Kashmiri Halwa Recipe : ఈ దసరా పండుగకి.. కశ్మీరీ హల్వా ఇలా చేసేయండి..

Kashmiri Halwa Recipe : ఈరోజు దసరా పండుగా. తెలుగు రాష్ట్రాలు పండుగ వాతావరణంలో హడావిడిగా కళకళలాడిపోతున్నాయి. మరి ఈ సమయంలో పూజకోసం, మన కోసం కూడా ఓ చక్కని స్వీట్ చేసుకుంటే చాలా బాగుంటుంది. కాబట్టి మనం ఈరోజు సింపుల్​గా, టేస్టీగా తయారు చేసుకోగలిగే కశ్మీరీ హల్వాను తయారు చేసుకుందాం. మరి దీనిని ఎలా తయారు చేయాలో.. కావాల్సిన పదార్థాలు ఏమిటో ఇప్పుడు తెలుసుకుందాం.

కావాల్సిన పదార్థాలు..

* ఓట్స్ - 1 కప్పు

* పంచదార - అరకప్పు

* పాలు - 2 కప్పులు

* నెయ్యి - 4 టీస్పూన్స్

* ఏలకుల పొడి - 1 టీస్పూన్

* కుంకుమపువ్వు - కొంచెం

* జీడిపప్పు - మీ టేస్ట్​కి తగ్గట్లు

* బాదం పప్పు - మీ టేస్ట్​కి తగ్గట్లు

* ఎండుద్రాక్ష - మీ టేస్ట్​కి తగ్గట్లు

తయారీ విధానం

ముందుగా నాన్​ స్టిక్ పాన్ తీసుకోండి. దానిలో 2-3 టీస్పూన్ నెయ్యి వేసి వేడి చేయండి. దానిలో ఓట్స్ వేసి.. అవి రంగు మారే వరకు తక్కువ వేడి మీద ఫ్రై చేయండి.

ఇప్పుడు మరో పాన్​లో పాలు, పంచదార వేసి.. మరిగించండి. చక్కెర పూర్తిగా కరిగిన తర్వాత.. వేయించిన ఓట్స్ వేసి బాగా కలపాలి. మిశ్రమం దగ్గరగా అయ్యేవరకు దానిని కలుపుతూ ఉండాలి. కుంకుమపువ్వుని పాలల్లో నానబెట్టి.. ఆ మిశ్రమంలో వేసి.. బాగా కలపాలి. ఇప్పుడ స్టవ్ ఆపేసి.. దానిలో నేతిలో వేయించిన జీడిపప్పు, బాదం, ఎండుద్రాక్ష వేసి.. సర్వ్ చేసుకోవాలి. అంతే టేస్టీ టేస్టీ కశ్మీరీ హల్వా రెడీ.