తెలుగు న్యూస్  /  రాశి ఫలాలు  /  అక్టోబర్ 6, నేటి రాశి ఫలాలు- ఈరోజు వీరికి జీవిత భాగస్వామి నుంచి అస్తి లాభం

అక్టోబర్ 6, నేటి రాశి ఫలాలు- ఈరోజు వీరికి జీవిత భాగస్వామి నుంచి అస్తి లాభం

HT Telugu Desk HT Telugu

06 October 2024, 0:01 IST

google News
  • Today rasi phalalu: నేటి రాశి ఫలాలు (దిన ఫలాలు) తేదీ 06.10.2024 ఆదివారం కోసం పంచాంగకర్త బ్రహ్మశ్రీ చిలకమర్తి ప్రభాకర చక్రవర్తి శర్మ అందించారు. మేషరాశి నుంచి మీన రాశి వరకు 12 రాశుల దిన ఫలాలు ఇక్కడ తెలుసుకోండి.

అక్టోబర్ 6  నేటి రాశి ఫలాలు
అక్టోబర్ 6 నేటి రాశి ఫలాలు

అక్టోబర్ 6 నేటి రాశి ఫలాలు

నేటి రాశి ఫలాలు (దిన ఫలాలు) 06.10.2024

వారం: ఆదివారం, తిథి : తదియ ,

నక్షత్రం: విశాఖ, మాసం : ఆశ్వయుజం ,

సంవత్సరం: శ్రీ క్రోధి నామ, ఆయనం: ద‌క్షిణాయ‌నం

మేషం

సమస్యలు కొన్ని పరిష్కారమవుతాయి. భూవివాదాలు తీరతాయి. ఆదాయం సంతృప్తినిస్తుంది. ఇంటాబయటా ఒత్తిడులు ఎదురైనా ఆత్మవిశ్వాసంతో అధిగమిస్తారు. వ్యాపారాలు విస్తరిస్తారు. ఉద్యోగస్తులకు ఆశించిన హోదాలు దక్కుతాయి. పారిశ్రామికవర్గాలకు ఉత్సాహవంతంగా ఉంటుంది. ఖర్చులు ఎక్కువ‌గా ఉంటాయి. గులాబీ, ఆకుపచ్చ రంగులు శుభ ఫ‌లితాలు అందిస్తాయి. విష్ణుసహస్రనామ పారాయణ చేయండి.

వృషభం

ఆర్థిక పరిస్థితి మెరుగ్గా ఉంటుంది. సన్నిహితులతో ఉత్సాహంగా గడుపుతారు. విద్యార్థులకు నూతనోత్సాహం ఉంటుంది. ఒక ముఖ్య సమాచారం అందుకుంటారు. భూములు, వాహనాల కొనుగోలు చేస్తారు. ఆలయాలు సందర్శిస్తారు. ఉద్యోగావకాశాలు దక్కుతాయి. వ్యాపారాలలో ఆశించిన లాభాలు పొందుతారు. ఉద్యోగులకు పదోన్నతులు దక్కుతాయి. కళాకారులకు అప్రయత్న కార్యసిద్ధి. వ్యయ ప్రయాసలు త‌ప్ప‌క‌పోవ‌చ్చు. గులాబీ, లేత పసుపు రంగులు కలిసి వ‌స్తాయి. కనకధారా స్తోత్రం పఠించండి.

మిథునం

ఆర్థిక ఇబ్బందులు తప్పకపోవచ్చు. ఇంటాబయటా ఒత్తిడులు ఎదురవుతాయి. అనుకున్న పనులు మందకొడిగా సాగుతాయి. విద్యార్థులు, నిరుద్యోగులకు కొంత నిరాశాజనకంగా ఉంటుంది. చిరకాల మిత్రుల నుంచి ఆహ్వానాలు అందుతాయి. వ్యాపారాలు స్వల్పంగా లాభిస్తాయి. ఉద్యోగులకు అదనపు బాధ్యతలు చేప‌ట్టాల్సి రావ‌చ్చు. కళాకారులకు అవకాశాలు నిరాశ కలిగిస్తాయి. శుభవార్తలు వినే అవ‌కాశం ఉంది. ధనలాభం ఉంది. నీలం, లేత ఆకుపచ్చ రంగులు ధ‌రించండి. విష్ణుధ్యానం చేయండి.

