UP rape case : మహిళపై 8 మంది సామూహిక అత్యాచారం! వీడియో తీసి..

UP rape case : ఉత్తర్​ ప్రదేశ్​లో మరో దారుణ ఘటన వెలుగులోకి వచ్చింది. ఓ మహిళపై 8మంది సామూహిక అత్యాచారానికి పాల్పడ్డారు!

ఇదీ జరిగింది..

సంబంధిత ఘటన ఉత్తర్​ ప్రదేశ్​ బండా జిల్లాలో చోటుచేసుకుంది. గ్యాంగ్​ రేప్​నకు సంబంధించిన దృశ్యాలు 10 రోజులగా సోషల్​ మీడియాలో చక్కర్లు కొడుతున్నాయి. వీడియోపై స్పందించిన పోలీసులు.. దానిని ఫోరెన్సిక్​కు పంపించారు. మరోవైపు గ్యాంగ్​ రేప్​నకు సంబంధించి జులై 28న కల్లు అనే వ్యక్తిపై కేసు నమోదైంది. గురువారం నాటికి మరో ఏడుగురిని పోలీసులు అరెస్ట్​ చేశారు. వారి పేర్లు రామ్​ధాని, రామ్​సనెహి, దేవ్​కుమార్​, ఇంద్రజిత్​, భగ్వదీన్​, లవ్​కుశ్​, దేవ్​శరణ్​. వీరందరు వీడియోలో ఉన్నట్టు ఫోరెన్సిక్​ రిపోర్టు స్పష్టం చేసింది. ఫలితంగా వీరిపై రేప్​ కేసు నమోదు చేశారు పోలీసులు.

కాగా.. బాధితురాలు వచ్చి కేసు పెట్టలేదని తెలుస్తోంది. ఆమె ఎవరో కూడా ఇంకా తెలియదు. బాధితురాలి ఆచూకీని కనుగొనేందుకు, ఆమెకు సాయం చేసేందుకు పోలీసులు ప్రయత్నిస్తున్నారు.

ఇదీ చూడండి:- Man kills wife : ప్రియుడితో కలిసి ఉన్న భార్యను చూసిన భర్త.. గొడ్డలితో..!

14ఏళ్ల బాలికపై సామూహిక అత్యాచారం..

Girl gang raped in Uttar Pradesh : దేశంలో మహిళలు, బాలికలపై నేరాలు రోజురోజుకు పెరిగిపోతున్నాయి. ముఖ్యంగా ఉత్తర్​ ప్రదేశ్​లో పరిస్థితులు ఆందోళనకరంగా ఉన్నాయి. స్కూల్​కు వెళుతున్న ఓ బాలికను అపహరించి, కొందరు సామూహిక అత్యాచారానికి పాల్పడిన ఘటన డియోరియా ప్రాంతంలో చోటుచేసుకుంది.

బాధితురాలి తల్లి ప్రకారం.. గురువారం ఉదయం ఈ ఘటన జరిగింది. 10వ తరగతి చదువుకుంటున్న బాలిక.. తన గ్రామం నుంచి స్కూల్​కు బయలుదేరింది. గ్రామం బయట కొందరు ఆమెను అడ్డుకున్నారు. పక్కనే ఉన్న చెరకు తోటకు తీసుకెళ్లారు. అక్కడే ఆమెపై సామూహిక అత్యాచారానికి పాల్పడ్డారు. ఆ తర్వాత ఇంటికి తిరిగొచ్చిన బాలిక, కుటుంబసభ్యులకు వివరాలు ఇచ్చింది.

బాధితురాలి కుటుంబసభ్యులు పోలీసులను ఆశ్రయించారు. వారికి ఫిర్యాదు చేశారు. కాగా.. రేప్​ చేస్తున్న సమయంలో వీడియో తీసి, దానిని సోషల్​ మీడియాలో పోస్ట్​ చేశారని ఆరోపించారు. ఘటనపై వెంటనే స్పందించిన పోలీసులు.. కేసు నమోదు చేసుకున్నారు. బాలికకు వైద్య పరీక్షలు నిర్వహించారు. అయితే.. వీడియో తీసినట్టు వారికి ఆధారాలు లభించలేదు.

నిందితులను పట్టుకునేందుకు రంగంలోకి దిగిన పోలీసులు.. ఒకరిని అరెస్ట్​ చేశారు. ఇతరులను పట్టుకునేందుకు చర్యలు చేపట్టారు. కాగా.. పోలీసుల ప్రాథమిక దర్యాప్తు ప్రకారం.. నిందితుల్లో ఒకరితో ఆ బాలిక రిలేషన్​లో ఉన్నట్టు తెలుస్తోంది.