Toyota Innova HyCross launch : ఇండియాలోకి ఇన్నోవా హైక్రాస్​-​ బుకింగ్స్​ షురూ

Toyota Innova HyCross launch in India : ఆటోమొబైల్​ ప్రియులు ఎంతగానో ఎదురుచూస్తున్న టయోటా ఇన్నోవా హైక్రాస్​ వచ్చేసింది! ఇన్నోవా హైక్రాస్​ను శుక్రవారం ఇండియాలో ఆవిష్కరించింది టయోటా సంస్థ. దీనితో పాటు.. బుకింగ్స్​ని కూడా మొదలుపెట్టింది. 2023 జనవరి మధ్య వారంలో నుంచి డెలివరీలు మొదలుపెడతామని స్పష్టం చేసింది.

జెనిక్స్​తో పాటే హైక్రాస్​..

ఈ టయోటా ఇన్నోవా హైక్రాస్​.. ఇన్నోవా జెనిక్స్​ పేరుతో ఈ వారంలో ఇండోనేషియా మార్కెట్​లో లాంచ్​ అయ్యింది. ఇక కొత్త ఇన్నోవా హైక్రాస్​.. ఎస్​యూవీ డిజైన్​కు దగ్గరగా ఉంటుంది. బంపర్​ వెడల్పుగా కనిపిస్తుంది. ఈ ఎంపీవీ పొడవు 4,755ఎంఎం. వెడల్పు 1,850ఎంఎం, ఎత్తు 1,795ఎంఎం. వీల్​బేస్​ 2,850ఎంఎం, గ్రౌండ్​ క్లియరెన్స్​ 185ఎంఎంగా ఉంది. టయోటా ఇన్నోవా హైక్రాస్​.. మోనోకోక్యూ ఛాసిస్​పై తయారు చేశారు. ఫలితంగా సాధారణం కన్నా.. వాహనం బరువు 200కేజీల వరకు దిగొచ్చింది. హ్యాండ్లింగ్​ మెరుగుపడటంతో పాటు.. బాడీ రోల్​ అనేది తగ్గుతుంది.

టయోటా ఇన్నోవా క్రిస్టా.. ఇన్నోవా హైక్రాస్​ మధ్య ఉన్న వ్యత్యాసాలను తెలుసుకునేందుకు ఇక్కడ క్లిక్​ చేయండి.

Toyota Innova HyCross bookings India : ఇక క్యాబిన్​ చాలా స్టైలిష్​గా ఉంది. టచ్​స్క్రీన్​ ఇన్ఫోటైన్​మెంట్​ సిస్టెమ్​ విత్​ యాపిల్​ కార్​ప్లే, ఆండ్రాయిడ్​ ఆటో సెటప్​ ఈ ఇన్నోవా హైక్రాస్​లో ఉంది. రిక్లైనింగ్​ రేర్​ సీట్స్​, డ్యూయెల్​ టోన్​ ఇంటీరియర్​, రెండో సీటులో కప్​ హోల్డర్లు, ట్రేలు ఉన్నాయి. వెంటిలేటెడ్​ సీట్​, పవర్డ్​ టెయిల్​గేట్​, మూడ్​ లైటింగ్​, ఆప్షనల్​ 6 సీటర్​వేరియంట్​ విత్​ క్యాప్టెన్​ సీట్స్​, పానారోమిక్​ సన్​రూఫ్​, రూఫ్​ మోంటెడ్​ ఏసీ వెంట్స్​ వంటి ఫీచర్స్​ ఇందులో ఉన్నాయి. ఏడీఏఎస్​ సేఫ్టీ ఫీచర్స్​తో పాటు 6 ఎయిర్​బ్యాగ్​లతో ఈ వాహనం అందుబాటులోకి వస్తోంది. ఒక టయోటా కారుకు.. డ్రైవర్​ అసిస్టెన్స్​ సిస్టెమ్​ ఉండటం ఇదే తొలిసారి.

కాగా.. ఇన్నోవా హైక్రాస్​లో డీజిల్​ వేరియంట్​ లేదు. రెండు పెట్రోల్​, మూడు హైబ్రీడ్​ వేరియంట్లలో దీనిని టయోటా రూపొందిస్తోంది. 2.0లీటర్​ పెట్రోల్​, 2.0 సీటల్​ పెట్రోల్​ హైబ్రీడ్​ మోటార్​లు ప్రధానంగా కనిపిస్తున్నాయి. ఇక ఫ్యూయెల్​ ఏఫీషియన్సీ విషయాకి వస్తే.. లీటరుకు 21.1కేఎంపీఎల్​ మైలేజీ వస్తుందని తెలుస్తోంది. అంటే.. ఫుల్​ ట్యాంక్​ కొట్టిస్తే.. 1,097కి.మీల వరకు ప్రయాణించవచ్చు.

Toyota Innova HyCross price in Inia : ఇండియాలో.. ఇన్నోవా హైక్రాస్ ధర​కు సంబంధించిన వివరాలను టయోటా సంస్థ అధికారికంగా ప్రకటించాల్సి ఉంది. మరికొన్ని రోజుల్లో దీనిపై స్పష్టత వచ్చే అవకాశం ఉంది.