Rajasthan rape case : విషం తాగి బిల్డింగ్​పై నుంచి దూకిన అత్యాచార బాధితురాలు!

Rajasthan rape case : ఓ 22ఏళ్ల మహిళ.. విషం తాగి, బిల్డింగ్​పై నుంచి దూకి ఆత్మహత్యకు ప్రయత్నించిన ఘటన రాజస్థాన్​లో వెలుగులోకి వచ్చింది. మహిళపై అత్యాచారం చేసిన వ్యక్తి, ఆమెను వెధిస్తుండటమే ఇందుకు కారణం!

ఇదీ జరిగింది..

రాజస్థాన్​లోని అజ్మీర్​ జిల్లాలో ఈ ఘటన వెలుగులోకి వచ్చింది. బాధిత మహిళకు పొరుగింట్లో ఉండే సునీల్​ అనే వ్యక్తితో పరిచయం ఉంది. కాగా రెండేళ్ల క్రితం ఆమెను హోటల్​కు తీసుకెళ్లి అతను రేప్​ చేశాడు! ఆ దృశ్యాలను చిత్రీకరించాడు. ఎవరికైనా చెబితే, వాటిని ఆన్​లైన్​లో లీక్​ చేస్తానని బెదిరించాడు. అప్పటి నుంచి ఆమెను లైంగికంగా వేధిస్తూనే ఉన్నాడు!

మరోవైపు మహిళకు, తన కుటుంబసభ్యులు ఇటీవలే మరో వ్యక్తితో పెళ్లి నిశ్చయించారు. ఇది తెలుసుకున్న నిందితుడు సునీల్​.. వారి ఫొటోలను మార్ఫ్​ చేశాడు. వారికి పెళ్లి జరిగినట్టుగా చిత్రీకరించి ఆన్​లైన్​లో పోస్ట్​ చేశాడు.

ఇదీ చూడండి:- Indian girl buried alive: భారతీయ యువతి దారుణ హత్య; ప్రాణాలతో ఉండగానే పూడ్చిపెట్టిన దుర్మార్గుడు

Rajasthan crime news : ఈ పరిణామాలతో మానసిక ఒత్తిడికి గురైన మహిళ.. తన ప్రాణాలు తీసుకోవాలని నిర్ణయించుకుంది. గురువారం నాడు.. విషం తాగి, ఓ భవనంలోని మూడో అంతస్తు నుంచి దూకేసింది. స్థానికులు ఆమెను వెంటనే ఆసుపత్రికి తరలించారు. ఆమె ప్రాణాలకు ముప్పు లేదని, కానీ కాళ్లకు ఫ్రాక్చర్​ అయ్యిందని వైద్యులు వెల్లడించారు.

మరోవైపు ఈ ఘటనపై సమాచారం అందుకున్న పోలీసులు.. బాధితురాలి స్టేట్​మెంట్​ తీసుకున్నారు. నిందితుడిపై పోలీసులు ఎఫ్​ఐఆర్​ నమోదు చేసుకున్నారు. పరారీలో ఉన్న నిందితుడిని పట్టుకునేందుకు గాలింపు చర్యలు చేపట్టినట్టు అధికారులు వెల్లడించారు.