కర్కాటకం

నేటి రాశి ఫలాల ప్రకారం కర్కాటక రాశి వాళ్ళు ఈరోజు వీరికి పట్టిందల్లా బంగారమే అన్నట్టుంటుంది. ముఖ్యమైన కార్యక్రమాలు సాఫీగా పూర్తి చేస్తారు. రాబడి పెరుగుతుంది. ఆస్తి వివాదాలు పరిష్కారమవుతాయి. వివాహ, ఉద్యోగయత్నాలు అనుకూలిస్తాయి. సంఘంలో విశేష గౌరవం అందుకుంటారు. వ్యాపారాలు పుంజుకుంటాయి. ఉద్యోగులకు మంచి గుర్తింపు. కళాకారులకు అవార్డులు అందుతాయి. ధనవ్యయం ఉండొచ్చు. నలుపు, ఆకుపచ్చ రంగులు, రాఘవేంద్ర స్వామి స్తోత్రాలు పఠించండి.

సింహం

ఉత్సాహంగా కార్యక్రమాలు పూర్తి చేస్తారు. విద్యార్థులకు శుభవార్తలు అందుతాయి. ప్రత్యర్థులు మిత్రులుగా మారతారు. కొత్త కాంట్రాక్టులు దక్కుతాయి. సేవాకార్యక్రమాలలో పాల్గొంటారు. జీవిత భాగస్వామి ద్వారా ఆస్తిలాభం. తీర్థయాత్రలు చేస్తారు. వ్యాపారాలలో కొత్త పెట్టుబడులు సమకూరతాయి. ఉద్యోగులకు పదోన్నతులు. పారిశ్రామికవర్గాలకు ప్రోత్సాహకరంగా ఉంటుంది. వివాదాలు ఎదురుకావ‌చ్చు. అనారోగ్య స‌మ‌స్య‌లు ఉన్నాయి. నీలం, నేరేడు రంగులు ధ‌రించండి. శివపంచాక్షరి పఠించండి.

కన్య

ఆర్థిక పరిస్థితి మెరుగ్గానే ఉంటుంది. సన్నిహితులతో వివాదాలు కొంతవరకు పరిష్కారం. మీ ప్రతిభ వెలుగులోకి వస్తుంది. వేడుకల్లో పాల్గొంటారు. విద్యార్థులకు అనుకూల ఫలితాలు ఉంటాయి. జీవిత భాగస్వామి నుంచి ఆస్తి లాభం ఉండవచ్చు. నూతన ఉద్యోగాలు దక్కుతాయి. వ్యాపారాలు లాభసాటిగా ఉంటాయి. ఉద్యోగులకు ఉన్నతహోదాలు దక్కుతాయి. కళాకారులకు సన్మానయోగం ఉంది. ఖర్చులు ఉన్నాయి. గులాబీ, తెలుపు రంగులు స‌త్ఫ‌లితాలు అందిస్తాయి. గణేశ స్తోత్రాలు పఠించండి.

తుల

కొన్ని లక్ష్యాలను సాధించేందుకు కొంత శ్రమపడాల్సిన సమయం ఇది. ఆర్థిక పరిస్థితి క్రమేపీ మెరుగుపడుతుంది. కొన్ని వివాదాలు చాకచక్యంగా పరిష్కరించుకుంటారు. ఆరోగ్యం విషయంలో శ్రద్ధ చూపండి. విద్యార్థులు, నిరుద్యోగులకు ఉత్సాహవంతంగా ఉంటుంది. వ్యాపార లావాదేవీలు కాస్త పుంజుకుంటాయి. ఉద్యోగులకు పనిభారం తగ్గే సూచనలు ఉన్నాయి. పారిశ్రామికవర్గాలకు ఆకస్మిక విదేశీ పర్యటనలు చేయాల్సి రావ‌చ్చు. వృథా ఖర్చులు ఎదురు కావ‌చ్చు. గులాబీ, లేత ఆకుపచ్చ రంగులు ధరించండి. దుర్గాదేవిని పూజించండి.

