Horror OTT: ఓటీటీలో అద‌ర‌గొడుతోన్న కోలీవుడ్ హార‌ర్ మూవీ - వంద మిలియ‌న్ల వ్యూస్‌తో రికార్డ్‌

Horror OTT: అరుళ్‌నిధి, ప్రియా భ‌వానీ శంక‌ర్ హీరోహీరోయిన్లుగా న‌టించిన కోలీవుడ్ హార‌ర్ మూవీ డీమాంటే కాల‌నీ 2 ఓటీటీలో అద‌ర‌గొడుతోంది. జీ 5 ఓటీటీలో స్ట్రీమింగ్ అవుతోన్న ఈ సినిమా వంద మిలియ‌న్ల స్ట్రీమింగ్ మిన‌ట్స్ వ్యూస్‌ను ద‌క్కించుకున్న‌ది. జీ5 ఓటీటీలో రిలీజైన హార‌ర్ మూవీస్‌లో హ‌య్యెస్ట్ వ్యూస్ ద‌క్కించుకున్న సినిమాగా డీమాంటే కాల‌నీ 2 రికార్డ్ క్రియేట్ చేసింది.

ట్రెండింగ్ మూవీస్‌లో ఒక‌టిగా...

జీ5 ఓటీటీలో డీమాంటే కాల‌నీ రిలీజై వారం దాటింది. ఇప్ప‌టికీ టాప్ ట్రెండింగ్ మూవీస్‌లో ఒక‌టిగా ఈ మూవీ కొన‌సాగుతోంది. ఈ కోలీవుడ్ మూవీ తెలుగు, క‌న్న‌డ‌, హిందీ, మ‌ల‌యాళ భాష‌ల్లో కూడా స్ట్రీమింగ్ అవుతోంది. 2015లో త‌మిళంలో రిలీజై పెద్ద విజ‌యాన్ని సాధించిన డీమాంటే కాల‌నీ మూవీకి సీక్వెల్‌గా డీమాంటే కాల‌నీ 2ను డైరెక్ట‌ర్ అజ‌య్ జ్ఞాన‌ముత్తు తెర‌కెక్కించాడు.

ఆగ‌స్ట్ 15న థియేట‌ర్ల‌లో రిలీజైన ఈ మూవీ క‌మ‌ర్షియ‌ల్ హిట్‌గా నిలిచింది. ప‌దిహేను కోట్ల బ‌డ్జెట్‌తో రూపొందిన ఈ హార‌ర్ సీక్వెల్ సినిమా 80 కోట్ల వ‌ర‌కు క‌లెక్ష‌న్స్ రాబ‌ట్టింది. ఈ ఏడాది త‌మిళంలో హ‌య్యెస్ట్ క‌లెక్ష‌న్స్ రాబ‌ట్టిన సినిమాల్లో ఒక‌టిగా నిలిచింది.

ట్విస్ట్‌లు అదుర్స్‌...

డీమాంటే కాల‌నీ 2లో శ్రీని, ర‌ఘు అనే రెండు క్యారెక్ట‌ర్స్‌లో అరుళ్‌నిధి క‌నిపించాడు. ఫ‌స్ట్ పార్ట్‌కు లింక్ చేస్తూ సీక్వెల్‌లో ద‌ర్శ‌కుడు రాసుకున్న ట్విస్ట్‌లు, హార‌ర్ ఎలిమెంట్స్ ఆడియెన్స్‌ను ఆక‌ట్టుకున్నాయి. డీమాంటే కాల‌నీ 2లో అరుణ్ పాండియ‌న్‌, మీనాక్షి గోవింద‌రాజ‌న్ కీల‌క పాత్ర‌ల్లో న‌టించారు. ఈ సినిమాకు సామ్ సీఎస్ మ్యూజిక్ అందించాడు.

బుక్ చ‌దివితే అంతే...

