Rajasthan rape case : 16ఏళ్ల బాలికపై సామూహిక అత్యాచారం- బంధువులే నిందితులు..

Girl raped by uncle : రాజస్థాన్​లో దారుణ ఘటన వెలుగులోకి వచ్చింది. ఓ 16ఏళ్ల బాలిక.. రెండు నెలల గర్భవతి అని తెలిసింది. బాలిక మామ, అతని కుమారుడు.. గత కొంత కాలంగా ఆమెను రేప్​ చేయడంతో గర్భం దాల్చింది!

ఇదీ జరిగింది..

రాజస్థాన్​లోని జైపూర్​లో జరిగింది ఈ ఘటన. స్థానికంగా నివాసముంటున్న ఓ కుటుంబంలో ఓ 16ఏళ్ల బాలిక ఉంది. కాగా.. గతేడాది అక్టోబర్​లో.. బాలిక మామ, ఆమెపై అత్యాచారానికి పాల్పడ్డాడు. ఆ తర్వాత, అతని కొడుకు కూడా ఆమెను రేప్​ చేశాడు. అప్పటి నుంచి.. ఆమెపై అనేకమార్లు అత్యాచారానికి ఒడిగట్టారు. ఈ విషయం ఎవరికైనా చెబితే, చంపేస్తామని బెదిరించింది. అందుకే.. ఆ బాలిక ఎవరికి చెప్పలేదు. లోలోపల నరకం అనుభవించింది.

Girl raped by uncle in Rajasthan : ఇదిలా ఉండగా.. కొన్ని రోజుల క్రితం, బాలిక ఆరోగ్యం దెబ్బతింది. ఆమె రెండు నెలల గర్భవతి అని తేలింది. ఏం జరిగింది? అని కుటుంబసభ్యులు ప్రశ్నించగా.. తొలుత ఆమె చెప్పలేదు. కానీ చివరికి.. ఆమె తనపై జరిగిన రేప్​ను వివరించింది. కాగా.. కుటుంబం పరువు పోతుందన్న ఆలోచనతో.. అబార్షన్​ కోసం బాలికను ఆసుపత్రికి తీసుకెళ్లారు కుటుంబసభ్యులు. ఆమెకు అబార్షన్​ చేయించారు.

శుక్రవారం నాడు బాలిక.. ఆసుపత్రి నుంచి డిశ్చార్జ్​ అయ్యింది. ఆ తర్వాత.. ఆమె సోదరుడు పోలీస్​ స్టేషన్​కి వెళ్లాడు. తన సోదరిపై జరిగిన రేప్​ ఘటనను పోలీసులకు ఫిర్యాదు చేశాడు.

పరారీలో నిందితులు..

ఘటనపై బాలిక స్టేట్​మెంట్​ తీసుకున్న పోలీసులు.. ఆమె మామ, అతని కొడుకుపై పోక్సో సహా ఇతర చట్టాలపై కేసు నమోదు చేసుకున్నారు. వారిని అరెస్ట్​ చేసేందుకు వెళ్లగా.. అప్పటికే పారిపోయారు. ప్రస్తుతం వారి కోసం పోలీసులు గాలింపు చర్యలు చేపట్టారు.

Rajasthan crime news : "బాధిత బాలికకు వైద్య పరీక్షలు నిర్వహించాము. రిపోర్టుల కోసం ఎదురుచూస్తున్నాము. నిందితుల కోసం గాలింపు చర్యలు సైతం చేపట్టాము. త్వరలోనే వారిని పట్టుకుంటాము. ఈ కేసులో దర్యాప్తు కొనసాగుతోంది," అని పోలీసులు వెల్లడించారు.