మహిళ చేత పబ్లిక్​లో స్నానం చేయించిన అత్తమామలు.. ‘మగ బిడ్డ’ కోసం!

Woman forced to bathe in public : మహారాష్ట్రలో దారుణ ఘటన వెలుగులోకి వచ్చింది. ఓ మహిళ చేత పబ్లిక్​లో స్నానం చేయించారు ఆమె అత్తమామలు. ఇలా చేస్తే.. మగబిడ్డ పుడతాడని ఓ మాంత్రికుడు చెప్పిన మాటలు నమ్మి.. వారు ఈ దుశ్చర్యకు పాల్పడ్డారు.

పోలీసుల ఎఫ్​ఐఆర్​ ప్రకారం.. పుణెకు చెందిన ఓ మహిళకు.. 2013లో ఓ వ్యాపారవేత్తతో పెళ్లి జరిగింది. అప్పటి నుంచి భర్త, అత్తమామలు ఆమెను చిత్రహింసలకు గురిచేస్తూనే ఉన్నారు!

కొన్నేళ్ల క్రితం.. ఆ మహిళ నగలను తాకట్టు పెట్టి రూ. 75లక్షలు లోన్​ తీసుకున్నాడు ఆ భర్త. అంతేకాకుండా.. తన పుట్టింటి ఆస్తులను కూడా లాగేసుకున్నాడు. తన సంతకాన్ని అతను ఫోర్జరీ చేసినట్టు బాధితురాలు చెప్పింది.

అలా వచ్చిన డబ్బుతో మరో వ్యాపారం మొదలుపెట్టాడు ఆ వ్యక్తి. అయితే.. ఈ మధ్యకాలంలో కొల్హాపూర్​లో క్షుద్రపూజలు చేసే మౌలానా బాబా జమదార్​ మాంత్రికుడిని కలిశాడు ఆ భర్త. 'వ్యాపారంలో లాభాలు రావడానికి' అంటూ.. కొన్ని పూజలు చేయించాడు.

'నీకు మగ బిడ్డ పుట్టాలంటే.. నీ భార్యను ఓ జలపాతానికి తీసుకెళ్లి.. పబ్లిక్​లో స్నానం చేయించూ,' అని ఆ వ్యాపారికి ఆదేశాలిచ్చాడు ఆ మాంత్రికుడు. ఆ మాటలు నమ్మని భర్త, అతని తల్లిదండ్రులు.. ఆ మహిళను రాయ్​గఢ్​కు తీసుకెళ్లారు. జలపాతంలో పబ్లిక్​ ముందు స్నానం చేయించారు.

ఘటనపై కేసు నమోదు చేసుకున్న పోలీసులు.. మహిళ భర్త, అత్తమామాలతో పాటు మాంత్రికుడిని కూడా నిందితుల జాబితాలో చేర్చారు.