Malvi Malhotra: మాళ్వి మ‌ల్హోత్రా గ్లామ‌ర్ ట్రీట్ - షాబానో ఇండిపెండెంట్ సాంగ్ రిలీజ్‌

Malvi Malhotra: తిర‌గ‌బ‌డ‌రా సామీతో హీరోయిన్‌గా టాలీవుడ్‌లోకి ఎంట్రీ ఇవ్వ‌బోతున్న‌ది మాళ్వి మ‌ల్హోత్రా. ఆగ‌స్ట్‌ 2న ఈ తెలుగు మూవీ ప్రేక్ష‌కుల ముందుకు రాబోతోంది. ఈ సినిమా కంటే ముందే త‌న గ్లామ‌ర్‌తో తెలుగు ఆడియెన్స్‌కు ట్రీట్ ఇచ్చింది మాళ్వి మ‌ల్హోత్రా. షాబానో పేరుతో ఓ ఇండిపెండెంట్ సాంగ్ చేసింది. డివో మ్యూజిక్ ద్వారా శ‌నివారం ఈ పాట రిలీజైంది.

సీత పాత్ర‌లో...

షాబానో పాట‌కు భాస్క‌ర్ బంటుప‌ల్లి ద‌ర్శ‌క‌త్వం వ‌హించాడు. ఈ పాట‌లో సీత‌గా మాళ్వి మ‌ల్హోత్రా క‌నిపించింది. ఇందులో మాళ్వి మ‌ల్హోత్రాతో పాటు కాశీవిశ్వ‌నాథ్‌, వై విజ‌య తో పాటు మ‌రికొంద‌రు టాలీవుడ్ ఆర్టిస్టులు క‌నిపించారు. మెలోడియ‌స్‌గా సాగిన పాట‌లో త‌న డ్యాన్స్ స్టెప్పుల‌తో మాళ్వి మ‌ల్హోత్రా అద‌ర‌గొట్టింది. మొత్తం మంచు కొండ‌ల్లో ఈ పాట‌ను షూట్ చేశారు. లొకేష‌న్స్‌, విజువ‌ల్స్ ఆక‌ట్టుకుంటున్నాయి. ఈ పాట‌కు సాకేత్ కోమండూరి మ్యూజిక్ అందించాడు. సోనీ కోమాండూరి ఆల‌పించింది. పాట చివ‌ర‌లో రామాయ‌ణం విజువ‌ల్స్ చూపించ‌డం ఆక‌ట్టుకుంటోంది. యూట్యూబ్‌లో ఈ పాట ట్రెండింగ్‌లో ఉంది.

నాలుగు భాష‌ల్లో ఒకేసారి..

ఆడు ఎంటర్టైన్మెంట్ బ్యానర్ పై గౌత‌మ్ చ‌వాన్ ప్రొడ్యూస్ షాబానో వీడియో సాంగ్‌ను ప్రొడ్యూస్ చేశాడు. షాబానో సాంగ్ తెలుగు తో పాటు హిందీ, తమిళ్, కన్నడ భాషల్లో ఒకేసారి విడుదల అయ్యింది, అన్ని భాషల్లో ఈ సాంగ్ ను సోనీ కోమండూరి పాడింది. సోనీ కోమండూరి తెలుగులో బాహుబలి సినిమాలో హంసనావ పాటతో పాపుల‌ర్ అయ్యింది.

రాజ్ త‌రుణ్ ల‌వ్ స్టోరీ...

రాజ్‌త‌రుణ్‌, లావ‌ణ్య వివాదం కార‌ణంగా మాళ్వి మ‌ల్హోత్రా పేరు ఈ మ‌ధ్య కాలంలో ఎక్కువ‌గా వినిపిస్తోంది. మాళ్వి మ‌ల్హోత్రాతో ప్రేమ‌లో ప‌డ్డ రాజ్ త‌రుణ్ త‌న‌ను దూరం పెడుతున్నాడ‌ని లావ‌ణ్య ఇటీవ‌ల పోలీసు కేసు పెట్టింది. మాళ్వి మ‌ల్హోత్రా కుటుంబ స‌భ్యులు త‌న‌ను చంప‌డానికి ప్ర‌య‌త్నిస్తున్నార‌ని ఆరోప‌ణ‌లు చేసింది. మాళ్వి మ‌ల్హోత్రాతో పాటు ఆమె సోద‌రుడిపై లావ‌ణ్య కేసు పెట్టింది. తాను ఆత్మ‌హ‌త్య చేసుకోబోతున్న‌ట్లు శుక్రవారం త‌న లాయ‌ర్‌కు లావ‌ణ్య మెసేజ్ పెట్ట‌డం చ‌ర్చ‌నీయాంశంగా మారింది.మ‌రోవైపు రాజ్ త‌రుణ్ త‌న‌కు మంచి ఫ్రెండ్ మాత్ర‌మేన‌ని మాళ్వి మ‌ల్హోత్రా చెబుతోంది.

తిర‌గ‌బ‌డ‌రా సామీ..

తిర‌గ‌బ‌డ‌రా సామీ సినిమాలో రాజ్ త‌రుణ్‌కు జోడీగా మాళ్వి మ‌ల్హోత్రా న‌టించింది. ఈ సినిమా షూటింగ్‌లోనే ఇద్ద‌రి మ‌ధ్య ఏర్ప‌డిన ప‌రిచ‌యం ప్రేమ‌గా మారిన‌ట్లు ప్ర‌చారం జ‌రుగుతోంది. త‌ర‌గ‌బ‌డ‌రా సామీ సినిమాకు ఏఎస్ ర‌వికుమార్ చౌద‌రి ద‌ర్శ‌క‌త్వం వ‌హిస్తున్నాడు. ఈ సినిమాలో బిగ్ బాస్ మ్యూటీ మ‌న్నారా చోప్రా మ‌రో హీరోయిన్‌గా క‌నిపించ‌బోతున్న‌ది.

తిర‌గ‌బ‌డ‌రా సామీ కంటే ముందు హిందీలో హోట‌ల్ మిలాన్‌, జోర‌వార్ డి జాక్వెలిన్ సినిమాలు చేసింది. మ‌ల‌యాళంలో అభ్యూహామ్ అనే సినిమాలో న‌టించింది.కొన్ని టీవీ సీరియల్స్ లో కనిపించింది. పంజాబీ, హిందీ భాష‌ల్లో ప‌లు మ్యూజిక్ వీడియోల్లో న‌టించింది. తిర‌గ‌బ‌డ‌రా సామీతో పాటు తెలుగులో మ‌రికొన్ని చిన్న సినిమాల‌కు మాళ్వి మ‌ల్హోత్రా గ్రీన్ సిగ్న‌ల్ ఇచ్చిన‌ట్లు స‌మాచారం.