IPL 2024 playoffs scenario : సీఎస్కే, డీసీ, ఆర్సీబీలో ప్లేఆఫ్స్​కి వెళ్లే జట్టు ఏది?-ipl 2024 playoffs scenario exact results csk rcb dc need to finish top 4 ,క్రికెట్ న్యూస్
తెలుగు న్యూస్  /  క్రికెట్  /  Ipl 2024 Playoffs Scenario : సీఎస్కే, డీసీ, ఆర్సీబీలో ప్లేఆఫ్స్​కి వెళ్లే జట్టు ఏది?

IPL 2024 playoffs scenario : సీఎస్కే, డీసీ, ఆర్సీబీలో ప్లేఆఫ్స్​కి వెళ్లే జట్టు ఏది?

Sharath Chitturi HT Telugu
May 12, 2024 10:24 AM IST

IPL 2024 playoffs scenario : ఐపీఎల్​ 2024లో సీఎస్కే, ఆర్సీబీ, డీసీల్లో ఏ జట్టు ప్లేఆఫ్స్​కి వెళుతుంది? ఆయా జట్ల పరిస్థితిని ఇక్కడ చూద్దాము..

సీఎస్కే, డీసీ, ఆర్సీబీలో ప్లేఆఫ్స్​కి వెళ్లే జట్టు ఏది?
సీఎస్కే, డీసీ, ఆర్సీబీలో ప్లేఆఫ్స్​కి వెళ్లే జట్టు ఏది? (PTI)

IPL 2024 playoffs scenario : ఐపీఎల్​ 2024 లీగ్​ స్టేజ్​ చివరి దశకు చేరుకుంటోంది. దాదాపు 60 మ్యాచ్​లు అయిపోయినా.. ప్లేఆఫ్స్​ బెర్త్​ ఖాయం చేసుకుంది ఒక్క కేకేఆర్​ మాత్రమే! అదే సమయంలో.. రెండు జట్లు (ముంబై ఇండియన్స్​, పంజాబ్​ కింగ్స్​) టోర్నీ నుంచి వైదొలిగాయి. ఇక నాలుగో బెర్త్​ కోసం రసవత్తరమైన పోరు కనిపిస్తోంది. ఈ నేపథ్యంలో.. చెన్నై సూపర్​ కింగ్స్​, దిల్లీ క్యాపిటల్స్​, రాయల్​ ఛాలెంజర్స్​ బెంగళూరు ప్లేఆఫ్స్​ అవకాశాలను ఇక్కడ ఎనలైజ్​ చేద్దాము..

ఐపీఎల్​ 2024 ప్లేఆఫ్స్​..

చెన్నై సూపర్​ కింగ్స్​:- మూడు జట్లల్లో కాస్త సౌకర్యవంతమైన స్థితిలో ఉంది సీఎస్కేనే. డీసీ, ఆర్సీబీతో పోల్చుకుంటే.. నెట్​ రన్​ రేట్​ మెరుగ్గా ఉంది. ఆదివారం.. రాజస్థాన్​ రాయల్స్​తో సీఎస్కే తలపడనుంది. మే 18న.. ఆర్సీబీతో చిన్నస్వామి స్టేడియంలో తన చివరి లీగ్​ మ్యాచ్​ ఆడుతుంది.

CSK playoff chances 2024 : ఈ రెండు మ్యాచ్​లు గెలిస్తే.. సీఎస్కేకి గరిష్ఠంగా 16 పాయింట్లు వస్తాయి. ఐపీఎల్​ 2024 ప్లేఆఫ్స్​కి చేరే అవకాశాలు చాలా ఎక్కువగా ఉంటాయి.

రెండు మ్యాచ్​లలో ఒక్కటే గెలిచినా.. ధోనీ టీమ్​ ప్లేఆఫ్స్​కి వెళ్లాచు. కానీ.. డీసీ ఓడిపోవాలని సీఎస్కే ప్రార్థించాలి.

చెన్నై జట్టు రెండు మ్యాచ్​లు ఓడిపోతే మాత్రం.. టోర్నీ నుంచి బయటకు వెళ్లిపోతుంది. 12 పాయింట్సే ఉంటాయి. ఎల్​ఎస్​జీ వర్సెస్​ డీసీలో గెలిచిన జట్టుకు 14 పాయింట్స్​ వస్తాయి.

