Raj Tharun: పెళ్లయింది.. నాకు అబార్షన్ చేయించాడు: రాజ్‍తరుణ్‍పై లావణ్య మరో కంప్లైట్‍-actress lavanya files fresh case against tollywood hero raj tharun says he made me have abortion ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Raj Tharun: పెళ్లయింది.. నాకు అబార్షన్ చేయించాడు: రాజ్‍తరుణ్‍పై లావణ్య మరో కంప్లైట్‍

Raj Tharun: పెళ్లయింది.. నాకు అబార్షన్ చేయించాడు: రాజ్‍తరుణ్‍పై లావణ్య మరో కంప్లైట్‍

Chatakonda Krishna Prakash HT Telugu
Jul 10, 2024 02:19 PM IST

Raj Tharun - Lavanya controversy: టాలీవుడ్ హీరో రాజ్‍తరుణ్‍పై మరో ఫిర్యాదు చేశారు లావణ్య. తమకు పదేళ్ల క్రితమే వివాహం జరిగిందని, కొన్ని నెలల క్రితం అతడు తనకు అబార్షన్ చేయించారని వెల్లడించారు.

Raj Tharun: పెళ్లయింది.. నాకు అబార్షన్ చేయించాడు: రాజ్‍తరుణ్‍పై లావణ్య మరో కంప్లైట్‍
Raj Tharun: పెళ్లయింది.. నాకు అబార్షన్ చేయించాడు: రాజ్‍తరుణ్‍పై లావణ్య మరో కంప్లైట్‍

టాలీవుడ్ యంగ్ హీరో రాజ్‍తరుణ్ - నటి లావణ్య మధ్య వివాదం తీవ్రమవుతూనే ఉంది. తనను పెళ్లి చేసుకుంటానని మోసం చేశాడని కొన్ని రోజుల కిందట పోలీసులకు అతడిపై ఫిర్యాదు చేశారు లావణ్య. దీంతో ఈ దుమారం మొదలైంది. అప్పటి నుంచి రాజ్‍తరుణ్‍పై లావణ్య వరుసగా ఆరోపణలు చేస్తున్నారు. నటి మాల్వీ మల్హోత్రాతో సంబంధం కారణంగానే తనను వాడుకొని రాజ్‍తరుణ్ వదిలేశాడంటూ లావణ్య వెల్లడించారు. తాజాగా, నార్సింగి పోలీసులకు లావణ్య నేడు మరోసారి కంప్లైట్ చేశారు. ఈసారి ఫిర్యాదులో మరింత తీవ్రమైన ఆరోపణలు చేశారు.

పదేళ్లుగా కాపురం.. అబార్షన్

హీరో రాజ్ తరుణ్‍కు తనకు పదేళ్ల కిందటే వివాహమైందని లావణ్య చెప్పారు. తాము అప్పటి నుంచి కాపురం చేస్తున్నామని వెల్లడించారు. కొన్నాళ్ల క్రితమే రాజ్‍తరుణ్ తనకు అబార్షన్ చేయించారని కూడా పోలీసులకు లావణ్య ఫిర్యాదు చేశారు. మెడికల్ డాక్యుమెంట్లను కూడా పోలీసులకు అందించారు. 

వేరే పేరుతో విదేశాలకు..

అన్విక పేరుతో తాను రాజ్ తరుణ్‍తో కలిసి ఉన్నానని లావణ్య వెల్లడించారు. అన్విక పేరుతోనే తాను అతడితో విదేశాలకు వెకేషన్లకు కూడా వెళ్లినట్టు ఆమె పేర్కొన్నారు. మాల్వీ మల్హోత్రా పరిచయం అయినప్పటి నుంచి తనను రాజ్‍తరుణ్ దూరం పెట్టినట్టు లావణ్య పేర్కొన్నారు. ఈ కొత్త ఫిర్యాదుతో పాటు కొన్ని ఫొటోలు, వైద్య పరీక్షలకు సంబంధించిన డాక్యుమెంట్లు, స్కీన్‍షాట్లను కూడా పోలీసులకు లావణ్య ఇచ్చారని తెలుస్తోంది.

హీరోయిన్ మాల్వీ మల్హోత్రా వల్లే తనను రాజ్‍తరుణ్ వదిలేశారని లావణ్య ఆరోపిస్తున్నారు. ఈ విషయంపై రాజ్ తరుణ్ ఇటీవలే స్పందించారు. లావణ్య చేసిన ఆరోపణలు అన్నీ అబద్ధాలు అని చెప్పారు. తాము కొంతకాలం రిలేషన్‍లో ఉన్నా పెళ్లి చేసుకోవాలని ఎప్పడూ అనుకోలేదని అన్నారు. లావణ్య డ్రగ్స్‌కు అలవాటు పడ్డారని, చెప్పినా వినకపోవటంతో తాను విడిపోయానని రాజ్ తరుణ్ చెప్పారు.

లావణ్యపై మాల్వీ కంప్లైట్

రాజ్ తరుణ్ వ్యవహారం తనపై లావణ్య తప్పుడు ఆరోపణలు చేస్తున్నారని మాల్వీ మల్హోత్రా కూడా నేడు ఫిర్యాదు చేశారు. ఫిల్మ్ నగర్ పోలీస్ స్టేషన్‍లో లావణ్యపై కంప్లైట్ చేశారు. దీంతో ఈ వివాదంలో మరో ట్విస్ట్ నెలకొంది. లావణ్య, మాల్పీ పరస్పర ఫిర్యాదుతో ఇది మరింత ముదిరింది.

రాజ్ తరుణ్‍పై ఇటీవలే కేసు పెట్టిన సమయంలో ఆధారాలు ఇవ్వాలంటూ పోలీసులు లావణ్యకు నోటీసులు పంపారు. దీంతో ఇప్పడు తాజాగాా కొన్ని ఆధారాలతో పోలీసులకు మరో ఫిర్యాదు చేశారు లావణ్య. రాజ్ తరుణ్ ఒక్కసారి మినహా ఈ విషయంపై పెద్దగా స్పందించడం లేదు. ఈ వివాదం ఎటు వెళుతుందో చూడాలి.

రాజ్ తరుణ్ తర్వాతి సినిమాలు

రాజ్ తరుణ్ హీరోగా నటించిన తిరగబడరా సామి రిలీజ్‍ కావాల్సి ఉంది. పిల్లా నువ్వు లేని జీవితం ఫేమ్ డైరెక్టర్ రవికుమార్ చౌదరి ఈ చిత్రానికి దర్శకత్వం వహించారు. రాజ్ సరసన మాల్వీ మల్హోత్రా హీరోయిన్‍గా నటించారు. ఇటీవలే ఈ మూవీ నుంచి ట్రైలర్ వచ్చింది. మిక్స్డ్ రెస్పాన్స్ తెచ్చుకుంది. భలే ఉన్నాడే సినిమా కూడా రాజ్ తరుణ్ లైనప్‍లో ఉంది. ప్రస్తుతం ఈ మూవీ షూటింగ్ సాగుతోంది.

WhatsApp channel