Virat Kohli RCB : ఆర్సీబీకి విరాట్​ కోహ్లీ హీరోనా? లేక విలన్​ ఆ?-is virat kohli a hero or villain for rcb ipl 2024 ,క్రికెట్ న్యూస్
తెలుగు న్యూస్  /  క్రికెట్  /  Virat Kohli Rcb : ఆర్సీబీకి విరాట్​ కోహ్లీ హీరోనా? లేక విలన్​ ఆ?

Virat Kohli RCB : ఆర్సీబీకి విరాట్​ కోహ్లీ హీరోనా? లేక విలన్​ ఆ?

Sharath Chitturi HT Telugu
Apr 07, 2024 11:35 AM IST

Virat Kohli RCB : ఎక్కువ బాల్స్​ ఆడి, సెంచరీ కొట్టిన విరాట్​ కోహ్లీపై ట్రోల్స్​ వెల్లువెత్తుతున్నాయి. ఆర్సీబీ ఓటమికి అతను కారణం అని కొందరు విమర్శిస్తున్నారు. మరి.. ఆర్సీబీకి విరాట్​ కోహ్లీ హీరోనా? లేక విలన్​ ఆ?

ఆర్సీబీకి మళ్లీ ఓటి., విరాట్​ కోహ్లీ తప్పేనా?
ఆర్సీబీకి మళ్లీ ఓటి., విరాట్​ కోహ్లీ తప్పేనా?

IPL 2024 Virat Kohli : రాయల్​ ఛాలెంజర్స్​ బెంగళూరు.. ఐపీఎల్​లో ది మోస్ట్​ ఎంటర్​టైనింగ్​ టీమ్​గా పేరున్న ఫ్రాంఛైజ్​. ఆర్సీబీలో విరాట్​ కోహ్లీ వంటి స్టార్​ ప్లేయర్లకు కొదవ లేదు, టాలెంట్​కు కొరత లేదు. కానీ ఈ జట్టుకు 17ఏళ్ల ఐపీఎల్​ చరిత్రలో ఒక్క ట్రోఫీ కూడా లేదు! 'ఈ సాలా కప్​ నమ్దే.. కప్​ నమ్దే' అంటూ​ ఆశలు పెట్టుకోవడం, చివరికి నెక్ట్స్​ ఐపీఎల్​కి ఆ మాటలను షిఫ్ట్​ చేసుకోవడం ఫ్యాన్స్​కి అలవాటైపోయింది. ఐపీఎల్​ 2024లో కూడా ఇదే జరుగుతోంది. ఇప్పటివరకు 5 మ్యాచ్​లు ఆడిన ఆర్సీబీ ఒక్కటంటే ఒక్క మ్యాచ్​ మాత్రమే గెలిచి, మళ్లీ ఫ్యాన్స్​ని నిరాశపరుస్తోంది. మరీ ముఖ్యంగా.. శనివారం రాజస్థాన్​ రాయల్స్​తో జరిగిన మ్యాచ్​లో విరాట్​ కోహ్లీ సెంచరీ కొట్టినా, అతని ఆట తీరును అందరు ట్రోల్​ చేస్తున్నారు. ఐపీఎల్​ మొత్తం.. ఆర్సీబీకి కట్టప్పలా ఉన్న కోహ్లీపై విమర్శలు వెల్లువెత్తుతున్నాయి. మరి కోహ్లీ.. ఆర్సీబీకి హీరోనా? లేక విలన్​ ఆ?

విరాట్​ కోహ్లీ సెంచరీ కొట్టినా.. తప్పని విమర్శలు!

రాజస్థాన్​ రాయల్స్​తో జరిగిన మ్యాచ్​లో ఆర్సీబీ.. 20ఓవర్లకు 183 పరుగులు చేసింది. ఇందులో విరాట్​ కోహ్లీ స్కోర్​ 113. అంటే.. మిగిలిన జట్టు మొత్తం కొట్టింది 59 పరుగులే. అదే సమయంలో.. 72 బంతులాడిన కోహ్లీ 113 పరుగులు చేయడం ఇప్పుడు హాట్​ టాపిక్​గా మారింది. మరీ ముఖ్యంగా.. 67 బాల్స్​లో కోహ్లీ సెంచరీని చేరుకోవడం.. 'జాయింట్​ స్లోయెస్ట్​ ఐపీఎల్​ సెంచరీగా' అది మారడంతో రన్​ మెషిన్​ రన్​రేట్​పై ట్రోల్స్​ వెల్లువెత్తుతున్నాయి. టీ20 వరల్డ్​ కప్​లో కోహ్లీ ఇలాగే ఆడితే.. టీమిండియాకు కష్టమని అందరు అంటున్నారు.

