Vivo Y01కి సక్సెసర్‌గా Vivo Y02s స్మార్ట్‌ఫోన్‌, ధర కూడా తక్కువే!

చైనీస్ స్మార్ట్‌ఫోన్ దిగ్గజం Vivo తమ Y-సిరీస్‌లో వరుస స్మార్ట్‌ఫోన్‌లను విడుదల చేస్తోంది. ఇటీవలే కంపెనీ గ్లోబల్ వెబ్‌సైట్‌లో లిస్టింగ్ చేసిన Vivo Y02s స్మార్ట్‌ఫోన్‌ను తాజాగా ఫిలిప్పీన్స్‌లో విడుదల చేసింది. ఇది బడ్జెట్ ధరలోనే లభించే స్మార్ట్‌ఫోన్‌, అందువల్ల మిగతా మార్కెట్లలోనూ డిమాండ్ ఉంటుంది.

సరికొత్త Vivo Y02s ఈ ఏడాది ప్రారంభంలో విడుదల చేసిన Vivo Y01కి సక్సెసర్‌. ఈ నేపథ్యంలో ఈ రెండు స్మార్ట్‌ఫోన్‌లలోనూ చాలా విషయాల్లో సారుప్యత ఉంది. రూ. 10 వేల లోపు ధరకే లభిస్తున్నప్పటికీ Vivo Y02s స్మార్ట్‌ఫోన్‌లో కొన్ని మెరుగైన ఫీచర్లు ఉన్నాయి. ఇందులో భాగంగా ఈ హ్యాండ్ సెట్లో 5,000mAh సామర్థ్యం కలిగిన బ్యాటరీ ప్యాక్, కంటికి రక్షణ కలిగించే హాలో ఫుల్‌వ్యూ IPS LCD డిస్‌ప్లే, వాటర్‌డ్రాప్ నాచ్‌లో ఉంచిన సెల్ఫీ క్యామ్ మొదలైన స్పెక్స్ ఉన్నాయి. మల్టీ-టర్బో 5.5, డోంట్ డిస్టర్బ్, ఇ-స్పోర్ట్స్ మోడ్ వంటి అల్ట్రా గేమ్ మోడ్ ఫీచర్‌లను కలిగి ఉంది.

Vivo Y02s ఏకైక వేరియంట్లో అందుబాటులో ఉంటుంది. అయితే ఇది ఫ్లోరైట్ బ్లాక్, వైబ్రాంట్ బ్లూ అనే రెండు కలర్ ఆప్షన్లలో లభ్యమవుతోంది. ఇంకా ఇందులో ఎలాంటి ఫీచర్లు, స్పెసిఫికేషన్లు ఉన్నాయి. ధర ఎంత మొదలగు వివరాలు ఈ కింద పరిశీలించండి.

Vivo Y02s స్మార్ట్‌ఫోన్‌ ఫీచర్స్, స్పెసిఫికేషన్స్

• 60Hz రిఫ్రెష్ రేట్ కలిగిన 6.51 అంగుళాల IPS LCD HD+ డిస్‌ప్లే
• 3GB RAM, 32GB ఇంటర్నల్ స్టోరేజ్ సామర్థ్యం (ఎక్స్‌పాండబుల్)
• మీడియాటెక్ హీలియో P35 ప్రాసెసర్
• వెనకవైపు 8 మెగా పిక్సెల్ కెమెరా, ముందు భాగంలో 5 MP సెల్ఫీ షూటర్‌
• ఆండ్రాయిడ్ 12 ఆపరేటింగ్ సిస్టమ్
• 5000 mAh బ్యాటరీ సామర్థ్యం, 10W ఛార్జర్

కనెక్టివిటీ పరంగా ఇందులో 4G LTE, Wi-Fi, బ్లూటూత్ v5.0, GPS/A-GPS, USB టైప్-C ఉన్నాయి.

ప్రస్తుతం చైనా మార్కెట్లో Vivo Y02s ధర PHP 6,499 గా ఉంది. భారతీయ కరెన్సీ ప్రకారం సుమారు రూ. 9,250/-.