Lakshmi narayana yogam: ఐదు రోజుల తర్వాత ఈ రాశుల దశ మారబోతుంది- పట్టిందల్లా బంగారమే

జ్యోతిష్య శాస్త్రంలో గ్రహాల రాకుమారుడు బుధుడికి ప్రత్యేక స్థానం ఉంటుంది. అతి తక్కువ సమయంలోనే తన రాశిని మార్చుకుంటూ అనేక ప్రయోజనాలు, కష్టాలను ఇస్తుంది. ప్రస్తుతం కన్యా రాశిలో ఉన్న బుధుడు మరో ఐదు రోజుల్లో తులా రాశిలోకి ప్రవేశిస్తాడు.

తెలివితేటలు, జ్ఞానం, వాక్కు, స్నేహితులు వంటి వాటికి కారకుడిగా బుధుడిని భావిస్తారు. బుధుడు తులా రాశిలోకి ప్రవేశించిన వెంటనే శుక్రుడితో కలయిక ఏర్పడుతుంది. అక్టోబర్ 13 వరకు శుక్రుడు ఈ రాశిలోనే ఉంటాడు. అనంతరం శుక్రుడు వృశ్చిక రాశిలోకి పయనం అవుతాడు. శుక్రుడు వెళ్లిపోగానే గ్రహాల రాజు సూర్యుడు తులా రాశిలోకి ప్రవేశిస్తాడు. దీంతో బుధ, సూర్య గ్రహాలు కలిసి బుధాదిత్య  యోగాన్ని మళ్ళీ ఇస్తాయి. 

ప్రస్తుతం బుధ, శుక్ర కలయికతో లక్ష్మీ నారాయణ యోగం ఏర్పడుతుంది. సుమారు ఏడాది తర్వాత తులా రాశిలో ఈ రెండు గ్రహాల కలయిక జరుగుతుంది. జ్యోతిష్య శాస్త్రం ప్రకారం ఈ యోగం అత్యంత ఫలవంతమైనది, శుభప్రదమైనది. ఈ యోగం సంపద, కీర్తి, శుభాలు, ఆరోగ్యాన్ని ఇస్తుంది. ఈ యోగం ప్రభావం వల్ల మూడు రాశుల వారి దశ మారబోతుంది. ఏయే రాశులకు అదృష్టం పడుతుందో చూద్దాం.

మేష రాశి

లక్ష్మీ నారాయణ యోగం ప్రభావం మేష రాశి వారికి చాలా ప్రయోజనాలు ఇస్తుంది. అన్ని రంగాలలో విజయపథాన దూసుకుపోతారు. కుటుంబ సంబంధాలు ధృడంగా ఉంటాయి. కెరీర్ పరంగా కొన్ని ఊహించని ఆశ్చర్యకరమైన వార్తలు అందుకుంటారు. వ్యాపారులు ఏది పట్టుకున్నా బంగారమే అవుతుంది. కొత్త కొత్త ఒప్పందాలతో మంచి లాభాలు గడిస్తారు. ఆకస్మిక ధనలాభం . ఆస్తి చేతికి వస్తుంది. గతంలో పెట్టిన పెట్టుబడుల నుంచి మంచి రాబడి అందుతుంది.

వృషభ రాశి

వృషభ రాశి వాళ్ళకి ఇది గోల్డెన్ టైమ్ గా చెప్పవచ్చు. దీని వల్ల చేపట్టిన అన్ని పనుల్లో విజయం లభిస్తుంది. కొత్త ఉద్యోగం కోసం చూస్తున్న వారికి శుభవార్త అందుతుంది. వ్యాపారం ప్రారంభించాలని అనుకుంటుంటే ఈ సమయం అందుకు సరిగా సరిపోతుంది. నూతన ఆదాయ మార్గాలు ఏర్పడి మీ సంపదను పెంచుతాయి. షేర్ మార్కెట్ లో పెట్టిన పెట్టుబడులు మంచి లాభాలు ఇస్తాయి. ప్రతి పనిలో విజయం మీదే అవుతుంది.

సింహ రాశి

లక్ష్మీ నారాయణ యోగం సింహ రాశి వారికి శుభ ఫలితాలు ఇస్తుంది. పెండింగ్ లో ఉన్న పనులు పూర్తి చేసే సదావకాశం లభిస్తుంది. శుక్రుడి శుభ దృష్టితో ఎంతో కాలంగా వేధిస్తున్న వైవాహిక జీవితంలోని సమస్యలు సద్దుమణుగుతాయి. వ్యాపారస్థులకు మంచి లాభాలు. ప్రేమ జీవితం రొమాంటిక్ గా సాగిపోతుంది. నిరుద్యోగులకు కొత్త ఉద్యోగ అవకాశాలు లభిస్తాయి. ఆదాయంలో వృద్ధి చేకూరుతుంది. రియల్ ఎస్టేట్ వ్యాపారులకు మంచి ఆఫర్లు దక్కుతాయి.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.