర‌స్తావ‌న త్రికాల మూవీలో ఉండ‌బోతున్న‌ట్లు తెలుస్తోంది. విజువ‌ల్స్‌, గ్రాఫిక్స్‌తో తీర్చిదిద్దిన కుమారి ఖండం ఎపిసోడ్స్ సినిమాకు హైలైట్‌గా ఉండ‌బోతున్న‌ట్లు మేక‌ర్స్ చెబుతోన్నారు.

దేవి సినిమా ఫేమ్‌...

త్రికాల మూవీలో శ్ర‌ద్ధాదాస్ క్యారెక్ట‌ర్‌ మ‌ల్టీ లేయ‌ర్స్‌తో మిస్ట‌రీయ‌స్‌గా సాగుతుంది. తెలుగులో ఆమె న‌టిస్తోన్న ఫ‌స్ట్ హార‌ర్ మూవీ ఇదే కావ‌డం గ‌మ‌నార్హం. దేవి సినిమాలో బాల న‌టుడిగా క‌నిపించిన మాస్ట‌ర్ మ‌హేంద్ర ఈ సినిమాలో కీల‌క పాత్ర‌లో క‌నిపించ‌బోతున్నాడు.

హ‌ర్ష‌వ‌ర్ధ‌న్ రామేశ్వ‌ర్ మ్యూజిక్…

తెలుగు ప్రేక్ష‌కుల‌కు స‌రికొత్త సినిమాటిక్ ఎక్స్‌పీరియెన్స్‌ను అందించే త్రికాల‌ను త్వ‌ర‌లో రిలీజ్ చేస్తామ‌ని మేక‌ర్స్ అన్నారు. త్రికాల మూవీలో బిగ్‌బాస్ అర్జున్ అంబాటి, ఈటీవీ ప్ర‌భాక‌ర్‌, త‌నికెళ్ల‌భ‌ర‌ణి, ఆమ‌ని కీల‌క పాత్ర‌ల్లో న‌టిస్తున్నారు. త్రికాల మూవీకి యానిమ‌ల్ ఫేమ్ హ‌ర్ష‌వ‌ర్ధ‌న్ రామేశ్వ‌ర్ మ్యూజిక్ అందిస్తున్నాడు. బ్యాక్‌గ్రౌండ్ మ్యూజిక్‌ను షాజిత్ హుమాయున్ స‌మ‌కూర్చుతున్నారు.

2008లో టాలీవుడ్ ఎంట్రీ...

స‌క్సెస్ ఫెయిల్యూర్స్‌తో సంబంధం లేకుండా తెలుగులో వ‌రుస‌గా సినిమాలు చేస్తూనే ఉంది శ్ర‌ద్ధాదాస్‌. అల్ల‌రి న‌రేష్ హీరోగా 2008లో వ‌చ్చిన సిద్ధు ఫ్ర‌మ్ శ్రీకాకుళం మూవీతో టాలీవుడ్‌లోకి ఎంట్రీ ఇచ్చింది శ్ర‌ద్ధాదాస్‌.

ఆర్య 2, నాగ‌వ‌ల్లి, డార్లింగ్‌తో పాటు ప‌లు స్టార్ హీరోల సినిమాల్లో గ్లామ‌ర్ పాత్ర‌లు చేసింది. అయితే ఈ సినిమాలు ప‌రాజ‌యం పాల‌వ్వ‌డంతో శ్ర‌ద్ధాదాస్‌కు నిరాశే ఎదురైంది. గుంటూరు టాకీస్‌, పీఎస్‌వీ గ‌రుడ‌వేగ‌తో పాటు మ‌రికొన్ని సినిమాల్లో డిఫ‌రెంట్ క్యారెక్ట‌ర్స్ చేసింది. తెలుగుతో పాటు క‌న్న‌డ‌, హిందీ. మ‌ల‌యాల భాష‌ల్లో త‌న ల‌క్‌ను ప‌రీక్షించుకున్న‌ది.