Salaar Teaser Date: ప్రభాస్ ‘సలార్’ సినిమా టీజర్ ఆ రోజునే రానుందా!

Prabhas Salaar Teaser Date: పాన్ ఇండియా స్టార్ హీరో ప్రభాస్ - కేజీఎఫ్ ఫేం డైరెక్టర్ ప్రశాంత్ నీల్ కాంబినేషన్‍లో సలార్ మూవీ రూపొందుతోంది. ఈ చిత్రంపై అంచనాలు చాలా భారీగా ఉన్నాయి. సలార్‌లో ప్రభాస్ ఊరమాస్‍గా రఫ్‍లుక్‍లో కనిపించనున్నాడు. అదిరిపోయే యాక్షన్ సీన్లు సలార్‌లో ఉండడం ఖాయంగా కనిపిస్తోంది. ఈ నేపథ్యంలో సలార్ కోసం డార్లింగ్ ప్రభాస్ అభిమానులు చాలా ఆత్రుతగా ఎదురుచూస్తున్నారు. అందుకు తగ్గట్టే జూలైలో సలార్ ప్రమోషన్లను మొదలుపెట్టనున్నట్టు చిత్రయూనిట్ ఇప్పటికే ప్రకటించింది. అయితే, సలార్ టీజర్ ఏ తేదీన విడుదల కానుందో తాజాగా సమాచారం లీకైంది.

సలార్ సినిమా టీజర్ జూలై 7వ తేదీన విడుదలవుతుందని సమాచారం బయటికి వచ్చింది. ఆ తేదీన టీజర్ వస్తుందనే విషయం చక్కర్లు కొడుతోంది. అయితే, ఈ విషయంపై మూవీ యూనిట్ నుంచి ఇంకా అధికారిక ప్రకటన రాలేదు. ఆదిపురుష్ విడుదలకు ముందే హీరో ప్రభాస్ విదేశీ టూర్‌కు వెళ్లాడు. ఇంకా అక్కడే ఉన్నాడు. త్వరలోనే ప్రభాస్ భారత్‍కు తిరిగి రానున్నాడు. ఆ తర్వాత జూలై 7వ తేదీన సలార్ టీజర్ లాంచ్ ఈవెంట్ నిర్వహించాలని చిత్రయూనిట్ ప్లాన్ చేసుకుందని తెలుస్తోంది. అయితే ఈ విషయంపై అఫీషియల్ అనౌన్స్‌మెంట్ రాలేదు. మరో వారం రోజుల్లో క్లారిటీ వచ్చే ఛాన్స్ కనిపిస్తోంది.

సలార్ అప్‍డేట్ ఇవ్వాలంటూ ఆ మూవీ డైరెక్టర్ ప్రశాంత్ నీల్, నిర్మాతలపై ప్రభాస్ ఫ్యాన్స్ సోషల్ మీడియా ద్వారా కొంతకాలంగా ఒత్తిడి చేస్తూనే ఉన్నారు. దీంతో టీజర్‌ కోసం చిత్రయూనిట్ ఇప్పటికే సన్నాహాలు చేస్తోంది. సలార్ సినిమా ఈ ఏడాది సెప్టెంబర్ 28వ తేదీన థియేటర్లలో విడుదల కానుంది.

సలార్ మూవీకి ప్రశాంత్ నీల్ దర్శకత్వం వహిస్తుండగా.. విజయ్ కిరంగదూర్ నిర్మాతగా ఉన్నాడు. కేజీఎఫ్‍ను నిర్మించిన హొంబాలీ ఫిల్స్మ్ బ్యానర్‌పైనే సలార్ కూడా వస్తోంది. సలార్ చిత్రంలో హీరో ప్రభాస్‍కు జోడీగా శృతి హాసన్ నటిస్తోంది. మలయాళ స్టార్ పృథ్విరాజ్ సుకుమారన్ కీలక పాత్ర పోషిస్తున్నాడు. జగపతి బాబు, మధు గురుస్వామి, ఈశ్వరీ రావు కూడా ఈ చిత్రంలో ఉన్నారు.

సలార్ మూవీకి రవి బస్రూర్ సంగీతం అందిస్తున్నాడు. తెలంగాణలోని గోదావరి ఖని బొగ్గు గనులతో పాటు హైదరాబాద్‍లోనూ సలార్ చిత్రీకరణ జరిగింది.

హీరో ప్రభాస్ నటించిన ఆదిపురుష్ మూవీ జూన్ 16న విడుదలైంది. ప్రస్తుతం థియేటర్లలో నడుస్తోంది. ఇప్పటి వరకు రూ.400కోట్లకు పైగా కలెక్షన్లను రాట్టింది. ఆదిపురుష్ మూవీకి ఓం రౌత్ దర్శకత్వం వహించాడు. తొలి మూడు రోజుల తర్వాత ఈ సినిమా కలెక్షన్‍లలో భారీ తగ్గుదల కొనసాగుతోంది.