Vivo X80 Series ఫోన్లతో మీ కథను సినిమాటిక్‌గా షూట్ చేసుకోవచ్చు!

మొబైల్ తయారీదారు వివో గత కొన్నిరోజులుగా వరుసగా సరికొత్త మోడల్ ఫోన్లను మార్కెట్లో విడుదల చేస్తుంది. తాజాగా Vivo X80 ఫ్లాగ్‌షిప్ సిరీస్‌ను భారత మార్కెట్లో ఆవిష్కరించింది. ఈ X80 సిరీస్‌లో రెండు మోడల్స్ ఉన్నాయి.  ఇందులో ఒక మోడల్ Vivo X80 కాగా మరొకటి Vivo X80 Pro. బేసిక్ మోడల్‌లో ర్యామ్, స్టోరేజ్ ఆధారంగా వేరియంట్‌లు అందుబాటులో ఉన్నాయి. 

ఈ స్మార్ట్‌ఫోన్‌లలో Zeiss-ఆధారిత కెమెరా మాడ్యూల్స్ ఉండటం ప్రధాన ఆకర్షణ. ఫోటోలు, వీడియోలు తీసుకోవడానికి అధునాతనమైన వ్యవస్థను పొందుపరిచారు. సినిమాటిక్ స్టైల్ ఫోటో, సినిమాటిక్ వీడియో అలాగే 360-డిగ్రీ హోరిజోన్ లెవెల్ స్టెబిలైజేషన్ వంటి ఫీచర్‌లు ఉన్నాయి. తక్కువ-కాంతిలోనూ ఫోటోలు తీయవచ్చు, వీడియోగ్రఫీ కోసం AI ఆధారిత ప్రత్యేకమైన Vivo V1+ ఇమేజింగ్ చిప్ కూడా ఉంది.

ఈ రెండు స్మార్ట్‌ఫోన్‌లు మే 25 నుండి ఫ్లిప్‌కార్ట్, Vivo అధికారిక ఆన్‌లైన్ స్టోర్ అలాగే ఆఫ్‌లైన్ రిటైలర్ల ద్వారా కొనుగోలుదారులకు అందుబాటులో ఉంటాయి.  ఏ ఫోన్‌లో ఎలాంటి ఫీచర్లు, స్పెసిఫికేషన్లు ఉన్నాయి. వీటి ధరలు ఎంత మొదలగు అన్ని వివరాలు ఇక్కడ కింద పేర్కొన్నాం.

Vivo X80 స్మార్ట్‌ఫోన్‌ ఫీచర్స్, స్పెసిఫికేషన్స్

120Hz రిఫ్రెష్ రేట్ కలిగిన 6.78 అంగుళాల ఫుల్ HD+ AMOLED డిస్‌ప్లే

8GB/12 GB RAM, 128/256 GB ఇంటర్నల్ స్టోరేజ్ సామర్థ్యం

మీడియాటెక్ డైమెన్సిటీ 9000 ప్రాసెసర్

వెనకవైపు 50+12+12 మెగా పిక్సెల్ ట్రిపుల్ కెమెరా సెటప్, ముందు భాగంలో 32 MP సెల్ఫీ షూటర్‌

ఆండ్రాయిడ్ 12 ఆపరేటింగ్ సిస్టమ్

4500 mAh బ్యాటరీ సామర్థ్యం, 80W ఛార్జర్

8 GB RAM, 128 GB స్టోరేజ్ వేరియంట్ ధర, రూ. 54,999/-

12 GB RAM, 256 GB స్టోరేజ్ వేరియంట్ ధర, రూ. 59,999/-

ఈ ఫోన్ కాస్మిక్ బ్లాక్ , అర్బన్ బ్లూ అనే రెండు కలర్ ఆప్షన్‌లలో లభిస్తుంది.

Vivo X80 Pro స్మార్ట్‌ఫోన్‌ ఫీచర్స్, స్పెసిఫికేషన్స్

120Hz రిఫ్రెష్ రేట్ కలిగిన 6.78 అంగుళాల ఫుల్ HD+ AMOLED డిస్‌ప్లే

12GB RAM, 256 GB ఇంటర్నల్ స్టోరేజ్ సామర్థ్యం

క్వాల్కమ్ స్నాప్‌డ్రాగన్ 8 Gen 1 ప్రాసెసర్

వెనకవైపు 50+48+12+ మెగా పిక్సెల్ క్వాడ్ కెమెరా సెటప్, ముందు భాగంలో 32 MP సెల్ఫీ షూటర్‌

ఆండ్రాయిడ్ 12 ఆపరేటింగ్ సిస్టమ్

4700 mAh బ్యాటరీ సామర్థ్యం, 80W ఛార్జర్

ధర, రూ. 79,999/-

ఈ ఫోన్ కాస్మిక్ బ్లాక్ అనే ఒకేఒక్క కలర్ ఆప్షన్‌తో లభిస్తుంది.