Unstoppable season 2 : అన్‌స్టాప‌బుల్ సీజ‌న్ 2.. బాలయ్య షోలో చంద్రబాబు, లోకేశ్

బాలకృష్ణ హోస్ట్ గా అన్​స్టాపబుల్(Unstoppable) షో ఎంత సక్సెస్ సాధించిందో తెలిసిందే. ఎప్పుడూ చూడని బాలయ్యను అభిమానులు చూశారు. కొత్తగా బాలకృష్ణ కనిపించారు. అన్ స్టాపబుల్ షోకు మంచి రెస్పాన్స్ రావడంతో కొనసాగింపుగా మరో సీజన్ ప్రారంభిస్తున్నారు. అన్​స్టాపబుల్ సీజన్-2(Unstoppable Season 2) ప్రేక్షకులను అలరించేందుకు రెడీ అవుతుంది. అయితే ఈ షోకు చంద్రబాబు వచ్చారు. షుటింగ్ జరిగినట్టుగా తెలుస్తోంది.

ఈ షోతో బాలకృష్ణ(Balakrishna)లోని మరో కోణం కూడా బయటకు వచ్చిందని చాలామంది అంటుంటారు. అన్​స్టాపబుల్ మెుదటి ఎపిసోడ్‌కు మోహన్ బాబు గెస్ట్‌గా వచ్చారు. చివరి ఎపిసోడ్‌కు మహేష్ బాబు గెస్ట్‌, మెుదటి సీజన్లో బాలకృష్ణ చేసిన అల్లరి అంతా ఇంతా కాదు. బాలయ్య ఇలా ఉంటారా అని అందరూ అనుకున్నారు. సీజన్ మొత్తం సందడిగా సాగింది. జనాల్లోకి వెళ్లింది. ఇప్పుడు సీజన్-2 గురించి ఫ్యాన్స్ ఎదురుచూస్తున్నారు. సీజన్-2లో ఎవరెవరూ గెస్ట్‌లుగా వస్తారనే చర్చ కూడా నడుస్తోంది.

రెండో సీజన్‌ తొలి ఎపిసోడ్‌కు గెస్ట్‌గా టీడీపీ(TDP) అధినేత చంద్రబాబు నాయుడు వచ్చారు. దీనికి సంబంధించిన షూట్ కూడా పూర్తి అయినట్టుగా తెలుస్తోంది. బాలయ్య చంద్రబాబు మధ్య మాటలు ఎలా ఉంటాయనేది ఇప్పుడు ఆసక్తిగా మారింది. ఈ ఎపిసోడ్ మధ్యలో లోకేష్ కూడా ఎంట్రీ ఇస్తారని సమాచారం. అల్లుడితో మామ ఎలా మాట్లాడతారనే విషయంపై ఆసక్తి నెలకొంది.

అన్​స్టాపబుల్ సెట్ వద్ద బాలకృష్ణ(Balakrishna)తో చంద్రబాబు కలిసి ఉన్న ఫొటోలు ఇప్పుడు వైరల్ గా మారాయి. అన్​స్టాపబుల్ సెట్‌లో బాలకృష్ణతో కలిసి చంద్రబాబు అభిమానులకు అభివాదం చేస్తున్న వీడియో తెగ షేర్ చేస్తున్నారు. ఇందులో అభిమానులు సీఎం సీఎం అంటూ నినాదాలు చేయడం వినిపిస్తోంది. ఈ వీడియోలను టీడీపీ అభిమానులు, బాలయ్య ఫ్యాన్స్ తెగ షేర్ చేస్తున్నారు.