Menstruation Leave: పీరియడ్స్ లీవ్‌పై స్మృతీ ఇరానీ కామెంట్.. నెటిజన్ల స్పందన ఇదీ
15 December 2023, 9:00 IST
- Paid leave policy : నెలసరిలో మహిళలకు పెయిడ్ లీవ్స్ ఇచ్చే విషయంపై కేంద్రమంత్రి స్మృతి ఇరానీ చేసిన వ్యాఖ్యలు సోషల్ మీడియాలో వైరల్గా మారాయి. నెటిజన్ల నుంచి భిన్న అభిప్రాయాలు వ్యక్తమవుతున్నాయి.
స్మృతి ఇరానీ ‘పెయిడ్ లీవ్స్’ వ్యాఖ్యలపై నెటిజన్ల స్పందన ఇది..
Smriti Irani on Paid leave policy : పెయిడ్ లీవ్స్పై కేంద్రమంత్రి స్మృతి ఇరానీ చేసిన వ్యాఖ్యలు.. సామాజిక మాధ్యమాల్లో హాట్టాపిక్గా మారాయి. నెలసరి అనేది వైకల్యం కాదని, మహిళలకు పెయిడ్ లీవ్స్ అవసరం లేదని ఆమె చేసిన వ్యాఖ్యలు వార్తలకెక్కాయి.
Rishi Sunak net worth : కింగ్ చార్లెస్ కన్నా.. రిషి సునక్- అక్షతా మూర్తులే ధనవంతులు!
Naturals Ice Cream : నేచురల్స్ ఐస్క్రీమ్ వ్యవస్థాపకుడు రఘునందన్ కామత్ కన్నుమూత..
Thief Lawyer: కి‘‘లేడీ లాయర్’’.. కోర్టులోనే దర్జాగా దొంగతనాలు; ఎట్టకేలకు అరెస్ట్
COVID-19: మళ్లీ కోవిడ్-19 కలకలం; సింగపూర్ లో వారం రోజుల్లో 25,900 కేసులు నమోదు
'పెయిడ్ లీవ్స్ అవసరం లేదు..!'
ప్రస్తుతం పార్లమెంట్ శీతాకాల సమావేశాలు జరుగుతున్నాయి. ఇందులో భాగంగా.. మహిళల నెలసరి సమయంలో సంస్థలు వారికి కచ్చితమైన సెలవులు ఇచ్చే విధంగా ప్రభుత్వం ఏదైనా చర్యలు తీసుకుంటోందా? అని ఆర్జేడీ ఎంపీ మనోజ్ కుమార్ ఝా ప్రశ్నించారు. ఇందుకు బదులిచ్చారు కేంద్ర మహిళా, శిశు సంక్షేమశాఖ మంత్రి స్మృతి ఇరానీ.
Smriti Irani on menstruation : "నెలసరి అనేది వైకల్యం కాదు. మహిళ జీవితంలో ఇది సాధారణమైన విషయం. ఈ ఒక్క విషయాన్ని పరిగణలోకి తీసుకుని నెలసరి అవుతున్న మహిళలను, నెలసరి ఆగిపోయిన మహిళలను వేరుగా చూడకూడదు. అందుకే.. నెలసరి సమయంలో మహిళలకు ప్రత్యేకమైన పెయిడ్ లీవ్స్ అవసరం లేదు," అని వ్యాఖ్యానించారు స్మృతి ఇరానీ.
స్మృతి ఇరానీ వ్యాఖ్యలు సోషల్ మీడియాలో వైరల్గా మారాయి.
"స్మృతి ఇరానీ కరెక్ట్గా చెప్పారు. ఇలా పెయిడ్ లీవ్స్ ఇస్తే, మహిళా ఉద్యోగులకే ప్రతికూలం. రిక్రూట్మెంట్ ప్రాసెస్లో సంస్థలు వారిని దూరం పెట్టే అవకాశం ఉంటుంది," అని ఓ వ్యక్తి ట్విట్టర్లో కామెంట్ చేశారు.
Smriti Irani latest news : "నెలసరి సమయంలో మహిళలకు పెయిడ్ లీవ్స్ కావాలని పురుషులు అభిప్రాయపడకూడదు. ఉద్యోగం విషయంలో దేశంలో ఇప్పటికే పురుషులు- మహిళ మధ్య చాలా వ్యత్యాసం ఉంది. ఇలా పెయిడ్ లీవ్స్ ఇస్తే.. మహిళలకు ఉద్యోగావకాశాలు పడిపోతాయి," అని మరో వ్యక్తి రాసుకొచ్చారు.
"నెలసరి పేరుతో పెయిడ్ లీవ్స్ ఇవ్వకూడదు. నేను మహిళలకు వ్యతిరేకం కాదు. కానీ ఇలా లీవ్స్ ఇస్తే.. రిక్రూట్మెంట్లో కష్టం అవుతుంది," అని మరో వ్యక్తి పేర్కొన్నాడు.
అయితే.. కొందరు స్మృతి ఇరానీ వ్యాఖ్యలను వ్యతిరేకిస్తున్నారు కూడా!
Paid leave policy Smriti Irani : "నెలసరి అనేది వైకల్యం కాదు. వారికి పెయిడ్ లీవ్స్ అక్కర్లేదన్నారు సరే! మరి మెటర్నిటీ లీవ్స్ ఎందుకిస్తున్నారు? పిల్లలను డెలివరీ ఇవ్వడం అనేది వైకల్యమా? అది సహజమైన ప్రక్రియ కాదా? మీ అంత విశాలవంతమైన జీవితం చాలా మందికి ఉండదు. చాలా నొప్పులు పడి ఉద్యోగం చేయాల్సి వస్తుంది," అని ఓ మహిళ ట్విట్టర్లో పేర్కొంది.
"స్మృతి ఇరానీ వ్యాఖ్యలను నేను వ్యతిరేకిస్తున్నా. చాలా షాకింగ్గా ఉంది. నెలసరి అనేది సీరియస్ విషయం కాదని మీరు ఎలా అనగలరు? ఈ విషయంపై వస్తున్న రీసెర్చ్ డేటాను చూశారు అసలు? పీఎంఎస్, పీసీఓఎస్, పీసీఓడీ, మూడ్ స్వింగ్స్, మెంటల్ స్ట్రెస్ గురించి మీకు ఏమైనా తెలుసా? ఇంత నొప్పిలోనూ.. అటు ఇంటి పని, ఇటు ఆఫీస్ పని చేసుకోవాల్సి వస్తోంది," అని మరో మహిళ రాసుకొచ్చింది.
మరి మీరేం అంటారు? నెలసరి సమయంలో మహిళలకు పెయిడ్ లీవ్స్ అవసరం ఉందా? లేదా?