Crime News : కోడలి తల నరికి.. పోలీస్ స్టేషన్ తీసుకెళ్లిన అత్త

అన్నమయ్య జిల్లా రాయచోటిలో దారుణమైన ఘటన జరిగింది. కొత్తపేట రామాపురానికి చెందిన సుబ్బమ్మ తన కోడలు వసుందర (35) తల నరికింది. అనంతరనం తలను పట్టుకొని పోలీస్ స్టేషన్ తీసుకెళ్లింది. ఈ ఘటనతో అందరూ ఒక్కసారిగా షాక్ అయ్యారు.

పూర్తి వివరాల్లోకి వెళ్తే.. రాయచోటిలోని కొత్తపేట రామాపురానికి చెందిన సుబ్బమ్మ తన కోడలు వసుంధరను దారుణంగా హత్య చేసింది. కత్తితో తన కోడలి తల నరికింది. ఆ తర్వాత.. వసుంధర తలను తీసుకుని పోలీసు స్టేషన్‌కు వెళ్లింది. కవర్లో తల పట్టుకెళ్లి పోలీసుల ముందు పెట్టింది. దీంతో అక్కడున్న వారంతా షాక్ అయ్యారు. వసుంధర భర్త, ఆమె సొంత అత్త కొన్నేళ్ల క్రితం చనిపోయారు. ఆమె పిల్లలతో కలిసి ఉంటుంది. ఈ క్రమంలో వసుంధరకు వివాహేతర సంబంధం ఉన్నట్టుగా తెలుస్తోంది.

భర్త తరఫున ఆస్తులు.. వసుంధర పేరు మీదకు వచ్చాయి. ఈ ఆస్తులను వివాహేతర సంబంధం పెట్టుకున్న వ్యక్తి మీదకు మార్చాలని.. వసుంధర చూస్తున్నట్టుగా బయటకు విషయం వచ్చింది. ఈ కారణంగా వసుంధర భర్త తమ్ముడు ఆమెపై కోపం పెంచుకున్నాడు. వసుంధర చిన్నత్త కూడా చంపేయాలని ప్లాన్ వేసినట్టుగా సమాచారం. ఆమె తల నరికి.. కవర్లో పెట్టారు. సుబ్బమ్మ తల పట్టుకుని నేరుగా పోలీసు స్టేషన్‌ వెళ్లింది. ఈ ఘటన స్థానికంగా కలకలం రేపింది. ఈ ఘటనపై పోలీసులు కేసు నమోదు చేసుకుని విచారణ చేస్తున్నారు.