BRO Movie Poster : 'బ్రో' సినిమా నుంచి పోస్టర్ విడుదల.. 'తమ్ముడు' లుక్​లో మామా అల్లుళ్లు

పవర్ స్టార్ పవన్, సుప్రీమ్ హీరో సాయి ధరమ్ తేజ్ హీరోలుగా వస్తున్న సినిమా పేరు బ్రో(BRO Movie). ఈ చిత్రానికి సముద్రఖని దర్శకత్వం వహిస్తున్నాడు. త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందిస్తున్నాడు. ఈ చిత్రంపై భారీ హైప్ క్రియేట్ అయింది. అభిమానుల్లో భారీగా అంచనాలు ఉన్నాయి. ఇప్పటికే విడుదలైన సినిమా పోస్టర్ ఆకట్టుకుంటోంది. ఆ మధ్యకాలంలో సినిమా షూటింగ్ లో పవన్, సాయి ధరమ్ తేజ్ ఉన్న ఫొటోలు కూడా వైరల్ అవ్వగా ఫ్యాన్స్ తెగ ఖుషి అయిపోయారు.

బ్రో సినిమా(BRO Cinema)కు సంబంధించి.. టీజర్ అప్డేట్ ఉంటుందని దర్శకుడు సముద్రఖని(Samudra Khani) ఓ పోస్టర్ విడుదల చేశాడు. అందులో మామా అల్లుళ్లు పవన్, సాయి ధరమ్ తేజ్(Pawan-Sai Dharam Tej) లుంగీలో కనిపించారు. ఇక పవన్ లుక్ చూసిన అభిమానులు.. తమ్ముడు సినిమాలో వయ్యారి భామ పాట(Vayyari Bhama Song)ను గుర్తుచేసుకుంటున్నారు. అప్పుడు మాస్ లుక్ లో ఎలా కనిపించాడో.. ఇప్పుడు కూడా అలానే ఉన్నాడని ఫ్యాన్స్ కామెంట్స్ చేస్తున్నారు.

పోస్టర్‌లో లుంగీతో పవన్ కల్యాణ్, సాయి ధరమ్ తేజ్ ఉన్నారు. తమ్ముడు సినిమా(Thammudu Cinema)లోని వయ్యారి భామ పాట లుక్ ను పోస్టర్ లో చూడొచ్చు. సాయి ధరమ్ తేజ్ కూడా లుంగీ కట్టాడు. అయితే ప్యాంట్ మీద లుంగీ కట్టుకున్నాడు. ఇలాంటి మాస్ లుక్ లో మామా అల్లుళ్లు కనిపించడం అభిమానులకు పండగే.

ఇక ఇప్పుడు విడుదల చేసిన పోస్టర్ ఓ స్పెషల్ సాంగ్ లోనిది అంటున్నారు. ఇందులో పవన్, సాయి ధరమ్ తేజ్ తో కలిసి ఊర్వశి రౌతేలా స్టెప్పులు వేయనుంది. వాల్తేరు వీరయ్య సినిమాలోను మెగాస్టార్ తో కలిసి ఊర్వశి స్టెప్పులేసింది. బ్రో చిత్రంలో స్పెషల్ సాంగ్ కోసం భారీగా ఖర్చు పెట్టారని టాక్ నడుస్తోంది. ఒక్క రోజు లైటింగ్ కోసమే రూ.75 లక్షల వరకూ ఖర్చు చేశారట. ఊర్వశి ఒక్కో సాంగ్ కు రూ.50 లక్షల వరకూ తీసుకుంటుంది.

ఈ సినిమాలో పవన్ కల్యాణ్ క్యారెక్టర్(బ్రో) చేస్తుండగా.. మార్కండేయులుగా సాయి ధరమ్ తేజ్ కనిపించనున్నాడు. ఈ చిత్రానికి థమన్ సంగీతం అందిస్తున్నాడు. జులై 28న సినిమా విడుదలవుతుందని నిర్ధారిస్తూ టీజర్ అప్‌డేట్‌ను సూచిస్తూ మేకర్స్ పోస్టర్‌ను వెల్లడించారు. సముద్రఖని ఈ చిత్రానికి దర్శకత్వం వహిస్తుండగా, కేతిక శర్మ, ప్రియా ప్రకాష్ వారియర్, సముద్రఖని, రోహిణి, రాజేశ్వరి నాయర్ ఇతర ముఖ్య పాత్రలు పోషిస్తున్నారు.