Vitamin E : మీరు బ్యూటీ ఫ్రీక్​ అయితే.. విటమిన్ E మీ లిస్ట్​లో టాప్​లో ఉండాలి..

Vitamin E Benefits : విటమిన్ ఇ క్యాప్సూల్స్ మీ చర్మం, జుట్టు సంరక్షణలో అద్భుతాలు చేస్తాయి అంటున్నారు నిపుణులు. గోరు రక్షణ నుంచి మీ జుట్టు, చర్మ పోషణ వరకు అంతేకాకుండా సౌందర్య ప్రయోజనాల కోసం విటమిన్ E క్యాప్సూల్స్‌ను ఉపయోగించవచ్చు అంటున్నారు. మరి ఈ సప్లిమెంట్​ను బ్యూటీ అవసరాల కోసం ఎలా ఉపయోగించవచ్చో ఇప్పుడు తెలుసుకుందాం.

1. గోళ్ల పెరుగుదలకు

చాలామంది అమ్మాయిలు గోళ్లు పెంచుకుంటారు. కానీ ఇంట్లోని కార్యకలాపాలు గోళ్లను పాడుచేస్తాయి. ఎంత అందంగా పెంచుకున్నా.. బలహీనంగా మారిపోయి విరిగిపోయే అవకాశాలు ఎక్కువగా ఉంటాయి. మీరు కూడా అలా ఇబ్బంది పడుతున్నవారే అయితే.. విటమిన్ ఇని ఉపయోగించండి.

విటమిన్ ఇ క్యాప్సూల్‌ని కట్​ చేసి.. ఆ లిక్విడ్​తో గోర్లు, దాని చుట్టూ ఉన్న చర్మాన్ని మసాజ్ చేయండి. ఉత్తమ ఫలితాల కోసం.. మీరు దీన్ని పడుకునే ముందు అప్లై చేయడం మంచిది. ఇది మీ గోర్లను మృదువుగా, పోషణతో దృఢంగా మార్చుతుంది.

2. హైపర్పిగ్మెంటేషన్​ తగ్గిస్తుంది..

హైపర్‌ పిగ్మెంటేషన్ అనేది మీ చర్మంలోని ఇతర భాగాల కంటే మెలనిన్ ఎక్కువగా చేరడం వల్ల వస్తుంది. ఇది చివరికి మీ స్కిన్ టోన్‌ని కూడా మార్చేస్తుంది. ఈ సమస్యను తగ్గించుకోవడానికి విటమిన్ E వాడొచ్చు. ఇది యాంటీఆక్సిడెంట్ లక్షణాలను కలిగి ఉండడమే కాకుండా.. చర్మ శాస్త్రంలో ఒక అద్భుత విటమిన్‌గా పరిగణించబడుతుంది.

హైపర్‌ పిగ్మెంటేషన్ సమస్యను పోగొట్టుకోవడానికి త్వరిత పరిష్కారం లేదు. కానీ విటమిన్ E రోజూ ఉపయోగించడం వల్ల ఈ సమస్యను తగ్గించుకోవచ్చు. విటమిన్ E లిక్విడ్​ను వృత్తాకార కదలికలో మీ చర్మంపై సున్నితంగా మసాజ్ చేయండి. విటమిన్ ఇని ఫేస్ ప్యాక్‌లో కూడా జోడించి ఉపయోగించవచ్చు.

3. జుట్టును బలోపేతం చేయడానికి

విటమిన్ Eలోని యాంటీఆక్సిడెంట్లు జుట్టుకు ప్రయోజనాలను అందిస్తాయి. ముఖ్యంగా జుట్టు రాలడం సమస్యలతో పోరాడుతున్న వారు దాని ద్వారా మంచి ఫలితాలు పొందవచ్చు. మీరు షాంపూ, కండిషన్ లేదా ఆయిల్‌తో పాటు సమయోచితంగా విటమిన్ ఇ క్యాప్సూల్స్‌ను ఉపయోగించవచ్చు.

విటమిన్ Eని హెయిర్ మాస్క్‌లో ఉపయోగించవచ్చు. క్యాప్సూల్ నుంచి లిక్విడ్​ను తీసి.. కొబ్బరి నూనె లేదా ఆలివ్ ఆయిల్ నూనెలో కలిపి ఉపయోగించవచ్చు. వారానికి రెండుసార్లు దీనిని ఉపయోగించేందుకు ప్రయత్నించండి. ఫలితం మీకే తెలుస్తుంది.

4. ముడతలను తగ్గిస్తుంది..

విటమిన్ ఇ నూనెను వయసుతో పాటు వచ్చే ముడతలతో బాధపడే వ్యక్తులు యాంటీ ఏజింగ్ క్రీమ్‌గా విటమిన్ Eని ఉపయోగించవచ్చు. ఇందులోని సహజ శోథ నిరోధక లక్షణాలు చర్మానికి మంచిగా చేస్తాయి. అంతే కాకుండా.. విటమిన్ E ఆయిల్ తేమను లాక్ చేయడానికి, చర్మాన్ని హైడ్రేట్​గా ఉంచడానికి కూడా సహాయపడుతుంది.

ఉత్తమ ఫలితాల కోసం వృత్తాకార కదలికలో మీ చర్మంపై విటమిన్ ఇ నూనెతో మసాజ్ చేయండి. మీరు నిద్రపోయే ముందు రోజుకు ఒకసారి మాత్రమే ఉపయోగించండి. కొంతమంది నిపుణులు ప్రతిచర్య భయంతో చర్మంపై విటమిన్ ఇ నూనెను నేరుగా ఉపయోగించవద్దని హెచ్చరిస్తున్నారు. కాబట్టి ముందు పాచ్ టెస్ట్ చేసి.. మీకు సెట్​ అవుతుంది అనుకుంటే ఉపయోగించండి.

5. సన్​బర్న్ నుంచి రక్షణకై

మీ చర్మం వడదెబ్బకు గురయ్యే అవకాశం ఉందా? విటమిన్ ఇ ఆయిల్ మీ చర్మాన్ని హానికరమైన UV కిరణాల నుంచి రక్షించడానికి ఫోటో-ప్రొటెక్టివ్ శక్తిని కలిగి ఉంది. ఇది ప్రభావవంతమైన సన్‌బర్న్​కు చికిత్సగా చెప్తారు. ఎందుకంటే ఇది పొడి, పొరలుగా ఉండే చర్మానికి చికిత్స చేయగలదని బహుళ అధ్యయనాలను నిరూపించాయి.

విటమిన్ E క్యాప్సూల్ నుంచి కొన్ని చుక్కలను మీ సన్​స్క్రీన్ లోషన్​లో లేదా మాయిశ్చరైజర్​లో కలిపి చర్మంపై అప్లై చేయవచ్చు.