Bengaluru fridge case : ‘నా జీవితాన్ని నాశనం చేసింది.. అందుకే చంపెశా’- మహాలక్ష్మి కేసు నిందితుడు!

దేశవ్యాప్తంగా సంచలనం సృష్టించిన బెంగళూరు మహాలక్ష్మి కేసులో పలు కీలక విషయాలు బయటపడ్డాయి. నిందితుడు ఆత్మహత్య చేసుకోగా, అంతకుముందు.. తన కుటుంబసభ్యుల వద్ద నేరాన్ని అంగీకరించాడు! ఆ మహిళ తన జీవితాన్ని నాశనం చేసిందని, అందుకే కోపంతో చంపేశానని, నిందితుడు తన కుటుంబసభ్యులకు చెప్పాడు.

ఇదీ జరిగింది..

బెంగళూరులో ఓ ముక్కలు ముక్కలుగా నరికిన ఓ మహిళ మృతదేహం, ఓ ఇంటి ఫ్రిడ్జ్​లో కనిపించింది. ఈ వార్త సంచలనం సృష్టించింది. మహిళ పేరు మహాలక్ష్మి అని తేలింది. నిందితుడి కోసం పోలీసులు తీవ్రంగా గాలింపు చర్యలు చేపట్టారు. కాగా నిందితుడు ఒడిశాలో ఆత్మహత్యకు పాల్పడ్డాడు. ఈ వ్యవహారంపై నిందితుడు సోదరుడు పలు కీలక విషయాలను వెల్లడించాడు.

"గత 9-10 రోజులు నా సోదరుడు మా దగ్గరే ఉన్నాడు. మహాలక్ష్మిని చంపినట్టు, వచ్చిన మూడో రోజే ఒప్పుకున్నాడు. ఆమె తనని బ్లాక్​మెయిల్​ చేసి, డబ్బులు వసూలు చేసేదని చెప్పాడు," అని నిందితుడి సోదరుడు చెప్పాడు. "నా జీవితాన్ని నాశనం చేసింది. నా కుటుంబాన్ని నాశనం చేసింది," అని తన సోదరుడు తనకు చెప్పినట్టు అతను వెల్లడించాడు.

"నా సోదరుడు ఆమెని పెళ్లి చేసుకుందామని భావించాడు. బైక్​ మీద కేరళకు తీసుకెళ్లాలని ప్లాన్​ చేశాడు. కానీ తనని కిడ్నాప్​ చేశాడని ఆమె చెప్పి, అందరి చేత కొట్టించింది. ప్రజలు నా సోదరుడిని దారుణంగా కొట్టి, పోలీసులకు అప్పగించారు. పోలీసులు కూడా కొట్టి, రూ. 1000 లంచం తీసుకుని వదిలేశారు. ఆ మహిళ, ఆమె, తన స్నేహితులు దారుణంగా కొట్టారు. కోపంతో ఆమె గొంతు పట్టుకుని నులిమాడు. ఆమె చనిపోయింది. అది తెలుసుకుని సూసైడ్​గా చిత్రీకరించేందుకు విఫలయత్నం చేశాడు. అది కూదరకపోవడంతో మృతదేహాన్ని ముక్కలు ముక్కలుగా చేసి ఫ్రిడ్జ్​లో పెట్టి ఒడిశాకు వచ్చేశాడు," అని నిందితుడి సోదరుడు చెప్పాడు.

29ఏళ్ల మహాలక్ష్మికి హేమంత్​ దాస్​ అనే వ్యక్తితో వివాహమైంది. కానీ పెళ్లి బంధంలో సమస్యల కారణంగా 9 నెలల క్రితం కొత్త జీవితాన్ని వెతుక్కుంటూ ఆమె బెంగళూరుకు వచ్చింది. అప్పుడే ఆమెకు ఒక మాల్​లో ఉద్యోగం వచ్చింది. అక్కడ నిందితుడిని కలుసుకుంది.

బెంగళూరు మహాలక్ష్మి కేసు వెలుగులోకి వచ్చిన ఐదో రోజులకు, ఒడిశా భద్రక్​ జిల్లాలో నిందితుడు ఆత్మహత్య చేసుకుని ప్రాణాలు తీసుకున్నాడు.

"తన ప్రవర్తనతో విసుగెత్తిపోయాను. వ్యక్తిగత విషయాలపై గొడవ జరిగేది. ఆమె నాపై దాడి చేసింది. సెప్టెంబర్​ 3న ఆమెని కోపంతో చంపేశాను," అని నిందితుడు రాసిన లెటర్​లో ఉంది.

ఆత్మహత్యకు ముందు నిందితుడు తన తల్లిని కలిశాడు.

"మంగళవారం రాత్రి 10 గంటలకు ఇంటికి వచ్చాడు. చాలా టెన్షన్​గా కనిపించాడు. ఏదో తప్పు చేసినట్టు చెప్పాడు. బెంగళూరులో ఒక మహిళను చంపినట్టు ఒప్పుకున్నాడు. వాస్తవానికి 2-3ఏళ్లుగా మా కుమారుడు మాతో మాట్లాడటం లేదు. జీవితంలో ఏం జరుగుతోందో ఎప్పుడు చెప్పలేదు. కానీ మహిళను చంపినట్టు చెప్పాడు. తనని తాను రక్షించుకునేందుకు, ఆ మహిళను చంపినట్టు చెప్పాడు," అని నిందితుడు తల్లి మీడియాకు చెప్పింది.