Kia Seltos facelift launch : కియా సెల్టోస్​ ఫేస్​లిఫ్ట్​ వర్షెన్​.. వచ్చేస్తోంది!

Kia Seltos facelift launch in India : ఇండియా ఆటో మార్కెట్​లో కియా మోటార్స్​ దూసుకెళుతోంది. దేశంలో వేగంగా అమ్ముడుపోతున్న కార్లలో కియా మోడల్స్​ ఎక్కువగా ఉంటున్నాయి. అందుకు తగ్గట్టుగానే, కస్టమర్లను ఆకర్షించేందుకు కొత్త మోడల్స్​ను లాంచ్​ చేస్తూనే ఉంది కియా మోటార్స్​. ఇక కియాలో బెస్ట్​ సెల్లింగ్​ మోడల్​గా గుర్తింపు తెచ్చుకున్న సెల్టోస్​ ఎస్​యూవీకి ఫేస్​లిఫ్ట్​ వర్షెన్​.. ఇప్పటికే అనేకమార్లు వార్తల్లో నిలిచింది. ఇండియాలో ఎప్పుడు లాంచ్​ అవుతుందని చాలా మంది ఎదురుచూస్తున్నారు. కాగా.. ఈ కియా సెల్టోస్​ ఫెస్​లిఫ్ట్​ వర్షెన్​.. ఇంకొన్ని నెలల్లో లాంచ్​ అవుతుందని తెలుస్తోంది.

ఇంకొన్ని నెలల్లో లాంచ్​..!

2022 జూన్​లో అంతర్జాతీయంగా కియా సెల్టోస్​ ఫెస్​లిఫ్ట్​ వర్షెన్​ను ఆవిష్కరించింది ఈ సౌత్​ కొరియా కంపెనీ. అప్పటి నుంచి.. ఈ వెహికిల్​ ఇండియాలో ఎప్పుడు ఎంట్రీ ఇస్తుందా? అన్న ఆసక్తి పెరిగింది. అందుకు తగ్గట్టుగానే టీజ్​ చేస్తూ వచ్చింది కియా. అయితే.. 2023 మధ్యలో ఈ వెహికిల్​ ఇండియాలో లాంచ్​ అవుతుందని అంచనాలు ఉన్నాయి. సెల్టోస్​ ఫేస్​లిఫ్​ వర్షెన్​కు సంబంధించిన టెస్టింగ్​.. హైదరాబాద్​లో ఇప్పటికే ముగిసింది.

కియా సెల్టోస్​ ఫెస్​లిఫ్ట్​ వర్షెన్​- ఇంజిన్​..

Kia Seltos facelift 2023 : కియా సెల్టోస్​ ఫేస్​లిఫ్ట్​లో 1.5 లీటర్​ టర్బో పెట్రోల్​ ఇంజిన్ ఉంటుంది.​ ఇది 160హెచ్​పీ పవర్​ను, 253ఎన్​ఎం టార్క్​ను జనరేట్​ చేస్తుంది. ప్రస్తుతం మార్కెట్​లో ఉన్న 1.4 లీటర్​ టర్బో పెట్రోల్​ ఇంజిన్​ని ఇది రిప్లేస్​ చేస్తుంది. ప్రస్తుతం ఉన్న ఇంజిన్​లో 7 స్పీడ్​ డీసీటీ, 6 స్పీడ్​ మేన్యువల్​ గేర్​బాక్స్​లు ఉంటాయి. ఇక కొత్త వర్షెన్​లో ఎలాంటి ట్రాన్స్​మిషన్​ ఉంటుందనేది చూడాలి.

ప్రస్తుతం ఉన్న కియా సెల్టోస్​లో రెండు ఇంజిన్​ ఆప్షన్స్​ ఉన్నాయి. మొదటిది 1.5 లీటర్​ పెట్రోల్​ ఇంజిన్​. ఇది 115హెచ్​పీ పవర్​ను, 144ఎన్​ఎం టార్క్​ను జనరేట్​ చేస్తుంది. ఇక రెండోది 1.5లీటర్​ టర్బో డీజిల్​ ఇంజిన్​. ఇది 115హెచ్​పీ పవర్​ను, 250ఎన్​ఎం టార్క్​ను జనరేట్​ చేస్తుంది. ఈ రెండు ఇంజిన్​లలోనూ 6 స్పీడ్​ మేన్యువల్​, 6 స్పీడ్​ ఐఎంటీ గేర్​బాక్స్​ ఉన్నాయి. వీటిల్లో సీవీటీ గేర్​బాక్స్​, 6 స్పీడ్​ ఆటోమెటిక్​ ట్రాన్స్​మిషన్​ ఆప్షన్స్​ కూడా ఉన్నాయి.

