Best SUV's to buy under 15 Lakhs : రూ. 15లక్షల బడ్జెట్​లో.. ది బెస్ట్​ ఎస్​యూవీలు ఇవే!

list of best SUV's to buy under 15 Lakhs : దేశంలో గత రెండేళ్లుగా ప్యాసింజర్​ వాహనాల విక్రయాలు జోరుగా సాగుతున్నాయి. ఫలితంగా.. ప్రపంచంలోనే మూడో అతిపెద్ద ఆటోమొబైల్​ మార్కెట్​గా ఇండియా ఎదిగింది. మరీ ముఖ్యంగా.. ఎస్​యూవీ సెగ్మెంట్​కు విపరీతమైన డిమాండ్​ కనిపిస్తోంది. చిన్న కార్ల కన్నా.. ఎస్​యూవీలవైపే ప్రజలు మొగ్గుచూపుతున్నట్టు డేటా చెబుతోంది. అందుకు తగ్గట్టుగానే.. ఆటో సంస్థలు సైతం ఎస్​యూవీలపై ఫోకస్​ పెట్టి, ఎప్పటికప్పుడు కొత్త కొత్త లాంచ్​లతో కస్టమర్లను ఆకట్టుకుంటున్నాయి. మరి మీరు కూడా ఎస్​యూవీ (స్పోర్ట్స్​ యుటిలిటీ వెహికిల్​)ని కొనాలను చూస్తున్నారా? అయితే.. రూ. 15లక్షలలోపు మార్కెట్​లో అందుబాటులో ఉన్న ది బెస్ట్​ ఎస్​యూవీల లిస్ట్​ను ఇక్కడ చూసేయండి..

కియా సెల్టోస్​..

Kia Seltos on road price in Hyderabad : కియా మోటార్స్​ నుంచి బెస్ట్​ సెల్లింగ్​ మోడల్​గా ఉంది సెల్టోస్​. మిడ్​ సైజ్​ ఎస్​యూవీ.. హ్యుందాయ్​ క్రేటాకు గట్టిపోటీనిస్తోంది. దాదాపు అన్ని కొత్త ఫీచర్స్​ ఇందులో వస్తున్నాయి. ఇక కియా సెల్టోస్​ ఫేస్​లిఫ్ట్​ వర్షెన్​ త్వరలోనే ఇండియాలోకి అడుగుపెట్టనుంది. సెల్టోస్​ ప్రారంభ ఎక్స్​యూవీ ధర రూ. 10.69లక్షలు.

స్కోడా కుషాక్​..

Skoda Kushaq price : స్కోడా కుషాక్​కు మంచి డిమాండ్​ కనిపిస్తోంది. ఇందులో 1.0 లీటర్​ పెట్రోల్​, 1.5 లీటర్​ పెట్రోల్​ ఇంజిన్​ వేరియంట్లు ఉన్నాయి. స్కోడా కుషాక్​ ప్రారంభ ఎక్స్​షోరూం ధర రూ. 11.59లక్షలు.

మారుతీ సుజుకీ గ్రాండ్​ విటారా..

Grand Vitara on road price : మారుతీ సుజుకీ నుంచి వచ్చిన తొలి మిడ్​ సైజ్​ ఎస్​యూవీ మోడల్​ ఈ గ్రాండ్​ విటారా. టయోటాతో కలిసి దీనిని అభివృద్ధి చేసింది మారుతీ సుజుకీ. ఫలితంగా స్ట్రాంగ్​ హైబ్రీడ్​ మోడల్​లోని ఇంజిన్​.. టయోటాకు చెందినది. ఇక ఈ మారుతీ సుజుకీ గ్రాండ్​ విటారా ప్రారంభ ఎక్స్​షోరూం ధర రూ. 10.45లక్షలుగా ఉంది. ఇక స్ట్రాంగ్​ హైబ్రీడ్​ వేరియంట్ ఎక్స్​షోరూం​ ధర రూ. 17.99లక్షలు.

మహీంద్రా స్కార్పియో క్లాసిక్​..

Mahindra Scorpio classic price hike : పాత స్కార్పియోను స్కార్పియో క్లాసిక్​గా లాంచ్​ చేసింది మహీంద్రా అండ్​ మహీంద్రా. మెకానికల్​ పరంగా పలు మార్పులు చేసింది. ఈ మోడల్​ ప్రారంభ ఎక్స్​షోరూం ధర రూ. 12.64లక్షలు.

