Kiran Abbavaram: వాళ్ల తల్లిదండ్రుల కంటే నేనే ఎక్కువ సంతోషిస్తున్నా.. హీరో కిరణ్ అబ్బవరం కామెంట్స్

Kiran Abbavaram Ka Movie Success Meet: యంగ్ హీరో కిరణ్ అబ్బవరం నటించిన భారీ పీరియాడిక్ థ్రిల్లర్ సినిమా "క". అక్టోబర్ 31న థియేటర్స్‌లో రిలీజైన క మూవీకి మంచి రెస్పాన్స్ వచ్చి ఘన విజయాన్ని సొంతం చేసుకుందని మేకర్స్ తెలిపారు. థ్రిల్లర్ సినిమాల్లో ఓ సరికొత్త ప్రయత్నంగా "క" సినిమా ప్రేక్షకుల ప్రశంసలు అందుకుంటోందంటున్నారు.

క మూవీ సక్సెస్ సెలబ్రేషన్స్

ఈ నేపథ్యంలో క సినిమా సక్సెస్ సెలబ్రేషన్స్‌ను నిర్వహించారు మూవీ టీమ్. ఈ క మూవీ సక్సెస్ సెలబ్రేషన్స్‌లో హీరో కిరణ్ అబ్బవరం, హీరోయిన్స్ నయన్ సారిక, తన్వీ రామ్, నిర్మాత చింతా గోపాలకృష్ణ రెడ్డి, దర్శకులు సుజీత్, సందీప్, తెలుగు డిస్ట్రిబ్యూటర్ వంశీ నందిపాటి, ఇతర టీమ్ మెంబర్స్ పాల్గొన్నారు.

మాకు ఎంతో స్పెషల్‌గా

ఈ సందర్భంగా హీరో కిరణ్ అబ్బవరం మాట్లాడుతూ.. "క సినిమాకు ఘన విజయాన్ని ఇచ్చిన ప్రేక్షకులకు కృతజ్ఞతలు. యూత్‌తో పాటు ఫ్యామిలీ ఆడియెన్స్ మా మూవీకి పెద్ద సంఖ్యలో వెళ్తున్నారు. సోషల్ మీడియాలో కూడా మా మూవీకి ఎంతో సపోర్ట్ లభిస్తోంది. క సినిమా విజయంతో ఈ దీపావళిని మాకు ఎంతో స్పెషల్‌గా చేశారు" అని అన్నాడు.

రోలింగ్ టైటిల్స్ వరకు

"మా మూవీని గ్రాండ్‌గా రిలీజ్ చేసిన వంశీ గారికి థ్యాంక్స్. అలాగే మా డైరెక్టర్స్ సుజీత్, సందీప్ సాధించిన ఈ విజయానికి వాళ్ల పేరెంట్స్ కంటే నేనే ఎక్కువ సంతోషిస్తున్నాను. ఇద్దరు హీరోయిన్స్ తన్వీ రామ్, నయన్ సారిక బాగా నటించారు. క సినిమా బిగినింగ్, ఎండింగ్ మిస్ కావొద్దు. సినిమా చివరలోనే కథలోని ఎస్సెన్స్ ఉంది. రోలింగ్ టైటిల్స్ వరకు సినిమా చూడండి. నేను మా టీమ్ మిమ్మల్ని పర్సనల్‌గా వచ్చి కలుస్తాం" అని కిరణ్ అబ్బవరం తెలిపాడు.

ఎండింగ్ మిస్ కావొద్దు

ఇదే ఈవెంట్‌లో హీరోయిన్ నయన్ సారిక మాట్లాడుతూ.. "మీ అందరికీ హ్యాపీ దీవాళి. ఈ సక్సెస్ సెలబ్రేషన్స్‌లో ఏం మాట్లాడాలో తెలియడం లేదు. ఎన్నో భావోద్వేగాలు కలుగుతున్నాయి. క సినిమాకు విజయాన్నిచ్చిన మీ అందరికీ థ్యాంక్స్. కిరణ్ గారు చెప్పినట్లు బిగినింగ్, ఎండింగ్ మిస్ కాకండి. అలాగే ఇంటర్వెల్‌ను మిస్ కావొద్దు. క సినిమాను మీ ఫ్యామిలీతో కలిసి చూడండి" అని చెప్పుకొచ్చింది.

కళ్లారా చూశాం

"క సినిమాకు ప్రేక్షకులు ఇస్తున్న స్పందన నేను మా టీమ్ కళ్లారా చూశాం. ప్రీమియర్ షోస్‌కు వెళ్లినప్పుడు థియేటర్‌లో ప్రేక్షకుల స్పందన చూస్తుంటే చాలా సంతోషంగా ఉంది. ఇంత పెద్ద విజయాన్ని మా సినిమాకు ఇచ్చిన ప్రేక్షకులకు థ్యాంక్స్ చెబుతున్నాం. కిరణ్‌కు మీరు ఇస్తున్న సపోర్ట్ చూస్తుంటే హ్యాపీగా ఉంది. అలాగే మా టీమ్‌కు దక్కిన ఈ విజయానికి ఎంతో సంతోషిస్తున్నాను. ఈ సందర్భంలో ఎమోషనల్ ఫీలింగ్ కలుగుతోంది" అని మరో హీరోయిన్ తన్వీ రామ్ తెలిపింది.

మాటిస్తున్నా

"క సినిమాను సక్సెస్ చేసిన ఆడియెన్స్ అందరికీ థ్యాంక్స్. మేము నమ్మిన కథ ప్రేక్షకుల ఆదరణ రూపంలో విజయాన్ని సాధించినందుకు సంతోషంగా ఉంది. ఒక కొత్త కంటెంట్‌ను, కొత్త నేరేటివ్‌ను ప్రేక్షకులు రిసీవ్ చేసుకున్నతీరు ఎంతో ఆనందాన్ని కలిగిస్తోంది. ప్రొడ్యూసర్ గోపి గారికి, వంశీ గారికి, కిరణ్ గారికి థ్యాంక్స్ చెబుతున్నా. భవిష్యత్‌లోనూ ఇలాంటి మంచి మూవీస్ చేస్తామని మాటిస్తున్నా" అని డైరెక్టర్ సుజీత్ అన్నారు.