'20ఓవర్లలో 277 కొడుతున్న రోజులివి. అలాంటిది 67 బాల్స్​లో 100 కొట్టడం ఏంటి?' అని చాలా మంది విమర్శిస్తున్నారు. ఇంకొందరైతే.. కోహ్లీ అలా నెమ్మదిగా ఆడటమే జట్టు ఓటమికి కారణం అంటున్నారు! ఐపీఎల్​ 2024లో అతి చెత్త బౌలింగ్​ లైనప్​ ఉన్న టీమ్​ ఆర్సీబీ అనడంలో ఎవరికి సందేహం లేదు. 200 టార్గెట్​ని ఇచ్చినా.. ఆ జట్టు బౌలర్లు ప్రత్యర్థులను గెలిపించిన సందర్భాలు చాలానే ఉన్నాయి. అలాంటిది.. చాలా తక్కువ రన్​రేట్​తో పరుగులు చేస్తే, 183 పరుగులను ఆర్సీబీ బౌలర్లు డిఫెండ్​ చేయలేరని నెటిజన్లు అంటున్నారు.

RCB vs RR highlights : నిన్న మొన్నటి వరకు ఆర్సీబీకి హీరోగా ఉండే కోహ్లీ.. ఇప్పుడు విలన్​ అయిపోయాడా? అంటే.. కాదు అనే చెప్పాలి! కోహ్లీ రన్​రేట్​ ఎప్పుడూ తక్కువగానే ఉందా? అంటే నెంబర్లు కాదు అనే చెబుతున్నాయి. కోహ్లీ వల్లే ఆర్​ఆర్​తో మ్యాచ్​లో ఆర్సీబీ ఓడిపోయిందా? అంటే నెంబర్లు కాదు అనే చెబుతున్నాయి.

ఆర్సీబీ ఓటముల్లో ప్రధాన కారణం.. కోహ్లీ మినహా ఆ జట్టులో ఎవరూ రాణించకపోవడం. కెప్టెన్​ ఫాప్​ డూప్లెసిస్​ ఔట్​ ఆఫ్​ ఫార్మ్​లో ఉన్నాడు. శనివారం జరిగిన మ్యాచ్​లో డూప్లెసిస్​- కోహ్లీలు కలిసి మొదటి వికెట్​కు 125 రన్స్​ చేశారు. కానీ ఏ సమయంలోనూ డూప్లెసిస్​ కంఫర్టెబుల్​గా ఉన్నట్టు కనిపించలేదు. ప్రతిసారీ కోహ్లీయే ముందుండి నడిపిస్తున్నట్టు కనిపించింది. చివరికి.. 33 బాల్స్​లో 44 పరుగులు చేసి ఔట్​ అయ్యాడు డూప్లెసిస్​.

ఇక ఆ తర్వాత క్రీజ్​లోకి వచ్చిన గ్లెన్​ మ్యాక్స్​వెల్​ గురించి ఎంత తక్కువ మాట్లాడుకుంటే అంత మంచిది అన్నట్టు ఉంది పరిస్థితి! ఐపీఎల్​ 2024లో ఇలా బ్యాటింగ్​కి రావడం, అలా ఔట్​ అయ్యి వెళ్లిపోవడం.. మ్యాక్స్​వెల్​కి అలవాటైపోయింది! ఆర్​ఆర్​తో జరిగిన మ్యాచ్​లో కూడా 3 బాల్స్​లో 1 పరుగు చేసి ఔటయ్యాడు ఆస్ట్రేలియన్​ డాషింగ్​ బ్యాటర్​. తన మెరుపులతో ఫ్యాన్స్​ని అలరించే మ్యాక్స్​వెల్​.. నిన్న జరిగిన మ్యాచ్​లో ఔటైన తీరు అందరిని ఆశ్చర్యానికి గురిచేసింది. ఓ ఎండ్​లో విరాట్​ కోహ్లీ ఒక్కటే నిలబడ్డాడు.

