UP accident : చెరువులో పడిన ట్రాక్టర్​.. 15 మంది మృతి!

Kasganj accident today : ఉత్తర్​ ప్రదేశ్​లో ఘోర ప్రమాదం చోటుచేసుకుంది. కాస్​గంజ్​ జిల్లాలో మాఘ పూర్ణిమ స్నానాల కోసం గంగా నదికి బయలుదేరిన ఓ ట్రాక్టర్​.. చెరువులో పడిపోయింది. ఈ ఘటనలో 15మంది ప్రాణాలు కోల్పోయారు. 8 మంది చిన్నారులు ఉన్నట్టు సమాచారం.

ఇదీ జరిగింది..

కాస్​గంజ్​ జిల్లాలో జరిగిన ఘోర ప్రమాదంపై ఆలిగఢ్​ ఐజీ షలభ్​ మాథుర్​ స్పందించారు. ఘటనలో 15మంది మరణించినట్టు ధృవీకరించారు. మృతుల్లో 8మంది చిన్నారులు, ఏడుగురు మహిళలు ఉన్నట్టు స్పష్టం చేశారు. రోడ్డు మీద ఉన్న కారును ఢీకొట్టకుండా ఉండేందుకు.. ట్రాక్టర్​ని డ్రైవర్​ పక్కకి జరిపినట్టు, ఫలితంగా ఆ వాహనం.. ఆ పక్కనే ఉన్న చెరువులో పడిపోయినట్టు ఆయన స్పష్టం చేశారు.

ఘటనాస్థలంలో స్థానికులు వెంటనే సహాయక చర్యలు చేపట్టారు. అదే సమయంలో.. పోలీసులు కూడా అక్కడికి చేరుకుని, పరిస్థితిని సమీక్షించారు. చెరువులో దిగిన స్థానికులు.. మానవాహారాన్ని ఏర్పాటు చేసి, క్షతగాత్రులు, మృతదేహాలను బయటకు తీశారు.

తాజా ఘటనపై ఉత్తర్​ ప్రదేశ్​ సీఎం యోగి ఆదిత్యనాథ్​ దిగ్భ్రాంతి వ్యక్తం చేశారు. మృతుల కుటుంబాలకు సానుభూతి వ్యక్తం చేశారు. క్షతగాత్రులకు తక్షణ, మెరుగైన వైద్యం అందివ్వాలని కాస్​గడ్​ జిల్లా అధికారులకు ఆదేశాలిచ్చారు. సమీప ప్రాంతాల్లో ఉన్న అధికారులు సైతం వెంటనే ఘటనాస్థలానికి వెళ్లి పరిస్థితిని సమీక్షించాలని తెలిపారు సీఎం.

మృతుల కుటుంబాలకు రూ. 2లక్షలు, బాధితులకు రూ. 50వేల పరిహారాన్ని ప్రకటించారు ఉత్తర్​ ప్రదేశ్​ సీఎం యోగి ఆదిత్యనాథ్​.