వృశ్చికం

అనుకున్న కార్యక్రమాలు నిదానంగా సాగుతాయి. ఆదాయం కొంత తగ్గినా అవసరాలకు సొమ్ము అందుతుంది. విద్యార్థుల యత్నాలు సఫలం. ఆస్తి వివాదాలు కొంతమేరకు పరిష్కారం. శుభవార్తలు అందుతాయి. వ్యాపారాలు అభివృద్ధి దిశగా సాగుతాయి. ఉద్యోగస్తులకు ఆశించిన పదోన్నతులు దక్కవచ్చు. రాజకీయవర్గాలకు కొత్త పదవులు తథ్యం. వివాదాలు ఎదురుకావ‌చ్చు. ధనవ్యయం. పసుపు, తెలుపు రంగులు, శివస్తోత్రాలు పఠించండి.

ధ‌‌నుస్సు

అనుకున్న పనులు సకాలంలో పూర్తి చేస్తారు. ఆర్థిక పరిస్థితి మెరుగుపడుతుంది. రావలసిన సొమ్ము సైతం అందుతుంది. మీపై ఉంచిన బాధ్యతలు సమర్థంగా నిర్వహిస్తారు. వాహనాలు, గృహం కొనుగోలు చేస్తారు. ఆత్మీయులతో విభేదాలు తొలగుతాయి. ఉద్యోగలాభం. వ్యాపారాలలో పెట్టుబడులు సమకూరతాయి. ఉద్యోగులకు పదోన్నతులు. కళాకారులకు సన్మానాలు. వ్యయప్రయాసలు ఉన్నాయి. గులాబీ, ఆకుపచ్చ రంగులు ధరించాలి. ఆంజనేయ దండకం పఠించండి.

మకరం

కొత్త పనులకు శ్రీకారం చుడతారు. ఆర్థిక విషయాలు సంతృప్తినిస్తాయి. కొన్ని కీలక నిర్ణయాలు తీసుకుంటారు. వాహనాలు, భూములు కొనుగోలు చేస్తారు. నిరుద్యోగులకు అవకాశాలు దక్కుతాయి. కోర్టు కేసులు పరిష్కారమవుతాయి. వ్యాపార లావాదేవీలు ఆశాజనకంగా ఉంటాయి. ఉద్యోగులు సమర్థతను నిరూపించుకుంటారు. కళాకారులకు శుభవార్తలు అందుతాయి. ఆరోగ్యభంగం అయ్యే సూచ‌న‌లు ఉన్నాయి. పసుపు, లేత ఎరుపు రంగులు, ఆదిత్య హృదయం పఠించండి.

కుంభం

నేటి రాశి ఫలాల ప్రకారం కుంభ రాశి వాళ్ళు ఈరోజు కొంత జాప్యం జరిగినా అనుకున్న పనులు పూర్తి చేస్తారు. ఆర్థిక పరిస్థితి కొంతవరకు అనుకూలిస్తుంది. విద్యార్థుల ప్రతిభ నిరూపించుకుంటారు. ఆస్తి విషయంలో కొత్త అగ్రిమెంట్లు చేసుకుంటారు. ఇంటి నిర్మాణ యత్నాలు సఫలమవుతాయి. వ్యాపారాలలో అనుకున్న లాభాలు దక్కుతాయి. ఉద్యోగులకు పనిభారం నుంచి విముక్తి. రాజకీయవర్గాలకు సన్మానాలు. వ్యయప్రయాసలు ఉన్నాయి. గులాబీ, నేరేడు రంగులు, హనుమాన్ చాలీసా పఠించండి.

మీనం

ఎంతటి కార్యాన్నైనా విజయవంతంగా పూర్తి చేస్తారు. ఆదాయం సంతృప్తినిస్తుంది. రావలసిన సొమ్ము అందుతుంది. కాంట్రాక్టులు పొందుతారు. వివాహ వేడుకల్లో పాల్గొంటారు. ఆస్తి వివాదాలు పరిష్కారమవుతాయి. వ్యాపారాలలో పెట్టుబడులు అందుతాయి. ఉద్యోగులకు ఉన్నతహోదాలు. పారిశ్రామికవర్గాలకు విదేశీ పర్యటనలు. దూర ప్రయాణాలు చేయాల్సి రావ‌చ్చు. వ్యయప్రయాసలు. ఎరుపు, నేరేడు రంగులు, దేవీస్తోత్రాలు పఠించండి.

పంచాంగకర్త చిలకమర్తి ప్రభాకర చక్రవర్తి శర్మ
తదుపరి వ్యాసం