OTT Releases: ఓటీటీల్లోకి ఈ వారం వస్తున్న ఈ తెలుగు, మలయాళ బ్లాక్‌బస్టర్ సినిమాలు అస్సలు మిస్ కావద్దు.. వెబ్ సిరీస్ కూడా

OTT Releases: ఓటీటీల్లోకి వచ్చే గురు, శుక్రవారాల్లో బ్లాక్‌బస్టర్ సినిమాలు వస్తున్నాయి. సమంత నటించిన ఓ వెబ్ సిరీస్ కూడా రాబోతోంది. వీటి నెట్‌ఫ్లిక్స్, అమెజాన్ ప్రైమ్ వీడియో, డిస్నీ ప్లస్ హాట్‌స్టార్ లాంటి ఓటీటీల్లో చూడొచ్చు. తెలుగుతోపాటు తమిళ, మలయాళ హిట్ మూవీస్ కూడా ఈ వారం ఓటీటీల్లోకి అడుగుపెడుతున్నాయి. అవేంటో చూసేయండి.

ఈవారం ఓటీటీ రిలీజెస్

ఓటీటీలోకి ఈ వారం దేవరతోపాటు వేట్టయన్, ఏఆర్ఎంలాంటి సినిమాలతోపాటు సమంత, వరుణ్ ధావన్ నటించిన సిటడెల్ హనీ బన్నీ వెబ్ సిరీస్ కూడా వస్తున్నాయి. ఏ ఓటీటీలో ఏవి స్ట్రీమింగ్ కానున్నాయో చూద్దాం.

దేవర - నెట్‌ఫ్లిక్స్

జూనియర్ ఎన్టీఆర్ నటించిన దేవర మూవీ ప్రపంచవ్యాప్తంగా సెప్టెంబర్ 27న రిలీజైన సంగతి తెలుసు కదా. ఇప్పుడీ మూవీ సుమారు 40 రోజుల తర్వాత ఓటీటీలోకి అడుగుపెడుతోంది. బాక్సాఫీస్ దగ్గర రూ.500 కోట్లకుపైగా వసూలు చేసిన ఈ మూవీ.. నెట్‌ఫ్లిక్స్ లో శుక్రవారం (నవంబర్ 8) నుంచి స్ట్రీమింగ్ కానుంది. ఈ సినిమా హక్కులను సదరు ఓటీటీ భారీ మొత్తానికి సొంతం చేసుకుంది. దేవర స్ట్రీమింగ్ పై ఇప్పటి వరకూ అధికారిక ప్రకటన ఇంకా రాలేదు. త్వరలోనే వచ్చే అవకాశాలు ఉన్నాయి.

వేట్టయన్ - ప్రైమ్ వీడియో

రజనీకాంత్, అమితాబ్ బచ్చన్ నటించిన తమిళ హిట్ మూవీ వేట్టయన్ కూడా ఈ వారమే ఓటీటీలోకి అడుగుపెడుతోంది. ఇప్పటికే ఈ సినిమా స్ట్రీమింగ్ పై అధికారిక ప్రకటన వచ్చేసింది. ఈ మూవీ శుక్రవారం (నవంబర్ 8) నుంచి ప్రైమ్ వీడియోలో స్ట్రీమింగ్ కు రానుంది. ఈ సినిమాలో రజనీకాంత్, అమితాబ్ తోపాటు రానా, ఫహాద్ ఫాజిల్, మంజు వారియర్ లాంటి వాళ్లు కూడా నటించారు.

ఏఆర్ఎం - డిస్నీ ప్లస్ హాట్‌స్టార్

ఏఆర్ఎం అంటే అజయన్ రండమ్ మోషనమ్. మలయాళ స్టార్ హీరో టొవినో థామస్ నటించిన ఈ సినిమా ఈ ఏడాది బిగ్గెస్ట్ హిట్స్ లో ఒకటి. రూ.100 కోట్లకుపైగా వసూలు చేసింది. ఇప్పుడీ మూవీ నవంబర్ 8 నుంచి డిస్నీ ప్లస్ హాట్‌స్టార్ లో స్ట్రీమింగ్ కానుంది. మలయాళంతోపాటు తెలుగులోనూ స్ట్రీమింగ్ కానుండటం విశేషం.

సిటడెల్: హనీ బన్నీ - ప్రైమ్ వీడియో

ఇక ఈ వారం సమంత, వరుణ్ ధావన్ నటించిన మోస్ట్ అవేటెడ్ వెబ్ సిరీస్ సిటడెల్: హనీ బన్నీ కూడా ఓటీటీలోకి వస్తోంది. రాజ్ అండ్ డీకే డైరెక్ట్ చేసిన ఈ యాక్షన్ థ్రిల్లర్ సిరీస్ గురువారం (నవంబర్ 7) నుంచి ప్రైమ్ వీడియోలో స్ట్రీమింగ్ కు రానుంది. చాలా రోజులుగా ఈ సిరీస్ కోసం ఆసక్తిగా ఎదురు చూస్తున్నారు. హిందీతోపాటు తెలుగులోనూ ఈ వెబ్ సిరీస్ స్ట్రీమింగ్ కానుంది.

విజయ్ 69 - నెట్‌ఫ్లిక్స్

నేరుగా ఓటీటీలోకి వచ్చేస్తోంది విజయ్ 69 అనే మరో మూవీ. బాలీవుడ్ సీనియర్ నటుడు అనుపమ్ ఖేర్ నటించిన ఈ సినిమా కూడా శుక్రవారం (నవంబర్ 8) నుంచి నెట్‌ఫ్లిక్స్ లో స్ట్రీమింగ్ కానుంది. 69 ఏళ్ల ఓ వృద్ధుడు ఆ వయసులో ట్రయథ్లాన్ లో పాల్గొని తన కల నెరవేర్చుకోవాలని భావిస్తాడు. మరి అతని కల నెరవేరుతుందా లేదా అన్నది ఈ మూవీలో చూడొచ్చు.

డెస్పికబుల్ మి 4 - జియో సినిమా

సూపర్ హిట్ యానిమేషన్ మూవీ డెస్పికలబుల్ మి 4 మంగళవారం (నవంబర్ 5) నుంచి జియో సినిమాలో స్ట్రీమింగ్ కు రానుంది.

ది బకింగ్‌హాట్ మర్డర్స్ - నెట్‌ఫ్లిక్స్

కరీనా కపూర్ నటించిన ది బకింగ్‌హామ్ మర్డర్స్ మూవీ రెండు నెలల తర్వాత ఓటీటీలోకి అడుగుపెడుతోంది. ఈ క్రైమ్ థ్రిల్లర్ మూవీ నవంబర్ 8 నుంచి నెట్‌ఫ్లిక్స్ లో స్ట్రీమింగ్ కాబోతోంది.