Saturn combust: శని అస్తంగత్వం.. ఈ రాశుల వారికి మంచి రోజులు రాబోతున్నాయి

Saturn combust: జ్యోతిష్య శాస్త్రంలో గ్రహాల గమనానికి విశేష ప్రాముఖ్యత ఉంటుంది. గ్రహాలు నిర్ధిష్ట కాలం తర్వాత ఒక రాశి నుంచి మరొక రాశిలోకి సంచరిస్తాయి. అలాగే కొన్ని సార్లు ఆస్తంగత్వం, మరొక సారి ప్రకాశించడం జరుగుతుంది. ఇలా గ్రహాల కదలికల ప్రభావం మొత్తం పన్నెండు రాశుల మీద పడుతుంది.

క్రూరమైన గ్రహంగా పేరు పొందిన శని ఈ ఏడాది మొత్తం కుంభ రాశిలోనే సంచరించబోతున్నాడు. 2025 వరకు కుంభ రాశిలోనే ఉంటూ తన కదలికలు మాత్రం మారుస్తూ ఉంటాడు. జ్యోతిష్య శాస్త్రం ప్రకారం శనీశ్వరుడిని న్యాయ దేవుడిగా పరిగణిస్తారు. అందరూ శని అశుభ ఫలితాలు ఇస్తాడని అనుకుంటారు కానీ మంచి చేసే వారికి శుభ ఫలితాలు ఇస్తాడు. శని దేవుడి ఆశీస్సులు ఉంటే అదృష్టం వెన్నంటే ఉంటుంది.

ప్రస్తుతం కుంభ రాశిలో ఉన్న శని మరో రెండురోజుల్లో అస్తంగత్వం చెందబోతున్నాడు. ఫిబ్రవరి 11న కుంభ రాశిలో శని అస్తమించడం కొన్ని రాశుల వారికి అదృష్టం తీసుకురాబోతుంది. మార్చి 26 వరకు శని ఈ దశలోనే ఉంటాడు. శని అస్తంగత్వం వల్ల ఫిబ్రవరి 11 నుంచి ఏ రాశులకు మేలు జరుగుతుందో చూద్దాం.

మేషం

శని అస్తమించడం వల్ల మేష రాశి వారికి చాలా ప్రయోజనాలు అందబోతున్నాయి. ఆర్థికంగా లాభాలు కలుగుతాయి. కుటుంబ సభ్యులతో సంతోషకరమైన సమయాన్ని గడుపుతారు. సౌకర్యాలు పెరుగుతాయి. ఆర్థిక పరిస్థితి బలపడుతుంది. వైవాహిక జీవితంలోని అడ్డంకులు తొలగిపోతాయి.

మిథున రాశి

శని అస్తమయంతో మిథున రాశి వారి జీవితంలో ఆనందం వెల్లివిరిస్తుంది. జీవిత భాగస్వామితో మంచి సమయం గడుపుతారు. ఆర్థిక సమస్యల నుంచి బయట పడతారు. అదృష్టం మీకు పూర్తి మద్దతు ఇస్తుంది. వృత్తి, వ్యాపారాలలో పురోభివృద్ధికి మార్గాలు తెరుచుకుంటాయి.

సింహ రాశి

శని కదలికలోని మార్పు కారణంగా సింహ రాశి వారికి మంచి రోజులు మొదలు కాబోతున్నాయి. సుఖ సంతోషాలు, సౌభాగ్యాలతో జీవితం మధురంగా మారిపోతుంది. వైవాహిక జీవితం ప్రేమతో నిండిపోతుంది. ఆర్థిక పరిస్థితి బలంగా ఉంటుంది కానీ డబ్బు ఖర్చులు ఉంటాయి. అయితే తెలివిగా డబ్బు ఖర్చు చేస్తారు. పనిలో విజయావకాశాలు మెరుగవుతాయి. శని దేవుడి అనుగ్రహం ఈ రాశి వారికి ఉంటుంది.

ధనుస్సు రాశి

శనీశ్వరుడి అనుగ్రహంతో ధనుస్సు రాశి జాతకులు శుభ ఫలితాలు పొందుతారు. కుటుంబ జీవితం ఆనందదాయకంగా ఉంటుంది. అన్ని పనుల్లో విజయం సాధిస్తారు. సమాజంలో గౌరవ, మర్యాదలు పెరుగుతాయి. కీర్తి, ప్రతిష్టలు పెరిగే అవకాశాలు ఉన్నాయి. ఆర్థిక లాభాలు ఉంటాయి. ఆర్థికంగా పుంజుకునేందుకు నూతన ఆదాయ మార్గాలు దొరుకుతాయి.

వీరికి కష్టకాలం

శని అస్తంగత్వం రెండు రాశుల జాతకులకు మాత్రం శుభప్రదంగా ఉండదు. వృషభ రాశి, కన్యా రాశి వారికి శని అస్తమించడం వల్ల కొన్ని కష్టాలు ఎదురుకాబోతున్నాయి. ఆర్థిక జీవితంలో ఒడిదుడుకులు ఉంటాయి. ధన నష్టం జరిగే అవకాశాలు ఉన్నాయి. జీవితంలో అనేక సవాళ్ళని ఎదుర్కోవాల్సి వస్తుంది. భాగస్వామితో విభేదాలు తలెత్తే పరిస్థితి ఏర్పడుతుంది. ఆరోగ్యం పట్ల ప్రత్యేక శ్రద్ధ వహించడం చాలా అవసరం.