BB4: హిట్ కాంబో బాలయ్య - బోయపాటి మూవీపై అనౌన్స్‌మెంట్ వచ్చేసింది.. నందమూరి తేజస్విని సమర్పణలో..-nandamuri balakrishna upcoming movie with boyapati srinu announced on his birthday bb4 ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Bb4: హిట్ కాంబో బాలయ్య - బోయపాటి మూవీపై అనౌన్స్‌మెంట్ వచ్చేసింది.. నందమూరి తేజస్విని సమర్పణలో..

BB4: హిట్ కాంబో బాలయ్య - బోయపాటి మూవీపై అనౌన్స్‌మెంట్ వచ్చేసింది.. నందమూరి తేజస్విని సమర్పణలో..

Chatakonda Krishna Prakash HT Telugu
Jun 10, 2024 09:27 AM IST

Nandamuri Balakrishna - BB4: బాలకృష్ణ, డైరెక్టర్ బోయపాటి శ్రీను కాంబోలో నాలుగు మూవీ రూపొందనుంది. బాలయ్య పుట్టిన రోజు సందర్భంగా ఈ చిత్రంపై నేడు (జూన్ 10) అధికారిక ప్రకటన వచ్చేసింది.

BB4: హిట్ కాంబో బాలయ్య - బోయపాటి మూవీపై అనౌన్స్‌మెంట్ వచ్చేసింది.. నందమూరి తేజస్విని సమర్పణలో..
BB4: హిట్ కాంబో బాలయ్య - బోయపాటి మూవీపై అనౌన్స్‌మెంట్ వచ్చేసింది.. నందమూరి తేజస్విని సమర్పణలో..

Nandamuri Balakrishna: గాడ్ ఆఫ్ మాసెస్ నందమూరి బాలకృష్ణ - డైరెక్టర్ బోయపాటి శ్రీనుది బ్లాక్‍బస్టర్ కాంబినేషన్. వీరిద్దరి కాంబోలో ఇప్పటి వరకు వచ్చిన సింహా (2010), లెజెండ్ (2014), అఖండ (2021) సూపర్ హిట్‍ అయ్యాయి. బాలయ్య మాస్ యాక్షన్‍కు బోయపాటి పవర్‌ఫుల్ స్టోరీలు, టేకింగ్ సూటయ్యాయి. దీంతో మూడు సినిమాలు సక్సెస్ అయ్యాయి. ఇప్పుడు బాలయ్య - బోయపాటి కాంబినేషన్‍లో నాలుగో సినిమా రానుంది. బాలకృష్ణ పుట్టిన రోజు సందర్భంగా నేడు (జూన్ 10) ఈ చిత్రంపై అధికారిక ప్రకటన వచ్చేసింది.

‘లెజెండ్’ నిర్మాతలతో..

బాలకృష్ణ - బోయపాటి శ్రీను మూవీని 14 రీల్స్ బ్యానర్ నేడు ప్రకటించింది. గతంలో వీర్దదరి కాంబోలో లెజెండ్ మూవీని ఈ బ్యానరే నిర్మించింది. ఇప్పుడు మరోసారి జత కట్టింది. #BB4 అంటూ ఓ పోస్టర్ రిలీజ్ చేసింది మూవీ టీమ్. మన బాలయ్య బాబుకు జన్మదిన శుభాకాంక్షలు అంటూ పోస్టర్ తీసుకొచ్చింది.

మ్యాసివ్ ఎపిక్ కాంబినేెషన్ మళ్లీ తిరిగి వచ్చేసిందంటూ ట్వీట్ చేసింది 14 రీల్స్ ప్లస్ ప్రొడక్షన్ హౌస్. “తెరపై మంటలు రేపేందుకు సూపర్ కాంబో మళ్లీ వచేస్తోంది. రెండు శక్తులు - గాడ్ ఆఫ్ మాసెస్ నందమూరి బాలకృష్ణ, బోయపాటి శ్రీను BB4 కోసం చేతులు కలిపారు. హ్యపీ బర్త్‌డే బాలయ్య బాబు” అని పోస్ట్ చేసింది.

బాలయ్య కుమార్తె సమర్పణ

బీబీ4 చిత్రాన్ని14 రీల్స్ ప్లస్ పతాకంపై రామ్ ఆచంట, గోపీ ఆచంట నిర్మించనున్నారు. కాగా, బాలకృష్ణ కుమార్తె నందమూరి తేజస్విని ఈ చిత్రాన్ని సమర్పిస్తున్నారు. తేజస్వినీ నందమూరి ప్రెజెంట్స్ అంటూ పోస్టర్‌పై ఉంది.

బాలకృష్ణతో బోయపాటి మరోసారి తన మార్క్ యాక్షన్ మూవీనే తెరకెక్కించే అవకాశం ఉంది. వీరి కాంబోలో 2021లో వచ్చిన అఖండ బ్లాక్‍బస్టర్ అయింది. దీనికి సీక్వెల్ కూడా వస్తుందనే రూమర్లు వచ్చాయి. మరి, బోయపాటి అఖండ 2 రూపొందిస్తారో.. లేకపోతే వేరే స్టోరీ రూపొందించారో త్వరలోనే క్లారిటీ వచ్చే అవకాశం ఉంది. ఇప్పుడు తీసుకొచ్చిన BB4 పోస్టర్లో ఈ విషయంపై హింట్లు ఇవ్వలేదు.

ఎన్‍బీకే 109 గ్లింప్స్

ప్రస్తుతం బాబీ కొల్లి దర్శకత్వంలో నందమూరి బాలకృష్ణ ఓ యాక్షన్ థ్రిల్లర్ మూవీ (NBK 109) చేస్తున్నారు. బాలయ్యకు 109వ చిత్రంగా ఇది ఉంది. బాలకృష్ణ పుట్టిన రోజు సందర్భంగా ఈ సినిమా నుంచి నేడు (జూన్ 10) ఓ స్పెషల్ గ్లింప్స్ వీడియో రానుంది. ఉదయం 11 గంటల 27 నిమిషాలకు ఇది రిలీజ్ కానుంది. ఇప్పటికే ఈ చిత్రం నుంచి వచ్చిన ఫస్ట్ గ్లింప్స్ అదిరిపోవడంతో ఈ గ్లింప్స్ కోసం ఫ్యాన్స్ ఆసక్తిగా ఎదురుచూస్తున్నారు.

ఎన్‍బీకే 109 ఫుల్ యాక్షన్ మూవీగానే ఉండనుంది. టైటిల్ ఇంకా ఖరారు చేయలేదు టీమ్. ఈ సినిమాలో బాలీవుడ్ స్టార్ బాబీ డియోల్ కీలకపాత్ర పోషిస్తున్నారు. బాలీవుడ్ భామ ఊర్వశి రౌతేలా, టాలీవుడ్ హీరోయిన్ చాందినీ చౌదరి కీరోల్స్ చేస్తున్నారు. సితార ఎంటర్‌టైన్‍మెంట్స్, ఫార్చ్యూన్ ఫోర్ బ్యానర్లు ఈ చిత్రాన్ని నిర్మిస్తున్నాయి. నేడు వచ్చే గ్లింప్స్‌లో NBK 109 మూవీ రిలీజ్ గురించి హింట్ ఇచ్చే అవకాశాలు ఉన్నాయి. టైటిల్ రివీల్ చేస్తారో లేదో చూడాలి.

టీ20 వరల్డ్ కప్ 2024