NNS July 3rd Episode: మనోహరిపై రణ్‌వీర్ బుల్లెట్ల వర్షం- తొక్కిసలాటలో పిల్లలు- ప్రమాదంలో అంజు- కాపాడిన మిస్సమ్మ!

Nindu Noorella Saavasam Today Episode: నిండు నూరేళ్ల సావాసం నేటి ఎపిసోడ్‌లో (NNS 3rd July Episode) మనోహరిని వెతుక్కుంటూ ఆమె భర్త రణ్​వీర్​ రిసార్ట్​కి వస్తాడు. రణ్​వీర్​, అతని మనుషులు రిసార్ట్ మొత్తం వెతుకుతూ ఉంటారు.

ఆర్మీ వాళ్లు

మనోహరి కనపడగానే కోపంతో చంపేయకుండా ఇక్కడ నుంచి జాగ్రత్తగా బయటకు తీసుకెళ్లడం మంచిది. ఇది అసలే ఆర్మీ ఫంక్షన్​.. ఏదైనా తేడా వస్తే ఆర్మీ వాళ్లు ఊరుకోరు అని హెచ్చరిస్తాడు అతని అనుచరుడు. సరేనంటాడు రణ్​వీర్​. వాళ్లంతా ఫంక్షన్​హాల్లో తిరుగుతూ వెతుకుతుంటే మనోహరి వారికి దొరకకుండా దాక్కుంటుంది.

బీహారిలతో శివరామ్

బీహారీ ముఠా వ్యక్తులు ఎదురుపడటంతో ఆరోజు మా అమ్మాయి పెళ్లిలో కూడా వచ్చిందే మీరే కదా అని అడుగుతాడు శివరామ్​. అవును.. అనగానే ఏ మీరు వెతుకుతున్న అమ్మాయి ఇంకా దొరకలేదా అంటాడు. కచ్చితంగా దొరుకుతుంది అంటాడు రణ్​వీర్. వారిని చూసి మనోహరి దాక్కోవడం చూసిన శివరామ్​ ఏంటమ్మా మనోహరి అని అంటాడు. దాంతో మనోహరి షాక్ అవుతుంది. మనోహరిని చూసిన రణ్‌వీర్ కూడా ఆశ్చర్యపోతాడు.

కంగారుగా మనోహరి

వెంటనే నేను వాష్​రూమ్​ వెళ్లొస్తా అంకుల్ అంటూ పరుగులు పెడుతుంది మనోహరి. తను వెతుకున్న మనోహరి అక్కడే ఉందని పరిగెత్తుకుంటూ వస్తాడు రణ్​వీర్​. కానీ, వాళ్లమ్మాయి పేరు కూడా మనోహరినే అని చెప్పడంతో ఆగుతాడు. మరోవైపు నాలుగు కుప్పిగంతులు వేసి తనదే డ్యాన్స్​ అని కొందరు ఫీలవుతున్నారని అంజు అంటుంది.

సెల్ఫీలు తీసుకుంటూ

స్టేజ్​ మీదకి ఎక్కి తానూ తన అక్క, అన్నయ్యలతో కలిసి డ్యాన్స్​ చేసి అసలు డ్యాన్స్​ అంటే ఏంటో చూపిస్తాను అని అనౌన్స్​ చేస్తుంది అంజు. పిల్లలు అందరూ స్టేజ్​పై డ్యాన్స్​ చేస్తారు. భాగీ, అమర్​, అరుంధతి.. అందరూ సంబరపడిపోతారు. భాగీ, పిల్లలు టేబుల్​ దగ్గర కూర్చుని సెల్ఫీలు తీసుకుంటుంటే వాళ్లని వెళ్లి భోజనం చేయమంటాడు అమర్​. సరేనని పిల్లల్ని తీసుకుని భోజనానికి వెళ్తుంది భాగీ.

చంపేందుకు ప్రయత్నం

ఇంతలో మనోహరిని చూసిన రణ్​వీర్​ కోపంతో అరుస్తాడు. దాంతో మనోహరి హాయ్ అని అంటుంది. హాయ్​ చెప్పడానికి రాలేదు.. బాయ్​ చెప్పడానికి వచ్చాను అంటూ మనోహరి వెంటపడి చంపేందుకు ప్రయత్నిస్తాడు రణ్‌వీర్. దాంతో ప్రాణభయంతో ఫంక్షన్‌లోకి పరుగులు పెడుతుంది మనోహరి.

బుల్లెట్లు పేలుస్తూ

రణ్​వీర్​ తుపాకీతో కాలుస్తూ మనోహరి వెంటపడుతూ బుల్లెట్లు పేల్చడంతో అందరూ కంగారుపడి పరుగులు పెడతారు. అమర్, భాగీ, పిల్లలు తలో దిక్కున పరిగెడతారు. ఆ తోపులాటలో అంజు కిందపడిపోతుంది. అంజు కనపడకపోవడంతో అందరూ కంగారు పడతారు. కిందపడిన అంజుని ఎవరూ తొక్కకుండా అడ్డుపడి కాపాడుతుంది మిస్సమ్మ.

బయటకు వచ్చిన మనోహరి

రణ్​వీర్​కి దొరకకుండా ఫంక్షన్​ నుంచి బయటకు వచ్చేస్తుంది మనోహరి. అంజు మిస్సమ్మని అర్థం చేసుకుంటుందా? అమర్​కి రణ్​వీర్​ ఎవరో తెలిసిపోతుందా? అనే విషయాలు తెలియాలంటే జులై 04న ప్రసారం కానున్న నిండు నూరేళ్ల సావాసం సీరియల్​ తర్వాతి ఎపిసోడ్ తప్పకుండా చూడాల్సిందే!