Heatwave in India : ఇవేం ఎండలు రా బాబు.. హీట్​ వేవ్​తో 90మంది మృతి!-severe heatwave kills over 90 people in these states imd issues red alert ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Heatwave In India : ఇవేం ఎండలు రా బాబు.. హీట్​ వేవ్​తో 90మంది మృతి!

Heatwave in India : ఇవేం ఎండలు రా బాబు.. హీట్​ వేవ్​తో 90మంది మృతి!

Sharath Chitturi HT Telugu
Jun 18, 2023 01:47 PM IST

Heatwave in India : ఉత్తర్​ప్రదేశ్​, బిహార్​లో హీట్​ వేవ్​ పరిస్థితులు దారుణంగా ఉన్నాయి. ఇప్పటివరకు 90మంది ప్రాణాలు కోల్పోయారు.

ఇవేం ఎండలు రా బాబు.. హీట్​ వేవ్​తో 90మంది మృతి!
ఇవేం ఎండలు రా బాబు.. హీట్​ వేవ్​తో 90మంది మృతి!

Uttar Pradesh heatwave : జూన్​లో ఎండల తీవ్రత చాలా దారుణంగా ఉంది. ముఖ్యంగా ఉత్తర భారతంలో పరిస్థితులు మరింత తీవ్రంగా ఉన్నాయి. గత మూడు రోజుల్లో.. ఒక్క ఉత్తర్​ ప్రదేశ్​లోని బాలియా జిల్లాలోనే 54మంది.. హీట్​ వేవ్​ కారణంగా ప్రాణాలు కోల్పోయారు. మరో 400మంది ఆసుపత్రి పాలయ్యారు. ఈ వివరాలను ఓ జాతీయ వార్తాసంస్థ వెల్లడించింది.

CTA icon
మీ నగరంలో వాతావరణం తెలుసుకునేందుకు ఇక్కడ క్లిక్ చేయండి

ఉత్తర్​ ప్రదేశ్​లో ప్రతి రోజు 40 డిగ్రీలకుపైగా ఉష్ణోగ్రత నమోదవుతోంది. బాలియా జిల్లాలో హీట్​ వేవ్​ కారణంగా ఆసుపత్రిలో చేరుతున్న రోగుల సంఖ్య పెరుగుతోందని అక్కడి వైద్యులు చెప్పారు. అయితే.. మరణాలకు అనేక కారణాలు ఉండొచ్చని, వాటిల్లో హీట్​ వేవ్​ ఒకటని పేర్కొన్నారు. జూన్​ 15న 23మంది, జూన్​ 16న 20 మంది, జూన్​ 17న 11 మంది ప్రాణాలు కోల్పోయినట్టు వివరించారు. మృతిచెందిన వారిలో ఇతర వ్యాధులు ఏమైనా ఉన్నాయా? లేక హీట్​ వేవ్​తోనే మరణించారా? అన్న విషయంపై దర్యాప్తు చేపడతామని అధికారులు స్పష్టం చేశారు.

ఈ రాష్ట్రాల్లో కూడా..

ఉత్తర్​ ప్రదేశ్​తో పాటు బిహార్​లోనూ హీట్​ వేవ్​ తీవ్రత అత్యంత ఆందోళనకరంగా ఉంది. గడిచిన 24 గంటల్లో ఒక్క బిహార్​ రాష్ట్రంలోనే 44 మంది మరణించారని మరో జాతీయ మీడియా వెల్లడించింది.

భానుడి బగభగల నేపథ్యంలో అధికారులు చర్యలు చేపట్టారు. ఇప్పటికే ప్రారంభం అవ్వాల్సిన స్కూళ్లను ఈ నెల 24 వరకు వాయిదా వేశారు.

ఇదీ చూడండి:- AP TS Weather : ఈ నెల 19 నుంచి వర్షాలు - రుతుపవనాలపై ఐఎండీ కీలక ప్రకటన

Heatwave in India death toll : మరోవైపు ఒడిశా, విదర్భ, పశ్చిమ్​ బెంగాల్​, ఝార్ఖండ్​, ఆంధ్రప్రదేశ్​, ఉత్తర్​ ప్రదేశ్​, బిహార్​, మధ్యప్రదేశ్​, తమిళనాడులో ఎండల తీవ్రత అధికంగా ఉంటుందని ఐఎండీ హెచ్చరించింది. బిహార్​ రాష్ట్రానికి రెడ్​ అలర్ట్​ జారీ చేసింది. ప్రజలు అప్రమత్తంగా ఉండాలని, ఇళ్ల నుంచి బయటకు వెళ్లకూడదని స్పష్టం చేసింది.

ఆంధ్రప్రదేశ్​ తీర ప్రాంతం, యానాం, రాయలసీమ, విదర్భాలోని కొన్ని ప్రాంతాలు, పశ్చిమ్​ బెంగాల్​లోని గంగా నది తీర ప్రాంతం, తెలంగాణ, సిక్కిం, తూర్పు ఉత్తర్​ ప్రదేశ్​లలో రానున్న రోజుల్లో హీట్​ వేవ్​ ఎఫెక్ట్​ కాస్త ఎక్కువగా ఉండొచ్చని భారత వాతావరణశాఖ వెల్లడించింది. ఆంధ్రప్రదేశ్​లోని కొన్ని ప్రాంతాల్లో మాత్రం 19 నుంచి వర్షాలు కురుస్తాయని స్పష్టం చేసింది.

వర్షాలేవీ..?

Southwest monsoon 2023 : సాధారణంగా జూన్​ మొదటి వారంలో ఎండలు తగ్గుముఖం పడుతుంటాయి. కానీ ఈసారి జూన్​ నెల చివరికి వస్తున్నా.. ఎండల తీవ్రత భయపెడుతోంది. నైరుతి రుతుపవనాల రాక ఆలస్యం అవ్వడంతో ప్రజలకు కష్టాలు తప్పలేదు. సాధారణంగా జూన్​ 1 నాటికి కేరళను తాకాల్సిన నైరుతి రుతుపవనాలు.. 7న తేదీన చేరాయి. ఫలితంగా రుతుపవనాల విస్తరణ కూడా ఆలస్యమైంది.

WhatsApp channel

సంబంధిత కథనం