Telugu News  /  Business  /  Toyota Innova Hycross Vs Mahindra Xuv700, Check Detailed Comparison Here To Pick The Best Car
ఇన్నోవా హైక్రాస్​ వర్సెస్​ ఎక్స్​యూవీ700.. ది బెస్ట్​ ఏదంటే!
ఇన్నోవా హైక్రాస్​ వర్సెస్​ ఎక్స్​యూవీ700.. ది బెస్ట్​ ఏదంటే! (HT AUTO)

Innova HyCross vs XUV700 : ఇన్నోవా హైక్రాస్​ వర్సెస్​ ఎక్స్​యూవీ700.. ది బెస్ట్​ ఏదంటే!

29 November 2022, 7:22 ISTChitturi Eswara Karthikeya Sharath
29 November 2022, 7:22 IST

Toyota Innova HyCross vs Mahindra XUV700 : టయోటా ఇన్నోవా హైక్రాస్​.. మహీంద్రా ఎక్స్​యూవీ700కి పోటీనిస్తోంది. ఈ రెండింటి గురించి డీటైల్​గా తెలుసుకుందాము.

Toyota Innova HyCross vs Mahindra XUV700 : ఇండియాలో త్రీ సీటర్​ రో కార్లు చాలానే ఉన్నాయి. ఇక ఇప్పుడు ఈ జాబితాలోకి టయోటా ఇన్నోవా హైక్రాస్​ కూడా వచ్చి చేరింది. వాస్తవానికి ఇదొక ఎంపీవి కారే అయినా.. దీని డిజైన్​ చూస్తుంటే ఎస్​యూవీల కనిపిస్తుంది. పైగా.. ఇది స్ట్రాంగ్​ హైబ్రీడ్​ వేరియంట్​లోనూ వస్తోంది. ఫలితంగా.. మార్కెట్​లో ప్రస్తుతం ఉన్న మహీంద్రా ఎక్స్​యూవీ700కి ఈ టయోటా ఇన్నోవా హైక్రాస్​ గట్టి పోటీనిస్తుందని అంచనాలు ఉన్నాయి. ఈ నేపథ్యంలో.. ఈ రెండు కార్ల ఫీచర్స్​తో పాటు మరిన్ని వివరాలను పోల్చి చూద్దాము..

ట్రెండింగ్ వార్తలు

టయోటా ఇన్నోవా హైక్రాస్​ వర్సెస్​ మహీంద్రా ఎస్​యూవీ700- స్పెసిఫికేషన్స్​..

Toyota Innova HyCross specifications : సైజు విషయానికొస్తే.. ఎక్స్​యూవీ700 కన్నా ఇన్నోవా హైక్రాస్​ పెద్దగా ఉంటుంది. ఎక్స్​యూవీ700 కన్నా ఇన్నోవా హైక్రాస్​ 95ఎంఎం పొడవు ఎక్కువగా ఉంటుంది. కానీ వెడల్పు విషయంలో 44ఎంఎం తక్కువగా ఉంటుంది. ఇక ఎత్తు విషయంలో.. ఎక్స్​యూవీ700 కన్నా ఇన్నోవా హైక్రాస్​ కాస్త పెద్దగా కనిపిస్తుంది. మహీంద్రా ఎక్స్​యూవీ700 బూట్​ స్పేస్​ కన్నా ఇన్నోవా హైక్రాస్​ బూట్​ స్పేసే చాలా ఎక్కువ!

టయోటా ఇన్నోవా హైక్రాస్​ వర్సెస్​ మహీంద్రా ఎస్​యూవీ700- ఫీచర్స్​..

Toyota Innova HyCross features : ఫీచర్స్​ విషయంలో టయోటా ఇన్నోవా హైక్రాస్​.. 'తగ్గేదే లే!' అని అంటోంది. లేటెస్ట్​ టెక్నాలజీతో కూడిన వెహికిల్​ను కస్టమర్లకు అందిస్తోంది టయోటా. త్రీ రో ఎంపీవీలో తొలిసారిగా పానారోమిక్​ సన్​రూఫ్​, 10 ఇంచ్​ ఫ్లోటింగ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​ను ఇస్తోంది. హైక్రాస్​ సెకెండ్​ రో ఇంకా అద్భుతంగా ఉంటుంది! త్రీ రో ఎంపీవి సెగ్మెంట్​లోనే తొలిసారి గా అట్టామాన్​ రిక్లైనింగ్​ సీట్లు ఇస్తోంది. పవర్డ్​ టెయిల్​గేట్స్​ కూడా ఉంటాయి.

ఇన్నోవా హైక్రాస్​, ఎక్స్​యూవీ700 రెండింట్లోనూ ఏడీఏఎస్​ సేఫ్టీ ఫీచర్స్​ ఉన్నాయి. యాపిల్​ కార్​ప్లే, యాండ్రాయిడ్​ కార్​ ప్లే వంటివి రెండింట్లోనూ ఉంటాయి.

టయోటా ఇన్నోవా హైక్రాస్​ వర్సెస్​ మహీంద్రా ఎస్​యూవీ700- ఇంజిన్​​..

Mahindra XUV700 : ఈ రెండూ కూడా.. 2లీటర్​ పెట్రోల్​ ఇంజిన్స్​తో వస్తున్నాయి. అయితే.. ఎస్​యూవీ700లో టర్బో యూనిట్​ ఉంటుంది. టయోటాలో పెట్రోల్​తో పాటు పెట్రోల్​ హైబ్రీడ్​ ఇంజిన్​ ఉంటుంది.

2లీటర్​ పెట్రోల్​ ఇన్నోవా హైక్రాస్ ఇంజిన్​.. 174పీఎస్​ పవర్​, 205ఎన్​ఎం టార్క్​ను జనరేట్​ చేయగలదు. 2.0 లీటర్​ పెట్రోల్​ హైబ్రీడ్​ యూనిట్​.. 186పీఎస్​ పవర్​, 206ఎన్​ఎం టార్క్​ను జనరేట్​ చేయగలదు. రెండు ఇంజిన్లు.. సీవీటీ లేదా ఈసీవీటీ ట్రాన్స్​మీషన్​ యూనిట్లకు జోడించి ఉంటాయి.

ఇక మహీంద్రా ఎక్స్​యూవీ700లోని 2.0 లీటర్​ టర్బో పెట్రోల్​ యూనిట్​.. 200పీఎస్​ పవర్​, 380ఎన్​ఎం టార్క్​ను జనరేట్​ చేస్తుంది. 6స్పీడ్​ మేన్యువల్​, ఆటోమేటిక్​ గేర్​బాక్స్​ ఇందులో ఉంటాయి.

మైలేజ్​..

టయోటా ఇన్నోవా హైక్రాస్​ పెట్రోల్​ వేరియంట్​కు సంబంధించి మైలేజ్​ వివరాలు ఇంకా తెలియరాలేదు. హైబ్రీడ్​ వేరియంట్​ మాత్రం.. 21కేఎంపీహెచ్​ మైలేజ్​ ఇస్తుందని సంస్థ చెబుతోంది. ఇక ఎక్స్​యూవీ700 పెట్రోల్​ వేరియంట్లు 15-16కేఎంపీహెచ్​ మైలేజ్​ని ఇస్తాయి.

ధర..

Mahindra XUV700 price : టయోటా ఇన్నావో హైక్రాస్​ ధరకు సంబంధించిన వివరాలు ఇంకా బయటకు రాలేదు. మహీంద్రా ఎక్స్​యూవీ700 రూ. 13.45లక్షల(ఎక్స్​షోరూం) నుంచి ప్రారంభమవుతుంది.