దిల్లీ క్యాపిటల్స్​:- ఐపీఎల్​ 2024 పాయింట్స్​ టేబుల్​లో డీసీ ప్రస్తుతం 12 పాయింట్లతో 5వ స్థానంలో ఉంది. నెట్​ రన్​ రేట్​ -0.316. ఆర్సీబీ, ఎల్​ఎస్​జీతో రెండు మ్యాచ్​లు ఉన్నాయి. ఆ రెండు గెలిస్తే.. డీసీకి 16 పాయింట్లు వస్తాయి. ఆ రెండు గెలిచినా.. సీఎస్కే ఓడిపోవాలని డీసీ ప్రార్థించాలి. అప్పుడే డైరక్ట్​గా ప్లేఆఫ్స్​కి క్వాలిఫై అవుతుంది.

DC playoff chances 2024 : సీఎస్కేకి 16, డీసీకి 16 పాయింట్లు వస్తే.. నెట్​ రన్​ రేట్​ కీలక పాత్ర పోషిస్తుంది. ప్రస్తుతానికైతే.. ఈ విషయంలో చెన్నై సూపర్​ కింగ్స్​ మెరుగ్గా ఉంది.

డీసీ ఒక మ్యాచ్​ గెలిచి 14 పాయింట్లతో నిలిసతే.. సీఎస్కే రెండు మ్యాచ్​లు ఓడిపోవాలి. ఎల్​ఎస్​జీ ఒకటైనా ఓడిపోవాలి.

చివరిగా.. డీసీ రెండు మ్యాచ్​లలో ఓడిపోతే.. ఇక టోర్నీ నుంచి వైదొలిగినట్టే!

రాయల్​ ఛాలెంజర్స్​ బెంగళూరు:- ఐపీఎల్​ 2024లో ప్లేఆఫ్స్​ ఆశలు చాలా తక్కువగా ఉన్న జట్టు ఆర్సీబీ. మిగిలిన రెండు మ్యాచ్​లలో గెలిస్తే.. 14 పాయింట్లు వస్తాయి. అయినా కూడా ప్లేఆఫ్స్​కి చేరడం కష్టమే. మగిలిన జట్ల ప్రదర్శనపై ఆధారపడాల్సి ఉంటుంది. ఆర్​ఆర్​పై సీఎస్కే ఓడిపోవాలి. ఎల్​ఎస్​జీపై డీసీ ఓడిపోవాలి. ఎంఐ చేతిలో ఎల్​ఎస్​జీ ఓడిపోవాలి. జీటీ.. తన చివరి మ్యాచ్​లలో కనీసం ఒకటి ఓడిపోవాలి.

RCB playoff chances 2024 : ఇలా జరిగితే.. ఆర్సీబీ, ఎల్​ఎస్​జీ 14 పాయింట్లతో నిలుస్తాయి. లక్నోతో పోల్చుకుంటే.. ఆర్సీబీ నెట్​ రన్​ రేట్​ మెరుగ్గా ఉండటం.. కాస్త ఉపశమనాన్ని ఇచ్చే విషయం.

సీఎస్కే రెండు మ్యాచ్​లు గెలిస్తే.. ఎస్​ఆర్​హెచ్​.. తన చివరి మ్యాచ్​లలో ఓడిపోవాలని ఆర్సీబీ ప్రార్థించాలి. కేకేఆర్​ చేతిలో జీటీ ఓడిపోవాలి. ఎల్​ఎస్​జీ అన్ని మ్యాచ్​లలో చేతులెత్తేయాలి.

పైన చెప్పినట్టు జరిగితే.. ఆరు జట్లకు 14 పాయింట్స్​ ఉంటాయి. నెట్​ రన్​రేట్​ మెరుగ్గా ఉన్న రెండు టీమ్స్​ ఐపీఎల్​ 2024 ప్లేఆఫ్స్​కి వెళతాయి. ఆర్సీబీకి అవకాశం ఉంటుంది.

IPL_Entry_Point

సంబంధిత కథనం