సామ్ రిచ‌ర్డ్‌ను ప్రేమించి పెళ్లిచేసుకుంటుంది డెబీ. అనుకోకుండా అత‌డు సూసైడ్ చేసుకుంటాడు. అత‌డి ఆత్మ‌హ‌త్య‌కు కార‌ణం ఏమిట‌న్న‌ది తెలుసుకునే ప్ర‌య‌త్నంలో ఒకే పోలిక‌ల‌తో ఉన్న క‌వ‌ల సోద‌రులు శ్రీని, ర‌ఘునంద‌న్ గురించి డెబీకి తెలుస్తుంది. వారి ప్రాణాలు ప్ర‌మాదంలో ఉన్నాయ‌ని తెలుసుకున్న డెబీ ఇద్ద‌రిని కాపాడేందుకు ప్రయ‌త్నాలు మొద‌లుపెడుతుంది.

డీమాంటే కాల‌నీలోని పాడుబ‌డ్డ ఇంట్లో ఉన్న ఓ పుస్త‌క‌మే ఈ హ‌త్య‌ల‌కు కార‌ణ‌మ‌ని డెబీ, ర‌ఘు తెలుసుకుంటారు. బుక్ చ‌దివిన వారు ఎందుకు చ‌నిపోతున్నారు? ఆత్మ బారి నుంచి ర‌ఘు, శ్రీని త‌మ ప్రాణాల‌ను కాపాడుకున్నారా? బుక్ గురించిన అన్వేష‌ణ‌లో డెడీకి ఎలాంటి విచిత్ర‌మైన అనుభ‌వాలు ఎదుర‌య్యాయి అన్న‌దే డీమాంటే కాల‌నీ మూవీ క‌థ‌.

ఎంత దూరం ప్ర‌యాణిస్తామో చెప్ప‌లేం...

డీమాంటే కాలనీ2కి ఓటీటీలో వస్తున్న రెస్పాన్స్ చూసి ఆనందం వ్యక్తం చేశారు డైరక్టర్‌ అజయ్‌ జ్ఞానముత్తు. ఆయన మాట్లాడుతూ '' జీ5లో డీమాంటే కాలనీ2 వరల్డ్ డిజిటల్‌ ప్రీమియర్‌కి వచ్చిన రెస్పాన్స్‌ చూసి నేను ఆశ్చర్యపోయాను. 100 మిలియన్‌ స్ట్రీమింగ్‌ మినిట్స్ గురించి వినగానే చాలా ఆనందంగా అనిపించింది. ఇలాంటి జానర్‌కి ఇంత మంది అభిమానులుండటం చాలా గొప్ప విషయం. ఇది జస్ట్ బిగినింగ్‌ మాత్రమే. ఇక్కడి నుంచి ఎంతెంత దూరం ప్రయాణిస్తామో మాటల్లో చెప్పలేం'' అని అన్నారు.

డీమాంటే కాల‌నీ 3

డిమాంటే కాల‌నీ 2కు కొన‌సాగింపుగా డీమాంటే కాల‌నీ 3 కూడా రాబోతున్న‌ట్లు మేక‌ర్స్ ప్ర‌క‌టించారు. మూడో పార్ట్‌లో అరుళ్‌నిధి హీరోగా న‌టిస్తున్నాడు. ఈ ఏడాది మూడో పార్ట్ షూటింగ్ మొద‌లుకానున్న‌ట్ఉల ప్ర‌చారం జ‌రుగుతోంది. డీమాంటే కాల‌నీ 2 త‌ర్వాత ద‌ర్శ‌కుడు అజ‌య్ జ్ఞాన‌ముత్తు...పూజాహెగ్డేతో ఓ హార‌ర్ వెబ్‌సిరీస్ తెర‌కెక్కించ‌బోతున్న‌ట్లు ప్ర‌చారం జ‌రుగుతోంది. నెట్‌ఫ్లిక్స్‌లో ఈ వెబ్‌సిరీస్ రిలీజ్ కానున్న‌ట్లు స‌మాచారం.