కియా సెల్టోస్​ ఫెస్​లిఫ్ట్​ వర్షెన్​- డిజైన్​..

కియా సెల్టోస్​ ఫెస్​లిఫ్ట్​ వర్షెన్​లో గ్రిల్​, ఫ్రెంట్​ హెడ్​ల్యాంప్స్​ను రిడిజైన్​ చేశారు. ఎల్​ఈడీ డేటైమ్​ రన్నింగ్​ లైట్స్​ గ్రిల్స్​కు ఎక్స్​టెండ్​ అయ్యాయి. అలాయ్​ వీల్స్​ డిజైన్​ కూడా మారింది. వీటికి మంచి కొత్త సెల్టోస్​లో పెద్దగా మార్పులు కనిపించలేదు.

Kia India car sales : దమ్మురేపిన కియా.. కార్​ సేల్స్​లో​ 48శాతం వృద్ధి! పూర్తి వివరాల కోసం ఇక్కడ క్లిక్​ చేయండి.

ఇక కొత్త సెల్టోస్​లో టెయిల్​-ల్యాంప్స్​ ఎల్​ఈడీ లైట్​ బార్​కు కనెక్ట్​ అయ్యి ఉన్నాయి. ఇందులోనే కియా బ్యాడ్జ్​ కూడా వస్తోంది.

కియా సెల్టోస్​ ఫెస్​లిఫ్ట్​ వర్షెన్​- ఫీచర్స్​..

Kia Seltos facelift launch date : కొత్త కియా సెల్టోస్​లో నేవిగేషన్​ ఆధారిత స్మార్ట్​ క్రూజ్​ కంట్రోల్​, హైవే డ్రైవింగ్​ అసిస్టెన్స్​, సరౌండ్​ వ్యూ మానిటర్​, ఆటోమెటిక్​ హై బీమ్స్​, రిమోట్​ స్మార్ట్​ పార్కింగ్​ అసిస్ట్​ వంటి ఫీచర్స్​ వస్తున్నట్టు తెలుస్తోంది. ఇక సేఫ్టీ ఫీచర్స్​లో భాగంగా 6 ఎయిర్​బ్యాగ్స్​, హిల్​ అసిస్ట్​ కంట్రోల్​, వెహికిల్​ స్టెబులిటీ మేనేజ్​మెంట్​, పార్కింగ్​ సెన్సార్స్​, కెమెరా, టైర్​ ప్రెజర్​ మానిటరింగ్​ సిస్టెమ్​ వంటివి వస్తున్నట్టు సమాచారం. వీటితో పాటు.. కియా సెల్టోస్​ ఫెస్​లిఫ్ట్​ వర్షెన్​లో పానారోమిక్​ సన్​రూఫ్​ కూడా ఉండనుంది.

ఇక ఇంటీరియర్​లో డాష్​బోర్డ్​కు స్వల్పంగా మార్పులు జరిగాయి. అయితే.. కొత్తగా 10.25 ఇంచ్​ డిజిటల్​ ఇన్​స్ట్రుమెంట్​ క్లస్టర్​ వచ్చింది. 10.25 ఇంచ్​ టచ్​స్క్రీన్​కు ఇది యటాచ్​ చేసి ఉంటుంది.

Kia Seltos facelift launch date India : లాంచ్​ అనంతరం ఈ కియా సెల్టోస్​ ఫెస్​లిఫ్ట్​ వర్షెన్​.. టయోటా అర్బన్​ క్రూజర్​ హైరైడర్​, మారుతీ సుజుకీ గ్రాండ్​ విటారా, హ్యుందాయ్​ క్రేటా, స్కోడా కుషాక్​, వోక్స్​వ్యాగన్​ టైగన్​, ఎంజీ మోటార్​కు గట్టిపోటీనిస్తుందని అంచనాలు ఉన్నాయి.