టయోటా అర్బన్​ క్రూజర్​ హైరైడర్​..

Toyota Urban Cruiser Hyryder on road price Hyderabad : మారుతీ సుజుకీతో కలిసి ఈ అర్బన్​ క్రూజర్​ హైరైడర్​ను డెవెలప్​ చేసింది టయోటా. ఇందులో మిడ్​- హైబ్రీడ్​, స్ట్రాండ్​ హైబ్రీడ్​ ఇంజిన్​ ఆప్షన్స్​ ఉన్నాయి. మిడ్​ హైబ్రీడ్​ వేరియంట్​ ప్రారంభ ఎక్స్​షోరూం ధర రూ. 10.48లక్షలు. స్ట్రాంగ్​ హైబ్రీడ్​ వేరియంట్​ ప్రారంభ ఎక్స్​షోరూం ధర రూ. 19.49లక్షలు.

వోక్స్​వాగన్​ టైగన్​..

Volkswagen Taigun price Hyderabad : స్కోడాకు కుషాక్​ ఉంటే.. వోక్స్​వ్యాగన్​కు టైగన్​ ఉంది! వోక్స్​వ్యాగన్​కు బెస్ట్​ సెల్లింగ్​ మోడల్​గా ఈ టైగన్​ కొనసాగుతోంది. దీని ప్రారంభ ఎక్స్​షోరూం ధర రూ. 11.56లక్షలు. ఇందులో రెండు పెట్రోల్​ ఇంజిన్​ ఆప్షన్స్​ ఉన్నాయి.

మహీంద్రా థార్​..

Mahindra Thar price Hyderabad : న్యూ- జెన్​ మహీంద్రా థార్​ 2020లో లాంచ్​ అయ్యింది. ఇక మహీంద్రా థార్​ ఆర్​డబ్ల్యూడీ ఇటీవలే మార్కెట్​లోకి అడుగుపెట్టింది. దీని ప్రారంభ ఎక్స్​షోరూం ధర రూ. 9.99లక్షలుగా ఉంది.

మహీంద్రా స్కార్పియో ఎన్​..

Mahindra Scorpio N on road price in Hyderabad : మహీంద్రా స్కార్పియో ఎన్​కు విపరీతమైన డిమాండ్​ కనిపిస్తోంది. అందుకు తగ్గట్టుగానే వెయిటింగ్​ పీరియడ్​ ఎక్కువగా ఉంది. "బిగ్​ డాడీ ఆఫ్​ ఎస్​యూవీస్​" అని దీనికి మహీంద్రా అండ్​ మహీంద్రా క్యాప్షన్​ కూడా ఇచ్చింది. దీని ప్రారంభ ఎక్స్​షోరూం ధర రూ. 12.74లక్షలు.

హ్యుందాయ్​ క్రేటా..

Hyundai Creta features : హ్యుందాయ్​ క్రేటా ఎస్​యూవీ గురించి ప్రత్యేకంగా చెప్పుకోవాల్సిన అవసరం లేదు. మిడ్​- సైజ్​ ఎస్​యూవీ సెగ్మెంట్​లో ఈ మోడల్​ దూసుకెళుతోంది. దీని ప్రారంభ ఎక్స్​షోరూం ధర రూ. 10.64లక్షలు.

మహీంద్రా ఎక్స్​యూవీ 700..

Mahindra XUV700 waiting period : ఎక్స్​యూవీ500ని ఎక్స్​యూవీ700తో రిప్లేస్​ చేసింది మహీంద్రా అండ్​ మహీంద్రా సంస్థ. ధరను కూడా భారీగా పెంచింది. ఎక్స్​యూవీ700 ప్రారంభ ఎక్స్​షోరూం ధర రూ. 13.45లక్షలుగా ఉంది.

ఎంజీ హెక్టార్​..

MG Hector on road price in Hyderabad : ఇండియా మార్కెట్​లో మారిసన్​ గ్యారేజ్​ (ఎంజీ)కు బెస్ట్​ సెల్లింగ్​ మోడల్​గా ఉంది ఈ హెక్టార్​. దీని ప్రారంభ ఎక్స్​షోరూం ధర రూ. 14.73లక్షలు.