Narne Nithin Engagement: యంగ్ హీరో నార్నే నితిన్ ఎంగేజ్‌మెంట్.. అన్నీ తానై చూసుకున్న జూనియర్ ఎన్టీఆర్

మ్యాడ్, ఆయ్ సినిమాలతో తెలుగు ప్రేక్షకులకి దగ్గరైన యంగ్ హీరో నార్నే నితిన్ ఓ ఇంటివాడు కాబోతున్నాడు. హైదరాబాద్‌లో ఆదివారం అట్టహాసంగా నార్నె నితిన్ నిశ్చితార్థ వేడుకలు జరగగా.. జూనియర్ ఎన్టీఆర్ అన్నీ తానై వేడుకలో సందడి చేశారు. నార్నే నితిన్ స్వయాన జూనియర్ ఎన్టీఆర్‌కి బావమరిది. ఎన్టీఆర్ భార్య ప్రణతి సోదరుడే ఈ నార్నే నితిన్.

హైదరాబాద్‌లో జరిగిన ఈ ఎంగేజ్‌మెంట్ పంక్షన్‌కి జూనియర్ ఎన్టీఆర్‌ ఫ్యామిలీతో పాటు కళ్యాణ్ రామ్‌ కూడా ఫ్యామిలీ‌తో వచి వధూవరులను ఆశీర్వదించారు. అలానే టాలీవుడ్‌లోని కొంత మంది ప్రముఖులు హాజరై నార్నె నితిన్‌ జంటకి శుభాకాంక్షలు తెలియజేశారు. ఈ మేరకు కొన్ని ఫొటోలు, వీడియోలు సోషల్ మీడియాలో చక్కర్లు కొడుతున్నాయి.

గత ఏడాది విడుదలైన మ్యాడ్ సినిమా ఫుల్ లెంగ్త్ కామెడీ ఎంటర్‌టైనర్‌గా ప్రేక్షకుల్ని మెప్పించింది. ఆ తర్వాత ఈ ఏడాది విడుదలైన ఆయ్ మూవీ ఫ్రెండ్‌షిప్‌కి కొత్త అర్థాన్ని చెబుతూ ప్రేక్షకుల మెప్పు పొందింది. ప్రముఖ పారిశ్రామికవేత్త నార్నే శ్రీనివాసరావు కొడుకైన నార్నే నితిన్.. జూనియర్ ఎన్టీఆర్ బావమరిదిగా కాకుండా తనకంటూ ప్రత్యేక గుర్తింపు తెచ్చుకునేందుకు ప్రయత్నిస్తున్నాడు.