Summer temperature : ఈసారి వేసవిలో.. భరించలేని విధంగా భానుడి 'భగభగలు'!

El Nino effect in India : ఇండియాలో సమ్మర్​ సీజన్​ ప్రారంభమైపోయింది. చాలా ప్రాంతాల్లో ఉష్ణోగ్రతలు రోజురోజుకు పెరుగుతున్నాయి. ఈ తరుణంలో ప్రపంచ వాతావరణ సంస్థ (డబ్ల్యూటీఓ) చేసిన కొన్ని వ్యాఖ్యలు.. సర్వత్రా ఆందోళనకు గురిచేస్తోంది. ఎల్​ నీనో ప్రభావం తగ్గుముఖం పడుతోందని, కానీ రానున్న కొన్ని నెలల పాటు ప్రపంచవ్యాప్తంగా వాతావరణంపై నెగిటివ్​ ఎఫెక్ట్​ కొనసాగుతుందని వ్యాఖ్యానించింది.

"ఎల్​ నీనో బలహీనపడుతున్నప్పటికీ.. మార్చ్​- మే వరకు ప్రపంచవ్యాప్తంగా ఉష్ణోగ్రతలు సాధారణం కన్నా ఎక్కువగానే నమోదవుతాయని అంచనా వేస్తున్నాము," అని డబ్ల్యూటీఓ వెల్లడించింది.

మార్చ్​- మే మధ్యలో ఎల్​ నీనో ఎఫెక్ట్​ కనిపించే అవకాశం 60శాతం ఉందని డబ్ల్యూటీఓ లేటెస్ట్​ అప్డేట్స్​ చెబుతున్నాయి. కానీ ఏప్రిల్​- జూన్​ మధ్యలో ఎల్​ నీనో- లా నీనో ప్రభావాలు ఉండని అవకాశాలు 80శాతం అని పేర్కొంది.

మధ్య తూర్పు ట్రాపికల్​ పెసిఫిక్​ సముద్రంలో (సీ సర్ఫేస్​ టెంపరేచర్​) ఉష్ణోగ్రతలు సాధారణం కన్నా ఎక్కువగా ఉంటే దానిని ఎల్​ నీనో అంటారు. సౌత్​ అమెరికా దగ్గర ఉండే ట్రాపికల్​ వెస్ట్​ కోస్ట్​లో సీ సర్ఫేస్​ టెంపరేచర్​ సాధారణం కన్నా తక్కువగా ఉంటే లానీనో అని పిలుస్తారు.

El Nino effect world wide : దాదాపు ఏడాది పాటు ఎల్​ నీనో సమస్య ప్రపంచాన్ని భయపెట్టింది. కాగా.. ఈ ఏడాది చివర్లో లా నీనో ప్రభావం ఏర్పడే అవకాశం ఉందని వాతావరణ నిపుణులు అంచనా వేస్తున్నారు. కానీ దీనిపై ఇప్పుడే ఏం చెప్పలేమని అంటున్నారు.

ఇండియాలో భానుడి భగభగలు తప్పవు!

ఇండియాపై ఎల్​ నీనో ప్రభావం ఈసారి కూడా ఉంటుందని వాతావరణ నిపుణులు చెబుతున్నారు. మే వరకు భానుడి భగభగలు తప్పవని హెచ్చరిస్తున్నారు. జూన్​ నుంచి ఎల్​ నీనో ప్రభావం తగ్గుముఖం పడుతుందని అంటున్నారు. సెప్టెంబర్​ నాటికి లా నీనో ఎఫెక్ట్​ మొదలయ్యే అవకాశం ఉందని అంచనా వేస్తున్నారు.

ఇండియాలో వేసవి కాలం కఠినంగానే ఉంటుందని భారత వాతావరణశాఖ కూడా అభిప్రాయపడింది.

Summer in India : "ఈసారి దేశవ్యాప్తంగా సాధారణం కన్నా ఎక్కువ ఉష్ణోగ్రతలే కనిపించొచ్చు. హీట్​వేవ్​లు పెరగొచ్చు. హీట్​వేవ్​తో ఇబ్బంది పడే రోజులు సైతం.. గతంలో కన్నా పెరగొచ్చు," అని ఐఎండీ వెల్లడించింది.

"ఎల్​ నీనో అనేది సగటున 2-7ఏళ్ల మధ్యలో సంభవిస్తుంది. 9 నుంచి 12 నెలల పాటు ఉంటుంది. ఇది సాధారణంగా జరిగే వాతావరణ మార్పు. సెంట్రల్​, ఈస్టెర్న్​ ట్రాపికల్​ పెసిఫిక్​ ఓషన్​ సర్ఫేస్​ వేడిగా అవుతుంది. ప్రపంచవ్యాప్తంగా దీని ప్రభావం ఉంటుంది," అని డబ్ల్యూఎంఓ వెల్లడించింది.

"2023 జూన్​ నుంచి ప్రతి నెల రికార్డు స్థాయి ఉష్ణోగ్రతలు నమోదవుతూనే ఉన్నాయి. 2023 ఏడాది.. చరిత్రలోనే అతి వేడైన సంవత్సరంగా నిలిచిపోయింది. దీనికి కారణం ఎల్​ నీనో. మొత్తం తప్పు ఎల్​ నీనోపైనే వేయకూడదు. వాతావరణానికి ముప్పు కలిగిస్తున్న గ్రీన్​హౌజ్​ గ్యాస్​ల బాధ్యత కూడా ఉంది," అని డబ్ల్యూఎంఓ సెక్రటరీ జనరల్​ సెలిస్టే సులో తెలిపారు.

ఎల్​ నీనో సంభవించిన రెండో ఏడాదికి దాని ప్రభావం పీక్స్​లో ఉంటుందని నిపుణులు చెబుతున్నారు. ఆ లెక్కన చూసుకుంటే.. ఈసారి రెండో ఏడాది 2024!

మరోవైపు నవంబర్​- జనవరి సమయంలో ఎల్​ నీనో పీక్​ అయ్యిందని నిపుణులు చెబుతున్నారు. 1991 నుంచి 2020 సగటు ఓషెన్​ సర్ఫేస్​ టెంపరేచర్​తో పోల్చుకుంటే.. 2 డిగ్రీలు అధిక ఉష్ణోగ్రత నమోదైందని డబ్ల్యూఎంఓ చెప్పింది.