మ్యాక్స్​వెల్​ తర్వాత దినేశ్​ కార్తిక్​ వస్తానుకుంటే.. డెబ్యూట్​ ప్లేయర్​ సౌరవ్​ చవాన్​ వచ్చాడు. అతను పర్లేదనిపిస్తున్నా.. 6 బాల్స్​లో 9 పరుగులు చేసి ఔట్​ అయ్యాడు. విరాట్​పై మరింత ప్రజర్​ పడింది. ఆ తర్వాత వచ్చిన కామరూన్​ గ్రీన్​.. 6 బాల్స్​ ఆడి 5 పరుగులే చేశాడు. ఆర్​ఆర్​ బౌలింగ్​ లైనప్​ని ఎదుర్కొని ఆర్సీబీ స్కోర్​ని కోహ్లీ తన భుజాల మీద వేసుకోవాల్సి వచ్చింది. అతను కూడా ఔట్​ అయ్యి ఉంటే.. అసలు ఆర్సీబీ అంత మాత్రం స్కోరైనా చేసి ఉండేదా? అని చాలా మంది అభిప్రాయపడుతున్నారు.

Virat Kohli IPL 2024 runs : నిజమే.. పవర్​ప్లేలో విరాట్​ కోహ్లీ ఇంకొన్న బౌండరీలు కొట్టి ఉండేది. 19వ ఓవర్​లో 4 పరుగులే వచ్చాయి. అప్పుడు కూడా కోహ్లీ కొట్టి ఉండేది. సెంచరీ దగ్గర పడుతున్నప్పుడు.. 1 రన్​ని 2 రన్స్​గా మలిచి ఉండేది. కానీ.. ఈ క్రమంలో కోహ్లీ ఔట్​ అయితే?

"ఆర్సీబీ బ్యాటింగ్​ యూనిట్​ ఈ సిజన్​లో పనిచేయడం లేదు. ఆ విషయం విరాట్​ కోహ్లీకి కూడా తెలుసు. ఆర్సీబీ లైనప్​ పటిష్ఠంగా ఉంది. కానీ ఆ లైనప్​ ఫార్మ్​లో లేదు. కోహ్లీ కూడా ఔట్​ అయితే.. ఇంకెవరు ఆడతారు? అందుకే.. చాలా మైండ్​ఫుల్​గా ఆడుతున్నాడు. కోహ్లీ ఆడుతున్నట్టు.. ఎవరు ఆడట్లేదు. ఓవైపు వికెట్లు పడుతుంటే.. 'ఏదైతే అదైంది రిస్కీ షాట్లు ఆడదాం' అని కోహ్లీ అనుకోలేడు కదా. కోహ్లీ అలాగే ఆలోచిస్తే.. స్కోర్​ 183 కాదు.. 120 అవుతుంది," అని ఆస్ట్రేలియా క్రికెటర్​ ఆరోన్​ ఫించ్​ చెప్పుకొచ్చాడు.

ఐపీఎల్​ 2024లో 5 మ్యాచ్​లు ఆడిన విరాట్​ కోహ్లీ.. 316 పరుగులు చేశాడు. అతని స్ట్రైక్​ రేట్​ 146. ఆర్సీబీ మిగిలిన ప్లేయర్స్​లో కోహ్లీ దరిదాపుల్లో కూడా ఎవరు లేరు! కోహ్లీ తర్వాతి స్థానంలో 100 రన్స్​తో డూ ప్లెసిస్​ ఉన్నాడు.

Virat Kohli latest news : తన వెనుక ఇన్​ ఫామ్​ బ్యాట్స్​మెన్​ ఉన్నారని, తాను రిస్క్​ తీసుకుని ఔటైనా వాళ్లు చూసుకుంటారని కోహ్లీకి నమ్మకం ఉంటే.. రన్​ రేట్​ పెంచి, గేర్​ ఛేంజ్​ చేసి ఆడలేడా? చాలా సందర్భాల్లో ఆడి చూపిచాడు కూడా!

ఓవైపు విరాట్​ కోహ్లీ ఆరెంజ్​ క్యాప్​ కోసం పోటీపడుతుంటే.. మిగిలిన ఆర్సీబీ జట్టు అంతా.. ఐపీఎల్​ 2024 పాయింట్స్​ టేబుల్​లో చివరి స్థానంలో నిలిచేందుకు పోటీపడుతోంది. వాస్తవానికి ఇది ఎప్పడూ ఉండేదే! మరి ఈసారి కోహ్లీ తప్పు అని ఎలా అనగలము?

IPL_Entry_Point

సంబంధిత కథనం