Toyota Innova Hycross vs Innova Crysta : టయోటా ఇన్నోవా హైక్రాస్.. క్రిస్టాకు మించి..!
Toyota Innova Hycross vs Innova Crysta : ఇండియాలో ఇన్నోవా హైక్రాస్ త్వరలో లాంచ్ కానుంది. ఈ నేపథ్యంలో ఇన్నోవా క్రిస్టా- హైక్రాస్ మధ్య ఉన్న వ్యత్యాసాలను తెలుసుకుందాము.
Toyota Innova Hycross vs Innova Crysta : ఇన్నోవా జెనిక్స్ను ఇండోనేషియా మార్కెట్లో లాంచ్ చేసింది దిగ్గజ ఆటో సంస్థ టయోటా. ఇది.. ఇన్నోవా హైక్రాస్ పేరుతో ఈ నెల 25న ఇండియాలో లాంచ్ అవ్వనుంది. వాస్తవానికి ఇన్నోవాకు ఇండియా మార్కెట్లో మంచి క్రేజ్ ఉంది. అందుకే.. ఇన్నోవా హైక్రాస్ మీద భారతీయులకు భారీగా అంచనాలు ఉన్నాయి. ఈ నేపథ్యంలో.. త్వరలో లాంచ్ కానున్న ఇన్నోవా హైక్రాస్కు.. ఇప్పటికే మార్కెట్లో ఉన్న ఇన్నోవా క్రిస్టాకు మధ్య వ్యత్యాసాన్ని ఓసారి చూద్దాం.
ఎక్స్టీరియర్..
ఇన్నోవా క్రిస్టాతో పోల్చుకుంటే.. ఇన్నోవా హైక్రాస్ డిజైన్ చాలా భీన్నంగా ఉంది. రెండింట్లోనూ ఫ్రంట్ గ్రిల్స్ ఉన్నాయి. కానీ హైక్రాస్లో ఫ్రంట్ గ్రిల్.. హనీకోంబ్ ఆకారంలో ఉండగా.. క్రిస్టాలో అది మల్టిపుల్ హారిజాంటల్ స్లాట్స్గా ఉంది. హైక్రాస్ హెడ్ల్యాంప్లు.. క్రిస్టాతో పోల్చుకుంటే చాలా స్లిమ్గా కనిపిస్తాయి.
Toyota Innova Hycross launch date : ఇన్నోవా హైక్రాస్ ఫ్రంట్ బంపర్కి హారిజాంటల్ ఎల్ఈడీ లైట్స్ అమర్చారు. ఫ్రంట్ బంపర్ కిందే.. థిన్ ఎయిర్ ఇంటేక్ని ఏర్పాటు చేశారు. క్రిస్టాలో ఇది డిఫరెంట్గా ఉంటుంది.
రేర్లో.. హ్రైక్రాస్కు వ్రాప్ అరౌండ్ టెయిల్ ల్యాంప్స్ ఉంటాయి. ఇండికేటర్, రివర్స్ ల్యాంప్స్, టెయిల్ ల్యాంప్స్లు క్రోమ్ స్ట్రిమ్కి అటాచ్ చేసి ఉంటాయి. క్రిస్టాలో టెయిల్ ల్యాంప్స్ కోసం ఇన్వర్టెడ్ ఎల్-షేప్ డిజైన్ ఉంది. కింది భాగంలో ఇండికేటర్లు అమర్చి ఉంటాయి.
డైమెన్షన్స్..
ఇన్నోవా క్రిస్టాతో పోల్చుకుంటే ఇన్నోవా హైక్రాస్ డైమెన్షన్స్ కాస్త ఎక్కుగా ఉన్నాయి.
| డైమెన్షన్స్ | ఇన్నోవా హైక్రాస్ (ఎంఎం) | ఇన్నోవా క్రిస్టా (ఎంఎం) |
| పొడవు | 4,755 | 4,735 |
| వెడల్పు | 1,850 | 1,830 |
| ఎత్తు | 1,795 | 1,795 |
| వీల్బేస్ | 2,850 | 2,750 |
ఇంటీరియర్..
ఇన్నోవా క్రిస్టాతో పోల్చుకుంటే.. ఇన్నోవా హైక్రాస్ ఇంటీరియర్ డిజైన్ చాలా కొత్తగా ఉంది. ముఖ్యంగా డాష్బోర్డు పైన మీద ఫ్రీ స్టాండింగ్ టచ్స్క్రీన్ అదనంగా ఉండటం విశేషం. వాటి కిందే సెంట్రల్ ఎసీ వెంట్లు ఉన్నాయి. క్రిస్టాకి.. డాష్బోర్డు సెంటర్లో టచ్స్క్రీన్ ఉంటుంది. అక్కడే సెంట్రల్ ఎసీ వెంట్లు ఉంటాయి.
Toyota Innova Hycross price : ఇన్నోవా క్రిస్టాకు ఏసీ సెటప్లో నాబ్స్, డయల్స్ ఉండగా.. ఇన్నోవా హైక్రాస్కు బటన్స్ మాత్రమే ఇచ్చింది టయోటా. హైక్రాస్లో.. డాష్బోర్డుకు అటాచుడ్గా గేర్ బాక్స్ ఉంటుంది. ఇన్నోవాకు గేర్ రాడ్.. ఫ్లోర్ మీద ఉంటుంది. హైక్రాస్లో యాంగ్యులర్తో పాటు డిజిటల్ ఇన్స్ట్రుమెంట్ క్లస్టర్ ఉన్నాయి. క్రిస్టాలో కేవలం యాంగ్యులర్ ఇన్స్ట్రుమెంట్ క్లస్టర్ ఉంటుంది.
టయోటా ఇన్నోవా హైక్రాస్ ఇంటీరియర్లోని రంగులు.. అర్బన్ క్రూజర్ హైరైడర్తో(బ్లాక్, బ్రౌన్) పోలి ఉంటాయి. క్రిస్టాకు ఇంటీరియర్లో బ్లాక్ కలర్ ఉంటుంది. ఇక స్టీరింగ్ విషయానికొస్తే.. రెండు వాహనాల్లో చాలా భిన్నంగా ఉన్నాయి.
ఇంజిన్ వివరాలు..
Toyota Innova Hycross features : ఇన్నోవా క్రిస్టా.. 2.7లీటర్ పెట్రోల్ ఇంజిన్ అందుబాటులో ఉంది. 2.4లీటర్ టర్బోఛార్జ్డ్ డీజిల్ ఇంజిన్ బుకింగ్స్ను నిలిపివేసింది. ఇక హైక్రాస్లో.. 2.0లీటర్ పెట్రోల్, 2.0 లీటర్ స్ట్రాంగ్ హైబ్రీడ్ పెట్రోల్ ఇంజిన్ ఆప్షన్స్ ఉన్నాయి. హైబ్రీడ్ ఇంజిన్ 20-23కేఎంపీఎల్ మైలేజ్ ఇస్తుందని తెలుస్తోంది. స్ట్రాంగ్ హైబ్రీడ్ వేరియంట్లో.. ఈవీ ఓన్లీ మోడ్ ఉండొచ్చు.
